34 / 84
TERUGBLIK
NAMPO 2017
Spesiale
Junie 2017
32
Splinternuwe trekkers is hier
F
endt, die wêreld se mees gevorderde trekker, het vanjaar
opspraak verwek by die Graan SA NAMPO Oesdag, waar dit
te midde van groot belangstelling deur BHBW Suid-Afrika be-
kend gestel is.
Met hierdie nuwe trekkerreeks betree BHBW Suid-Afrika (die ge-
samentlike onderneming tussen Barloworld en die Duitse groep
BayWa AG) nuwe terrein in landboumeganisasie. Dit word allerweë
beskou as die mees innoverende en intelligente trekkerhandels-
merk ter wêreld en daar word verwag dat dit ook plaaslik vir on-
geëwenaarde werkverrigting en ekonomie sal sorg.
Fendt, wat in 1997 deur Agco Corporation bekom is, vervaardig
reeds sedert 1937 trekkers in Beiere, Duitsland. Oor die jare het
die handelsmerk ‘n reputasie verwerf vir baanbrekertegnologie
– soos die Vario-transmissie wat sedert 1995 die standaard stel vir
deurlopend-wisselende transmissies in landbou. Meer as 250 000
trekkers met Vario-transmissies is al deur Fendt vervaardig.
Dié trekkers is beskikbaar met kraglewering van 51 kW tot 380 kW.
In Suid-Afrika sal BHBW aanvanklik fokus op die bemarking van
vyf reekse: die Fendt 1000 Vario (291 kW - 380 kW), Fendt 900 Vario
(199 kW - 243 kW), Fendt 800 Vario (162 kW - 206 kW), Fendt 700 Vario
(94 kW - 162 kW) asook ‘n spesialisreeks vir wingerde en boorde,
die Fendt 200 Vario V (51 kW - 81 kW).
Al dié trekkers is toegerus met die Vario-transmissie. Dit sluit die
Fendt 1000 Vario, wat spog met die nuwe VarioDrive-transmissie, uit.
Die Fendt 1000 Vario-reeks, wat aangedryf word deur 12,4 liter
MAN-sessilinderenjins met VTG-turboaanjaers, illustreer die voor-
sprong wat Fendt-tegnologie aan produsente bied:
VarioDrive is die eerste trekkertransmissie wat outomaties
onafhanklike vierwielaandrywing, wat sorg vir die ideale wring-
kragverspreiding na die voor- en agterasse, moontlik maak.
Alle komponente wat krag verbruik, is ontwerp volgens ‘n lae-
enjinrevolusie-hoë-wringkrag-beginsel (genaamd Fendt iD), wat
brandstofverbruik verlaag en dienslewe verleng. Wringkrag van
tot 2 400 Nm word al vanaf 1 100 rpm bereik – afhangend van
werkstoestande.
Hidrouliese vloei kan tot 430 liter/min verhoog word vir spe-
sialistoepassings, met twee onafhanklike hidrouliese kringe wat
220 liter en 210 liter onderskeidelik lewer.
Banddruk kan, danksy Fendt VarioGrip, in die ry uit die kajuit ver-
stel word. Daarby dui die Grip Assist-stelsel aan hoeveel gewig
waar benodig word en wat die banddruk moet wees, gebaseer
op die werk wat gedoen word, bandgrootte en werkspoed.
Die jongste sagteware-oplossings maak intydse afstandsmoni-
tering, vir groter doeltreffendheid en produktiwiteit, moontlik.
Die vlagskip, die Fendt 1050 Vario, is ‘n reusetrekker. Om maksimum
krag na die grond te verplaas, is die bandgrootte vir die agterste
dubbelwiele 750/75 R46 en die voorbande 650/65 R38. Die agter-
bande is amper 2,35 m in deursnee. Gewigte van tot 1,25 ton kan op
elke agterwiel bygevoeg word (daar is ook ‘n neusgewig-opsie van
‘n ekstra 3,3 ton).
Direk vanaf BHBW
Die trekkers word direk deur BHBW bemark en tegniese ondersteu-
ning word, in samewerking met gekeurde hoëtegnologiehandelaars
in BHBW se bestaande Massey Ferguson- en Challenger-handelaars-
netwerk, gelewer. Tegnici word deur Fendt opgelei en onderdele
word via Agco se Afrika-pakhuis in Johannesburg verskaf.
“BHBW streef daarna om geïntegreerde tegnologiegedrewe oplos-
sings te bied, wat produsente in staat stel om meer produktief,
volhoubaar en winsgewend te boer. Fendt pas perfek hierby in,” sê
mnr Godfried Heydenrych (uitvoerende hoof: BHBW).
“En met die wêreld se grootste Fendt-handelaar, BayWa, as ven-
noot, betree ons die mark met die vertroue dat ons oor die
kundigheid beskik om reg te laat geskied aan hierdie fenomenale
trekkertegnologie en van die begin af hoë vlakke van produksteun
te lewer.”
Produk-inligting
ANITA VAN ZYL,
namens BHBW Suid-Afrika
By die Fendt-bekendstelling is die
grootste konvensionele wieltrekker in
die wêreld, die Fendt 1050 van 380 kW,
onthul. Van links staan Godfried
Heydenrych, Roland Schuler (lid van
BayWa se bestuursraad), Amadou
Coulibaly (Ivoorkus se Minister van
Landbou), Senzeni Zokwane (Suid-
Afrikaanse Minister van Landbou,
Bosbou en Visserye), Gary Collar
(senior visepresident: Agco Corporation
Asia Pacific en Africa) en Nuradin Osman
(visepresident en hoofbestuurder vir
Afrika: Agco Corporation).