29 / 84
Rudi Lewis (tegniese verteenwoordiger: Hi-Tec) het Hi-Tec-stewels
en -tekkies aan Henry en Lizette Lüdick van Vereeniging verkoop.
Lizette wys hier hoe haar tekkies lyk, terwyl ‘n ander kliënt toekyk.
Hi-Tec lewer al vir meer as 40 jaar kwaliteit produkte. Mense, die
natuur, sport en kwaliteit was en is steeds die inspirasie van dié
handelsmerk en hul produkte.
Die Horsch Focus ST het baie aftrek gekry by hierdie jaar se
NAMPO Oesdag. Terratill Implemente se algemene bestuurder,
Henry van Vuuren (regs), sê dié presisieplanter is veral gewild onder
produsente in besproeiingsareas. Die Focus ST is ‘n strookbewerker,
kunsmisplaser en planter wat geskik is vir fyn saad en graan. By hom
is Pieter Maree van Sizwe Asset Finance.
Ontwerpingenieur, Berend Wierenga (links) en John Schmidt, ‘n
produsent uit die Tuinplaas-omgewing, bespreek die FertmaX 1624, ‘n
presisiekunsmistoediener met twee 3 500 liter-tenks. Wat dié Rula-Agri
produk so gewild maak, is dat twee verskillende produkte op een slag
toegedien kan word. Met uitmeet-eenhede van 450 kg teen 14 km/uur
was die kunsmistoediener ‘n topverkoper by hierdie jaar se Oesdag.
Paul de Wet van Kestell het ‘n draai by Lemken gemaak om meer oor
die Lemken Karat 9/700 KUA-beitelploeg te wete te kom. Karel Munnik
(besturende direkteur: Lemken) het hom gehelp. Die Karat is geskik vir
beide vlak stoppelbewerking en diepbewerking, saadbedvoorbereiding
of vir die saai van ‘n dekgewas.
Babcock verkoopsagente Harry Staats (links) en Arthur Mitchel moes
hierdie jaar bontstaan by hul stalletjie weens grootskaalse belang-
stelling in die Volvo EC210B laaigraaf. Dit is veral die EC210B se
uitstekende brandstofverbruik (12,8 liter/uur) en betroubare
naverkoopdiens wat kopers trek.
Om self gras te sny is nou iets van die verlede. Oesdagbesoekers
De Wet Otto (links) en Burger Kotze is hier diep in gesprek met
Dylan Lane (Husqvarna), om meer oor die Automower-grassnyer uit te
vind. Die grassnyer sny slegs binne die grense van ‘n sensor-grensdraad
en draai om sodra dit by die draad kom. Demonstrasies met dié innove-
rende produk het vele besoekers na die Husqvarna uitstalling gebring.
TERUGBLIK
NAMPO 2017
Spesiale
27
June 2017
Nuwe NAMPO-rekord