![Show Menu](styles/mobile-menu.png)
![Page Background](./../common/page-substrates/page0045.png)
ႆႇ
HOOFSTUK 1
Heffings
Invoertarief
Die Suid-Afrikaanse koringbedryf is onderhewig aan die betaling van tariewe op
koring wat ingevoer word. Dit is hoofsaaklik ingestel om plaaslike produsente teen
lae gesubsidieerde wêreldpryse te beskerm, wat daartoe kan lei dat die plaaslike
pryse daal tot vlakke wat die volhoubaarheid van die koringbedryf in Suid-Afrika in
gevaar kan stel. Die tarief is gebaseer op die vasgestelde wêreldprys in VSA-dollar.
Indien wêreldpryse van koring onder die vasgestelde vlak daal wat volgens ’n vaste
formule bereken word, tree die tarief in werking.
Gedurende 2005 het die International Trade Administration Commission (ITAC) van
Suid-Afrika ’n studie onderneem om te bepaal of die heersende tariefbedeling op in-
voere effektief was. Die koringbedryf was van mening dat die stelsel oneffektief was,
omdat die basis vir berekening van die tariewe slegs die blote VSA-dollarprys van
koring in aanmerking geneem het, sonder inagneming van die wisselkoersverande-
ring tussen die VSA dollar en die SA rand. Dit het ook nie die verskille wat tussen die
verskillende lande van oorsprong van die koring bestaan, in ag geneem nie.
Gevolglik het die graanbedryf ’n alternatiewe bedeling ten opsigte van tariefbepa-
ling voorgestel wat, onder andere, daardie aspekte in aanmerking sou neem. Die
ITAC het egter bevind dat daar nie enige regverdiging vir ’n tariefverhoging was
nie, omdat die maalbedryf in besonder nie noemenswaardige mededinging van
invoere ondervind nie.
Statutêre heffing
Die oogmerke en doelwitte van die statutêre heffing, wat ingevolge die Wet op die
Bemarking van Landbouprodukte, 1996, op koring, gars en hawer ingestel word,
is om finansiële ondersteuning aan wintergraannavorsings-, inligtings- en ontwik-
kelingsfunksies te verleen wat deur die wintergraanbedryf as noodsaaklik en in
belang van die bedryf geïdentifiseer is. Die instandhouding van makro bedryfs-
inligting word deur die wintergraanbedryf en deur direk-geaffekteerde partye as
noodsaaklik geag vir strategiese beplanningsdoeleindes.
Die verskaffing van generiese markinligting op 'n deurlopende basis aan alle rol-
spelers is krities om die mark doeltreffend te laat opereer. Die wintergraanbedryf
ondersteun die beginsel dat generiese markinligting deur middel van statutêre
maatreëls verkry moet word en dat SAGIS die amptelike voertuig is om dit te be-
reik. 'n Statutêre heffing word vereis om te verseker dat die wintergraanbedryf ook
deel in die versameling en verspreiding van markinligting.
Die uitgangspunt is dat behoorlike en akkurate wintergraanmarkinligting, wat
deurlopend en tydig beskikbaar is, nie slegs marktoegang vir alle markdeelnemers
verbeter nie, maar ook die doeltreffendheid van die bemarking van wintergraan
en wintergraanprodukte en dus ook die lewensvatbaarheid van die wintergraan-
bedryf en die landbousektor in die breë bevorder. Markinligting bevorder voorts
voedselsekerheid deurdat die mark beter kan funksioneer, aangesien inligting oor
nasionale voorraadvlakke van wintergraan beskikbaar is.
Finansiering word ook benodig vir navorsing oor nuwe tegnologie om die kom-
plekse interaksie tussen die veranderde gedragspatrone van oeste en die eksterne
faktore wat dit beïnvloed, soos plae en siektes, te kan verstaan en bestuur. Dit is
ook vir die bedryf noodsaaklik dat die spesifieke infrastruktuur wat oor tyd ge-
vestig is om navorsing oor verbruikersvoorkeure te doen, in stand gehou word.
Verder, ten einde die opbrengs uit uitvoere te optimaliseer, is dit noodsaaklik dat
Suid-Afrikaanse produkte aan internasionale kwaliteitstandaarde voldoen, wat ’n
behoefte skep dat navorsers en telers moet toesien dat plaaslik geproduseerde
wintergraan mededingend is en bly op internasionale markte. Die heffing word
benodig vir die befondsing van navorsingsprojekte ten einde hierdie behoeftes
aan te spreek.
Die heffings word deur die Wintergraantrust in ’n afsonderlike rekening geadmi-
nistreer. ’n Deel daarvan word ook op kleinskaalse produsente en die ontwikkelende
wintergraanbedryf toegespits.