27 / 75
ႄႉ
HOOFSTUK 1
Klankgreep: Die invoere van mielies vanaf
Amerika in 1992 – mnr Vic Mouton.
gemuf, erg besmet met aflatoksien en vol kaf. Groot hoeveelhede daarvan was nie
vir menslike of dierlike gebruik geskik nie en is in die see gestort.
In die 1993/1994-seisoen is weer eens ’n groot oorskot mielies geproduseer. Die
tydskrif
Mielies/Maize
het in sy uitgawe van November 1993 die destydse Voorsit-
ter van die Mielieraad, mnr Jan Schabort, soos volg aangehaal: “Produsente moet
nie vir uitvoer produseer nie. Vanjaar verloor ons baie geld vanweë die besondere
groot oes. Indien ons net vir die binnelandse mark produseer, behoort die toekoms
vir die bedryf positief te wees. Maar dan moet elke boer sy kant bring en aanplan-
tings afskaal.”
Die Mielieraad het in 1995 ’n ooreenkoms met die Instituut vir Grond, Klimaat en
Water van die LNR aangegaan om navorsing te doen oor die gebruik van satel-
liettegnologie om bewerkte mielielande in die mielieproduserende gebiede af te
baken en dit te nommer. Die totale oppervlakte wat gemeet moes word, het on-
geveer 69 miljoen hektaar beslaan. Die tegnologie sou ook gebruik word om meer
akkurate oesskatting te kan maak en ander belangrike landbou-inligting in te samel.
Dit is destyds beskryf as een van die grootste landbougebeurtenisse van die tyd.
Gedurende Oktober 1996 is produsente geadviseer om nie mielies op hulle swak-
ker grond te plant nie, aangesien die Mielie-advieskomitee (MAK) in Oktober 1996
IN 1991, TOE DIE “POLITIEK AL BEGIN
VERANDER HET”, SOOS WAT MNR VIC
MOUTON, EEN VAN DIE VOORSITTERS VAN
DIE MIELIERAAD, DAARNA VERWYS, IS ’N
STAKING DEUR PRODUSENTE IN PRETORIA
GEREËL. DIT IS NIE DUIDELIK WAT PRESIES
DIE MOTIEF DAARAGTER WAS OF WIE
DIT GEORGANISEER HET NIE, MAAR DIE
MENING IS REDELIK ALGEMEEN GEHULDIG
DAT DIT MEER POLITIES VAN AARD WAS. ’N
DAGBLAD VAN DAARDIE TYD HET BERIG DAT
ONGEVEER 1 000 VOERTUIE (WAARVAN DIE
MEESTE TREKKERS EN VRAGMOTORS WAS)
IN DIE MIDDESTAD VAN PRETORIA SE STRATE
GEPARKEER WAS, WAT DIE VERKEER IN DIE
STAD TOTAAL VERLAM HET. DIE MIDDESTAD
IS AS ’N ONRUSGEBIED VERKLAAR EN
VOLGENS DIE BERIG IS SOWAT 120 VAN
DIE ONGEVEER 5 000 PRODUSENTE WAT
DAARAAN DEELGENEEM HET, GEARRESTEER.
DIE STAKING IS BEËINDIG NADAT ’N
HOOGGEREGSHOFBEVEL VERKRY IS WAT
DIE PRODUSENTE GELAS HET OM HULLE
VOERTUIE TE VERWYDER.
