![Show Menu](styles/mobile-menu.png)
![Page Background](./../common/page-substrates/page0025.jpg)
ႄႇ
HOOFSTUK 1
van tyd by veranderde omstandighede moet aanpas. In dié verband is aanbeveel dat
mettertyd na ’n meer markgerigte eenkanaalstelsel vir mielies beweeg word (deur
produsente toe te laat om onder bepaalde voorwaardes mielies direk aan kopers te
verkoop) en mettertyd ’n prysvormingsmeganisme te ontwikkel.
Die komitee het uitgewys dat ’n vryemarkstelsel wel sekere voordele gehad het en
die mening uitgespreek dat die beste oplossing waarskynlik geleë is in ’n kombi-
nasie van gereguleerde prysvorming en ’n vryemarkmeganisme, met ’n behoorlike
verdeling van funksies.
Die komitee se aanbevelings het verder ingesluit dat volstaan moet word met
die Minister van Landbou se besluit om die eenkanaalstelsel vir mieliebemar-
king landswyd van toepassing te maak, maar het aanvaar dat verskillende bemar-
kingsreëlings wel in verskillende gebiede kan geld op grond van verskillende
omstandighede. ’n Herindeling van die mieliegebiede met gedifferensieerde be-
markingsreëlings is voorgestel.
Ander belangrike aanbevelings van die Brandkomitee was dat die Staat onder-
steuning aan produsente moet verleen in geval van ramptoestande en dat die Staat
homself moet verbind tot die finansiering van ’n strategiese graanvoorraad of die
finansiering van uitvoerverliese verbonde aan voorafbepaalde strategiese produk-
sievolumes. Eweneens was die komitee van mening dat ondersteuning aan sekere
verbruikersgroepe geregverdig sou wees, onderhewig daaraan dat dit op só ’n
wyse moet geskied dat dit nie verkeerde markseine skep nie.