59 / 75
ႇႋ
HOOFSTUK 1
Produksie
Sonneblom presteer beter as die meeste ander graangewasse onder ongunstige,
droë klimaatstoestande, wat moontlik verklaar waarom dit ’n gewilde gewas is om
in die meer marginale produksiegebiede van Suid-Afrika te verbou.
Sonneblom is ’n goeie wisselbougewas met mielies en daar bestaan ’n redelike korre-
lasie tussen die oppervlaktes waarop mielies en sonneblom, onderskeidelik, geplant
word, omdat produsente maklik kan oorskakel na sonneblom wanneer die optimale
plantdatum vir mielies verby is. Dit verklaar ook deels waarom sonneblomproduksie
van jaar tot jaar redelik baie wissel, soos wat Grafiek 26 (op bladsy 60) aantoon.
In 2008 was Suid-Afrika die wêreld se tiende grootste produseerder van sonne-
blomsaad, wat hoofsaaklik in die Vrystaat, Noordwes, Limpopo en die hoëveld
van Mpumalanga geproduseer is.