SA Graan Julie 2015

36 / 92

Julie 2015
34
Die verband tussen anorganiese
stikstof in die grond en relatiewe
opbrengs vir mielies
Die meting van anorganiese stikstof (N) in die grond is die
akkuraatste wetenskaplike basis vir N-bemestingsbeplanning
voor die aanvang van ‘n seisoen sowel as vir genoegsame voor-
siening van N gedurende die seisoen.
Anorganiese N bestaan uit beide nitraat (NO3
-) en ammonium
(NH4
+) en dit is noodsaaklik dat daar vir beide die vorms van N ge-
toets word. Gewasse soos mielies, neem beide hierdie vorms van
N op, hoewel dit ‘n nitraat-N:ammonium-N-verhouding van na-
genoeg 75:25 vir die volle groeiseisoen verkies (Adriaanse, 1990).
Onder aërobiese toestande word ammonium-N gewoonlik redelik
vinnig deur die proses van nitrifikasie na nitraat-N omgeskakel.
Beplanning van N-behoefte voor die
aanvang van die volgende seisoen
Volgens hierdie metode word grondmonsters vir anorganiese
N-bepalings na-oes voor die eerste bewerking geneem.
Onder die meeste omstandighede behoort anorganiese N vir ‘n
diepte van 0 mm tot 600 mm bepaal te word. Slegs indien wortel-
ontwikkeling en N-onttrekking nie dieper as 300 mm plaasvind
nie, sou ontledings tot die boonste 300 mm beperk kan word.
Die ontledingsmetode wat gevolg behoort te word vir anorganie-
se N, is ekstraksie met kaliumchloried (KCl). Digtheid moet ook
vir dieselfde diepte-inkrement bepaal word. Die konsentrasies van
die twee N-vorms word vervolgens gebruik om die hoeveelhede
ekstraheerbare N vir die bepaalde diepte-inkrement per hektaar
te bereken.
N-behoefte vir die komende seisoen berus op die verwagte N-
opname, dit wil sê 26 kg N/ha vir elke ton mielies minus die gemete
anorganiese N in die grond. Onder besproeiing kan die anorganie-
se N wat met die besproeiingswater toegedien gaan word, ook van
die verwagte opname afgetrek word.
Die verwagte N-lewering uit organiese materiaal vir die volgende
seisoen kan ook van die verwagte opname afgetrek word in-
dien dit enige betekenisvolle verskil sou maak. Gronde wat
1% organiese materiaal in die bogrond bevat, sal nagenoeg 11 kg
tot 34 kg N/ha/jaar deur die proses van mineralisasie vrystel
PROMOSIE-ARTIKEL
ERIK ADRIAANSE, bestuurder: Agronomiese Dienste, Sasol Base Chemicals
Grafiek 1: Verwantskap tussen anorganiese stikstof in die boonste 600 mm grond, ses tot agt weke na-plant en relatiewe mielieopbrengs oor vyf
lokaliteite. Variasie in klei-inhoud: 0 mm - 600 mm = 2,5% tot 55,5%. Variasie in maksimum opbrengs oor 15 lokaliteit-jare: 3,8 ton/ha tot 11,8 ton/ha
(Adriaanse, 2013).