SA Grain October 2017

60 / 116

Cut losses with PRECISION
Plant with VISION
Process Monitor
for Air Seeders
‡ Area
‡ Speed
‡ Tacho up to 4 axles
‡ Alarm on each function
‡ Easy to install
‡ Bin / Tank full
‡ Bin / Tank empty
Proudly Made
in South Africa
Tel: 012 345 3193
Fax: 012 345 6763
Web:
Email:
Sales:
Planter Monitor
‡ Seed per 100m per row, seed population
‡ Hectares worked and much more
‡ Easy to install and maintain
‡ Fertiliser and turning of axles
‡ Can be applied to most planters
‡ Real tough, rust and water resistant
Suid-Afrika druk stempel af by
internasionale saadkongres
Die Suid-Afrikaanse kultivar- en tegnologie-agentskap
(Sacta) is uitgenooi om deel te neem aan die International
Seed Federation (ISF) World Seed Congress, wat gedu-
rende Mei vanjaar in Hongarye plaasgevind het. Sacta is
daar verteenwoordig deur sy voorsitter, mnr Andries Theron.
Die eerste internasionale saadkongres het in 1924 in Londen plaas-
gevind en tans is hierdie die ISF se vlagskip-geleentheid, waar
hoofargitekte en besluitnemers van die internasionale saadbedryf
byeenkom. Vanjaar was betrokkenheid, kommunikasie en deursig-
tigheid boaan die agenda.
Hoogtepunte van die kongresprogram het ‘n paneelbespreking
oor sosiale media en een oor die versterking van vennootskappe
met kleinboere ingesluit. Hoofsprekers het onder andere hul
perspektiewe op wetenskap in die media en die effektiewe gebruik
van sosiale media aangeraak.
Op 24 Mei het Theron – wat ook voorsitter van Graan SA se Win-
tergraanwerkgroep is – die geleentheid gehad om die meer as
1 680 afgevaardigdes uit 68 lande in te lig oor die huidige eindpunt-
tantiememodel wat vir die Suid-Afrikaanse wintergraanbedryf in
plek gestel is. Hy het ook die toekomsplanne rondom dié model
bespreek.
“Al is eindpunt-tantieme nie uniek in die wêreld nie, was hierdie
‘n fantastiese geleentheid om Suid-Afrika se unieke model aan
die wêreld te verduidelik,” het hy genoem en bygevoeg dat dit
ook ‘n wonderlike netwerkgeleentheid was om Suid-Afrika as
besigheidsbestemming te bemark.
Volgens Theron is hierdie kongres ‘n platform waar daar toegang
tot die beste tegnologie in die wêreld is en enige iets wat vir die
saadbedryf beskikbaar is, sal hier aangetref word. Hy was baie
beïndruk met wat hy daar waargeneem het en aangenaam verras
om lede van die Suid-Afrikaanse Nasionale Saadorganisasie
(SANSOR) daar raak te loop.
“Ek was verstom oor die belangstelling uit verskeie wêrelddele in
Suid-Afrika,” gesels hierdie produsent uit Moorreesburg. “Mense
het ongelukkig wanpersepsies oor Suid-Afrika en dit het my die
geleentheid gebied om sake in perspektief te stel – dat Suid-
Afrikaanse produsente na volhoubare landbou en voedselseker-
heid streef.”
Die kongres het ook die bekendstelling van die World Seed Part-
nership waargeneem – ‘n spanpoging deur The Organisation for
Economic Co-operation and Development (OECD), International
Seed Testing Association (ISTA), International Union for the Protec-
tion of New Varieties of Plants (UPOV) en ISF om die ontwikkeling
van die internasionale saadsektor te ondersteun om sodoende
bestendige saadstelsels internasionaal te bewerkstellig.
Ná afloop van die kongres het Theron en sy vrou, Karin, die voor-
reg gehad om die Hongaarse platteland vir ‘n paar dae te verken.
Hulle het verskeie plase in die plattelandse dele van Hongarye
besoek en is geweldig beïndruk met die landboubedryf daar.
“Met die gunstige reënval, vrugbare grond en die tegnologie wat
Hongaarse produsente tot hul beskikking het, sal Suid-Afrikaanse
produsente beslis daar kan floreer,” sê hy oor die Hongaarse
landboubedryf.
Landbou is ‘n belangrike sektor vir die Hongaarse ekonomie, met
ongeveer 70% van die grond wat geskik is vir landbouproduksie. Op
meer as 70% van die bewerkbare grond word gewasse soos koring
en mielies geproduseer. Ander gewasse wat aangeplant word, is
sonneblom en gars.
Die volgende ISF World Seed Congress vind in Junie 2018 in
Brisbane, Australië plaas.
FOKUS
Wintergraanstreek Spesiale
LOUISE KUNZ, SA Graan/Grain medewerker
1: Die 2017 ISF interna-
sionale saadkongres het
van 22 tot 24 Mei in die
internasionaal-bekende
Budapest Exhibition and
Congress Centre, Hung-
expo, wat ongeveer
4 km buite die mid-
destad van Boedapest
geleë is, plaasgevind.
Foto:
worldseed.org/congress/
isf-world-seed-congress-
2017/#photo