92 / 112
Vir meer inligting oor die hantering
van die dieselkorting skandeer dié
QR-kode. Dit is verder belangrik
dat produsente kennis neem van
die aktiwiteite wat kwalifiseer vir
die dieselkorting (Skedule 6 deel 3).
Augustus 2017
90
OP PLAASVLAK
Bewaringslandbou
Navorsing op watertafel-sandgronde
Opbrengste onder eersgemelde bewerkings het gewissel van
5 906 kg/ha tot 8 514 kg/ha teenoor 5 026 kg/ha tot 7 482 kg/ha
onder verminderde bewerking.
Die hoë opbrengs van 8 339 kg/ha onder rip-op-ry plus tussenry-
rip op Visagieskuil (Grafiek 2c) is heel waarskynlik te danke aan die
goeie wortelontwikkeling (sien Figuur 1b).
2014/2015-seisoen
Grafiek 3a
tot
Grafiek 3c
toon dat die bewerkingsbehandelings
onder ‘n laer reënval (448 mm) ook verskille in graanopbrengs
teweeggebring het. Op al drie lokaliteite het een of ander vorm van
primêre bewerking bewerking (rip-op-ry, rip-op-ry plus tussenry-
rip, slegs tussenry-rip) hoër opbrengste gelewer as verminderde
bewerking.
Statisties-betekenisvolle verskille is op Springboklaagte en Gerrie
verkry. Van belang is dat die goeie opbrengste oor seisoene heen
verkry is, waar rip-op-ry met verminderde bewerking afgewissel
is (rip-op-ry/verminderde bewerking, verminderde bewerking/rip-
op-ry) (sien Grafiek 3a). Opbrengste onder rip-op-ryvariasies het
gewissel van 3 059 kg/ha tot 4 643 kg/ha teenoor 3 457 kg/ha tot
3 833 kg/ha onder verminderde bewerking.
2015/2016-seisoen
Grafiek 4
toon dat vir Springboklaagte uiters lae opbrengste ver-
kry is onder ‘n uiters lae seisoenale reënval van 308 mm (sien
Grafiek 1). Trouens, die reënval vir Januarie tot Maart 2016 was
sowat 50% van die 110 jaar-gemiddeld van 260 mm.
Alhoewel die bewerkingsbehandelings verskille in graanopbrengs
meegebring het, was dit nie statisties betekenisvol nie. Duidelike
tendense dat mielie-opbrengste vir hierdie uitermate droë seisoen
hoër was onder:
Rip-op-ry/verminderde bewerking vergeleke met rip-op-ry/
rip-op-ry (2 093 kg/ha versus 1 197 kg/ha);
verminderde bewerking/rip-op-ry plus tussenry-rip vergeleke
met rip-op-ry/rip-op-ry (1 784 kg/ha versus 1 197 kg/ha); en
verminderde bewerking/verminderde bewerking vergeleke
met rip-op-ry/rip-op-ry (1 576 kg/ha versus 1 197 kg/ha) is waar-
geneem.
Die gevolgtrekking kan daarom gemaak word dat ‘n rip-op-ry/
verminderde bewerking en ‘n verminderde bewerking/verminderde
bewerking-bewerkingstelsel tydens ‘n droë seisoen gebruik kan
word om die beste mielie-opbrengste te verkry.
Die verklaring hiervoor lê heel waarskynlik in die verskynsel dat
minder grondwater tydens ‘n verminderde bewerkingseisoen
deur die mielies onttrek word, met ‘n gevolglike hoër residuele
watervoorraad vir die volgende seisoen.
Samevatting en gevolgtrekkings
Terwyl die gemiddelde seisoenale reënval van 487 mm vir die
2013/2014- tot 2014/2015-seisoene vir die drie proeflokaliteite
voldoende was om mielies te produseer, het die lae reënval van
sowat 55 mm tydens die 2015-plantseisoen op Klein Constantia
en Visagieskuil meegebring dat geen proewe geplant kon word nie.
1
2
1: Vegetatiewe groei van mielies in 2013/2014 as funksie van bewerking op Springboklaagte.
2: Vegetatiewe groei van mielies in 2014/2015 as funksie van bewerking op Gerrie.
3: Vegetatiewe groei van mielies in 2014/2015 as funksie van bewerking op Klein Constantia.
4: Vegetatiewe groei van mielies in 2015/2016 onder rip-op-ry op Springboklaagte.
4
3