7 / 16
MADE POSSIBLE BY
THE MAIZE TRUST
7
A
BALIMI BAPHANTSI KOXINZELELO OLUXHALA-
BISAYO LWEENDLEKO OLUBANGELWA KUKU-
NYUKA OKUTHE CHU KWAMAXABISO EEMVELISO
ZAMALUNGISELELO KUQUKA IMIVUZO EYIYONA
IPHANTSI. INDLELA YOKUNQANDA OLU XINZE-
LELO KUKWANDISA IMVELISO. KUMANQAKU ANGAPHAMBI-
LI SIXOXE NGEZINYE IINDLELA MHLAWUMBI ZOKUNYUSA
INGENISO KUNYE/OKANYE UKUNCIPHISA IINDLEKO UKUZE
KUGCINWE INZUZO ENOZINZO.
Enyanisweni abalimi mabazame ukwandisa umsebenzi wabo wokufa-
ma kunye/okanye bagcine iinzuzo ezinozinzo. Ngoko ke, kuyimfuneko
ukuzama ukugcina iinzuzo kwiinkalo ezahluka-hlukileyo.
Kweli nqaku siza kujolisa kubasebenzi beshishini kunye nobudlelwane
babo nabaqeshi babo obaziwa ngokuthi bubudlelwane babasebenzi. Uxi-
nzelelo lwemali lunyanzela abanini/abalawuli beshishini ukuba babajonge
ngenye indlela abasebenzi babo. Iindleko zabasebenzi zinyuke kakhulu
kanti kule mihla zezinye zeendleko eziphezulu zeshishini.
Ubukhulu bomsebenzi owenziwa kwifama uhambelana nenani laba-
sebenzi abenza umsebenzi, ixesha elisetyenziselwe ukwenza umsebenzi
kunye nesiphumo semizamo yomqeshwa. Xa abaqeshwa bebaninzi
nomsebenzi wabo uyanda, balondoloza ixesha kunye/okanye base-
benzise imithombo yoncedo ngendlela encomeka ngakumbi kuze ku-
phucuke neziphumo. Isiphumo siba neendleko eziphantsi kunye/okanye
ingeniso ibe fphezulu.
NDINGABUPHUCULA NJANI UBUKHULU
BOMSEBENZI OWENZIWEYO?
Ukuze kwenziwe umsebenzi kufuneka abantu abasebenzisa eminye
imithombo yoncedo (izixhobo noomatshini) ngoko ke,
umsebenzi =
abantu x imithombo yoncedo
. Abantu ke ngoko bayinxenye esisiseko
sokwenziwa komsebenzi kwaye imbonakalo-zimvo yabo ibalulekile. Imi-
thetho-siseko efanele ukuxoxwa isetyenziswa nokuba umqeshwa mnye
kuphela okanye baliqela.
Mandulo abaqeshi babengakuqondi ukubaluleka kwembonakalo-
zimvo yabaqeshwa malunga nobukhulu bomsebenzi owenziweyo.
Uluvo jikelele yayikukuba abantu abafuni kusebenza, kufuneka banya-
nzelwe baze baxhatshazwe ukuze bade basebenze. Isiphumo soko sibe
bubudlelwane babasebenzi obulambatha ngenene. Izinto ziye zaba
mbi kakhulu kangangokuba ekugqibeleni urhulumente wenze ilinge
lokubulawula ngomthetho obu budlelwane. EMzantsi Afrika sinemi-
thetho eliqela emalunga nabasebenzi iquka uMthetho wobuDlelwane
babaSebenzi. Ngokuthobela imimiselo yemithetho, abaqeshi basingi-
se ekuphuculweni kobudlelwane. Nangona kunjalo, kusekuninzi
okunokwenziwa ukuze kusekwe ubudlelwane obulungileyo kunemi-
bandela eshukuxwe emithethweni.
Sekuxelwe ngokubanzi ukuba imbonakalo-zimvo yabaqeshwa ine-
futhe elikhulu kubukhulu bomsebenzi owenziweyo. Ubudlelwane babase-
benzi ngumba ongundoqo kulonwabo lwabasebenzi nokuzibandakanya
kwabo. Xa ulawulo lwabasebenzi lulambatha, isiphumo siba yimbonaka-
lo-zimvo yabasebenzi engenamvisiswano, xa kungenjalo oku kuba yenye
indlela. Abaqeshwa abanembonakalo-zimvo engenamvisiswano baya
kusebenza ngokucothisisa, benza umsebenzi othile ngokungakhathali,
bonakalisa izixhobo zokusebenza neminye imithombo yoncedo, benze
umsebenzi ongekho mgangathweni, bafike emisebenzini emva kwexe-
sha, bathathe iintsuku ezingeyomfuneko zekhefu lokugula, njalo njalo.
Onke la ngamanyathelo achasene nobukhulu bomsebenzi owenziweyo,
kwaye akhokelela ekuncipheni komsebenzi owenziweyo.
Xa abaqeshwa benenkuthazo kwaye belawulwa kakuhle, baya
kuba nembonakalo-zimvo yemvisiswano ngokunjalo baya kuzinikela
ekusebenzeni ngenkuthalo futhi babe ngabaqeshwa abathembeki-
leyo. Isiphumo – kukuphucuka komsebenzi owenziweyo. Umngeni
wabaqeshi yindlela yokuphatha abasebenzi ngenkuthazo ukuze ba-
phucule ukusebenza kwabo. Ukusebenza nabantu kusenokuba nzima
ngenxa yokungafani kwendlela esidalwe ngayo, iimvakalelo, izakho-
no, ukuziphatha kwethu nangezenzo.
Ngokufutshane, ufanele ukuphatha abasebenzi bakho njengaba-
ntu ngokwendlela obunokuthanda ukuphathwa ngayo ngumphathi
wakho. Phatha abasebenzi bakho ngesidima, ngentlonelo, baphathe
ngokufanelekileyo phantsi kwazo zonke iimeko, wancome amalinge
abo, banike uxanduva lomsebenzi, banike uqeqesho olufanelekileyo
ngokunjalo bavuze ngokufanelekileyo. Nxibelelana rhoqo nabase-
benzi bakho malunga nombono wakho, umnqophiso nangemigqali-
selo yeshishini ngokunjalo nangendima yabo kwimpumezo yoku.
Uze ungalibali ukunxibelelana nabasebenzi bakho ngomgangatho
womsebenzi wabo uncome apho wenziwe khona kakuhle umsebenzi.
Musa ukuthetha kakubi ngabasebenzi bakho. Kodwa kwakhona, qini-
sa isandla ungajiki kwinto oyilindele kubo. Ukuba umqeshwa waphule
umthetho, thatha amanyathelo ayimfuneko ngokomgaqo nekhowudi
yoluleko. Naxa kunjalo baphathe ngokufanelekileyo futhi ngqongqo.
Xa sikucebisa ukuba ufanele ukuphatha abaqeshwa bakho nje-
ngabantu, asithethi ukuba kufuneka ubaphathe ‘njengabahlobo’,
ikude leyo into.
Ukuphumeza umsebenzi omkhulu owenziweyo qinisekisa
ubalaselo lweshishini jikelele, ufanele ukubabandakanya abaqeshwa
bakho. Udinga abasebenzi abazinikeleyo nabanentumekeko. Uku-
phumeza oku, kufuneka uyiqaphele indlela oqesha ngayo abantu.
Qinisekisa ukuba uyazazi iimpawu ozifunayo. Ingaba unalo uhlalu-
tyo lomsebenzi ofanele ukwenziwa? Ingaba unalo uqeqesho lwa-
ngaphakathi? Uyayazi imiba yamandla neyobuthathaka bomqeshwa
ngamnye kwaye uyisebenzisa kakuhle? Okubalulekileyo koku, unga-
balawula njani abasebenzi bakho xa ungabazi ngabanye? Ukuze ube
ngumntu onomsebenzi omkhulu owenziweyo kufuneka ube nenku-
thazo, imbonakalo-zimvo yemvisiswano nezakhono kunye nobuchule
obuyimfuneko.
Lawula abasebenzi bakho ngobulumko ukuze wandise umsebenzi
owenziweyo ngokwenza njalo wandisa neenzuzo zakho. Umsebenzi
owenziweyo omkhulu ungakhokelela ekuncipheni kweendleko ku-
nye/okanye wandise ingeniso, isiphumo sibe kukuphucuka kwee-
nzuzo eziya kuba luncedo kubo bonke ababandakanyeka kwishishini
– umqeshi nabaqeshwa.
Ukwakha abasebenzi
abazinikeleyo nabanentumekeko
Marius Greyling, umbhali kwiPula
Imvula. Thumela i-imeyili apha
mariusg@mcgacc.co.za