7 / 16
MADE POSSIBLE BY
THE MAIZE TRUST
7
A
BALIMI BANGAPHANSI KWENKULU INGCINDEZI
YEZINDLEKO EZIDALWA UKWENYUKA OKUBO-
NAKALAYO KWAMANANI AMA-
INPUT
OKUBALWA
KUWO I-
MINIMUMWAGES
. INDLELA YOKUNQOBA
INGCINDEZI UKUKHULISA UMKHIQIZO. KUMA-
ATHIKHILI APHAMBILINI SIXOXILE NGEZINYE IZINDLELA EZI-
NGASETSHENZISWA UKUZE KWENYUSWE IMALI ENGENAYO
NA/NOMA UKWEHLISA IZINDLEKO ZOKUNAKEKELA IPHROFITHI
IHLALE IKHONA.
Empeleni, abalimi kufanele bezame ukutshala kakhulu na/noma kangcono
ukuze bagcine iphrofithi ihlale iba khona. Ngakho ke kuyadingeka ukuse-
benzisa umzamo wokugcina iphrofithi ngezindlela zonke ezahlukene.
Kule athikhili sizogxila kubasebenzi bebhizinisi nobudlelwano babo
nomqashi wabo okwaziwa ngokuthi ezabasebenzi. Ingcindezi yezezimali
iphoqa abanikazi/izimenenja zebhizinisi ukuba zibheke abasebenzi bazo
ngendlela ehlukile. Izindleko zabasebenzi zikhuphuke kakhulu futhi kelezi
zinsuku zingezinye zezindleko eziphuzelu ebhizinisini.
Ukukhiqiza epulazini kuhambelana nabasebenzi abaningi abenza
umsebenzi, isikhathi esithathwayo ukwenza umsebenzi kanye nemi-
phumela yomzamo womsebenzi. Uma abasebenzi bekhiqiza kakhulu,
bonga isikhathi na/noma basebenzisa izinsiza ngokugculisayo nemi-
phumela engcono. Imiphumela kuba ukuncipha kwezindleko na/noma
ukwanda kwemali engenayo.
NGABE NGINGAWENZA KANJANI UMKHIQIZO KANGONO?
Ukuze kwenziwe umsebenzi kubandakanyeka abantu nabo basebenzisa ezi-
nye izinsiza (amathulusi nempahla yokusebenza) Ngakho ke
umsebenzi =
abantu x izinsiza
. Ngakho ke abantu bangumgogodla ekubeni umsebenzi
wenzeke kanti nomqondo wabo ubalulekile. Imigomo okufanele kuxoxwe
ngayo iyasebenza noma unomsebenzi oyedwa noma ngaphezulu.
Esikhathini esiphambili abaqashi bebengazi ukuthi isimo somqondo
wabasebenzi sibalulekile ekukhiqizeni. Umqondo ojwayelekile bekuba
ukuthi abantu abafuni ukusebenza, kudingeka baphoqwe futhi babehluku-
nyezwa ukuze ubenze ukuba basebenze. Umphumela walokho kwabe ku-
wukungabikho kobudlelwano nabasebenzi. Izinto zaba zimbi kakhulu kwaze
kwaze kwangenelela uhulumeni ngomezamo wokulawula ubudlelwano
ngokomthetho. ENingizimu Afrika sinendathane yemithetho yezabasebenzi
okubalwa kuyo Umthetho wezabaSebenzi phecelezi i-
Labour Relationship
Act
. Ngokugcina umithetho evunyiwe, abaqashi sebevelo benza isisombu-
lulo sobudlelwano obungcono. Kodwa, kuningi okukhona ekwakhiweni
kobudlelwano obuhle kunezindaba nje ezishiwo ngumthetho.
Kubekwe kakhulu ukuthi isimo somqondo wabasebenzi sinomthelela
omkhulu ekukhiqizeni. Ubudlelwano phakathi komqashi nomsebenzi bu-
wukhiye enjabulweni endaweni yokusebenza nokuxhumana nesisebenzi.
Ukungaphathwa kahle kwabasebenzi, umphumela walokho kuba yisimo
mqondo esingasihle kubasebenzi, kanjalo nakumqashi. Abasebenzi abane-
simo mqondo esingasihle basebenza kancane banwabuluke, umsebenzi
bawenza ngokunganaki, bayawephula amathuluzi nezinye izinsiza, benza
umsebenzi ongagculisi, bafika emva kwesikhathi emsebenzini, bathatha
izinsuku bethi beyagula isidingo singekho, nukonye okuningi. Lezi yizo
zonke izinkinga ezidala ukwehla komkhiqizo ube phansi.
Uma abasebenzi bekhuthazekile futhi bephethwe ngendlela efanele,
bazoba nomqondo ovumayo futhi bazozinikela ekwenzeni umsebenzi
ngokufanelekile bazophinde babe abasebenzi abathembekile. Imiphume-
la – umkhiqizo uba ngcono. Inselelo kubaqashi kuba ukuthi kufanele ba-
baphathe kanjani abasebenzi ukuze bagqugquzeleke ukutheni benze
umsebenzi ngokugculisayo. Ukusebenza nabantu kungaba nzima ngenxa
yokuziphatha ngezindlela ezingafani, ukuphakama kwemimoya, imicaba-
ngo, ukuziphatha nangezenzo.
Kafushane, kufanele uphathe abasebenzi bakho njengabantu futhi na-
njengoba ungathanda ukuba imenenja ikuphathe ngayo. Phatha abasebenzi
bakho ngesizotha, ngenhlonipho, ungenzeleli ngaphansi kwazo zonke izimo,
ubone umfutho wabo, ubanikeze umesebenzi bazibophezele, baqeqeshe
futhi ubanike umvuzo ngokufanelekile. Khuluma nabasebenzi bakho njalo
mayelana nombono wakho nokuhlosile nezinjongo zebhizinisi nendima yabo
ukuze ukufezekise lokhu. Ungakhohlwa ukukhuluma nabasebenzi bakho
ngendlela abasebenza ngayo futhi ubancome futhi ubabonge uma isidingo
sikhona ngokwenza kwabo umsebenzi omuhle. Ungabakhulumi kabi abase-
benzi bakho. Kodwa futhi, uqinise futhi uqine ngalokho okulindele kubona.
Uma umsebenzi ephambukile, thatha izinyathelo ezifanele ngokwenqubo
yakho nangendlela yokumqondisa izigwegwe nangokuziphatha. Ngaleyo
ndlela baphathe ngokungenzeleli nangokuba nomthetho oqinile.
Uma welulekwa ngokuthi kufanele abasebenzi bakho ubaphathe
njengabantu, asisho ukuthi kufanele ubaphathe ‘njengabangani bakho’
kukude kakhulu kunalokho.
Ukuze uthole umkhiqizo omningi uphinde uqinisekise ukuthi ibhizinisi
lihamba phambili, kufanele lokho ukuthole kubasebenzi bakho. Udinga abase-
benzi abazinikele nabankamunkamu. Ukuze uphumelele kulokhu, kufanele
futhi ucabange indlela oqasha ngayo abantu. Qinisekisa ukuthi yimaphi ama-
khwalithi owafunayo. Ngabe ukutholile ukuhlaziwa komsebenzi ngokulungile?
Ngabe uyabaqeqesha emsebenzini abawenzayo? Ngabe uyawazi amandla
nobuthakathaka bomsebenzi ngamunye futhi ukusebenzisa ngendlela lokho?
Iqiniso nanti, Ungabaphatha kanjani abasebenzi bakho uma ungabazi bonke
ngamunye? Ukuze ube umuntu okhiqizayo kufanele ukhuthazeke futhi ube
nomqondo omuhle namandla namakhono adingekayo.
Abasebenzi bakhe ubaphathe ngobuhlakani ukuze ukhulise uku-
khiqiza futhi ukhulise nephrofithi yakho. Umkhiqizo ophezulu ungadala
ukuncipha kwezindleko na/noma ukhulise imali engenayo, lokho ku-
zoletha iphrofithi engcono ezohlomulisa bonke ababandakanyeka
ebhizinisini – umqashi nabasebenzi.
Ukusebenzela ukuba
nabasebenzi
abazinikele nabankamunkamu
U-Marius Greyling, umbhali
wePula Imvula. Thumela i-imeyili
ku-mariusg@mcgacc.co.za
Ukuba nobudlelwano obuhle nabasebenzi bakho
kuzokhulisa umkhiqizo kanye nenzuzo yakho.