35 / 92
33
July 2015
BASF SA stel eerste Demoplatform
aan produsente bekend
B
ASF Suid-Afrika Gewasbeskerming se hoofprioriteit is
om die produsent se uitdagings en behoeftes te verstaan.
Die produsent, BASF se belangrikste vennoot, is die hoof-
fokus en vir dié rede is hy die middelpunt van al die maat-
skappy se aktiwiteite.
Ná die uitvoering van breedvoerige navorsing, het BASF ‘n nuwe
konsep vir die uitstalling van huidige en toekomstige gewasbe-
skermingsoplossings gevestig. Die BASF Demoplatform is ‘n
multigewas-tentoonstelling waar huidige en toekomstige plaas-
bestuuroplossings aan produsente voorgelê word.
Die hoofdoel van hierdie platform is om produsente toe te rus
met die nodige kennis van BASF se innoverende, betroubare
en volhoubare gewasbeskermingsoplossings. Dit word uitgelig
deur BASF se bemarkingsbestuurder, mnr Mikael Coquiller: “Die
Demoplatform is een van ons grootste projekte van die jaar en
speel ‘n belangrike rol in BASF se strategie wat op die produsent
gefokus is. Met dié strategie is ons hoofdoel om doeltreffende en
volhoubare plaasbestuursoplossings aan die produsent te bied,
wat gevolglik lei tot verhoogde kontantvloei, geoptimaliseerde
produksiedoeltreffendheid en die oorhoofse doel van verhoogde
opbrengs op belegging.”
Die eerste byeenkoms het plaasgevind op Delmas op 17 Februarie
vanjaar. Die indrukwekkende 5 ha plot is verdeel in drie hoofge-
wasse, naamlik mielies, sojabone en sonneblom, en is verder ver-
deel in onkruiddoder- en swamdoderprogramme. Produsente het
die geleentheid gehad om die voordele en resultate van huidige
en toekomstige oplossings waar te neem. Insiggewende voorleg-
gings is aangebied by verskeie gewaswerkswinkels en het gedien
as die perfekte platform vir produsente om hulle insette en terug-
voer te gee.
Op 3 Maart het die tweede byeenkoms van die Demoplatform op
Rysmierbult plaasgevind, op mnr Casper Botha se plaas. Volgens
die produsente wat dit bygewoon het, was hierdie werkswinkels
uiters professioneel en van uitmuntende gehalte. Die BASF
tegniese span het die produsente toegerus met waardevolle gewas-
beskermingsinligting asook informasie rondom doeltreffende
plaasbestuur.
Die derde Demoplatformbyeenkoms het plaasgevind op Howick op
25 Maart, waar mielie- en sojaboonproewe ten toon gestel is. Dié
byeenkoms was net so interaktief soos die vorige twee en almal
wat dit bygewoon het, was uiters beïndruk deur die uitslae van
huidige en toekomstige BASF-oplossings.
‘n Totaal van ongeveer 200 produsente vanuit die verskeie omliggen-
de areas het hierdie drie byeenkomste bygewoon. “Ons hoofdoel
is om produsente se behoeftes en uitdagings te verstaan en dié
drie byeenkomste is net die begin van ‘n langtermynvennootskap
met die produsent,” sluit Coquiller af.
Hierdie byeenkomste is ‘n uitstekende platform vir BASF om hul op-
lossings aan produsente ten toon te stel en is terselfdertyd ‘n goeie
indikasie van hoe belangrik dit vir die maatskappy is om produsente
se behoefte aan geïntegreerde plaasbestuursoplossings te vervul.
Die Suid-Afrikaanse produsent is BASF se hoofprioriteit en die be-
kendstelling van die Demoplatform is die eerste stap van vele
indrukwekkende vooruitsigte vir die toekoms.
BASF
1: Die BASF Demoplatform by Delmas, uit die lug afgeneem.
2: ‘n Sojaboonwerkswinkel gehou by die Delmas Demoplatform op 17 Februarie vanjaar.
3: Die BASF-boeredag Platformvoorleggings is vanaf Februarie tot Maart vanjaar op Delmas en
Rysmierbult gehou.
4: Die BASF Demoplatform by Howick op 25 Maart vanjaar.
1
2
3
4
FOKUS
Bemesting
Spesiale