![Show Menu](styles/mobile-menu.png)
![Page Background](./../common/page-substrates/page0075.jpg)
ႉႇ
HOOFSTUK 1
Graan SA probeer ook om die kwessie van bewaringslandbou tot ’n groter mate
onder die aandag van universiteite te bring en geleenthede te skep waar dié instel-
lings op hierdie terrein saam met produsente kan werk. Op hierdie wyse word
gepoog om studente meer bewus te maak van en blootstelling te gee aan bewa-
ringslandboupraktyke.
Doelwit
Graan SA se oogmerk is om soveel as moontlik innoveringsplatforms te stig in
dié agro-ekologiese streke waar nog geen of min aanvaarding van bewaringsland-
bou is. In die proses is ’n bewaringslandbouwerkgroep in Graan SA gestig wat ’n
groot rol sal speel in die koördinering en bestuur van die program. Die werkgroep
het ’n spesifieke metode ontwikkel om nuwe projekte te identifiseer en evalueer
en om ’n paneel van kundiges te identifiseer wat hulle daarmee behulpsaam kan
wees. Die werkgroep werk ook saam met ander belangrike rolspelers, soos die be-
trokke staatsdepartemente, oor aangeleenthede rakende die skepping van beleid
en ontwikkeling van geakkrediteerde opleidingsleerplanne.
Daar word tans gewerk aan die integrasie van bewaringslandbou in die Departe-
ment van Landbou, Bosbou en Visserye se sogenaamde “LandCare”-program, wat
’n gemeenskapsgebaseerde natuurlike hulpbronbewaringsprogram is.