SA Graan Maart 2015

73 / 124

71
March 2015
Figuur 2: Die gebruik van verskillende bronne vir die daarstel en toepassing van maatstawwe in melkkuddes.
Aangepas uit
Figuur 3: Enkele maatstawwe wat produksie en kuddegesondheid aandui in ‘n Holstein-kudde.
Figuur 4: Vergelyking van die dae-in-melk en melkproduksie van ‘n kudde en ‘n voorafgekose maat-
staf groep kuddes.
Bedryfsvlak
Besluite op bedryfsvlak word gegrond op
elke individuele koei se produksie sodat
die melkprodusent uitsonderingsbestuur
kan toepas. Elke koei in die kudde se pro-
duktiwiteit en groepe koeie se reaksie op
bestuurspraktyke vorm dus deel van totale
kuddeproduktiwiteit en doeltreffendheid.
‘n Sisteem wat maklik toegepas en ver-
staan word, is die hoeksteen om siekte,
swak melkkwaliteit, lae produksie, ondoel-
treffendheid en oorspandering hok te slaan.
Taktiese besluite
Taktiese besluite word sodoende gegrond
op betroubare data en inligting om melk-
produsente by te staan in presisiebesluite
ten opsigte van die gesondheid van die
kudde, reproduksievlakke, produksie, kud-
desamestelling (tans en in die toekoms) en
die omgewingsimpak op produktiwiteit.
Strategiese besluite
As gevolg van die feit dat ‘n allesomvat-
tende stelsel van individuele koeivlak op-
gebou word tot op nasionale vlakke, stel
dit gebruikers in staat om ook strategiese
besluite te neem op grond van die inligting
in die stelsel.
Elke melkprodusent wat deelneem kan
dus sy kudde se produktiwiteit (vir elke
meetbare eienskap of afgeleide waardes)
meet teen enige ander groep kuddes.
Hierdie kuddes kan aan een of meer van die
volgende vereistes voldoen: Dieselfde tipe
bestuurstelsel, dieselfde ras, in dieselfde
omgewing of selfs kuddes wat van dieself-
de insetverskaffer of adviseur (soos ‘n vee-
arts) gebruik maak.
Uiteraard sal die stel en najaag van maat-
stawwe sekere prosesse op kuddevlak
moet volg. Figuur 2 dui op die logiese pad
om te volg.
Die belangrikste inligtingsbronne vir die
daarstel hiervan is onder andere:
Maatstawwe wat gestel word gegrond
op biologiese, finansiële, mark en ander
bronne.
Maatstawwe wat uit die kudde self
opgebou word oor ‘n tydperk (met in-
agneming van seisoenale effekte en
aanpassing in voedingsbronne).
Maatstawwe wat verkry word deur
ander kuddes se prestasies en ander
metings te vergelyk sodat die uitvoer-
baarheid van die biologiese en ander
maatstawwe getoets word.
Figuur 1 stel hierdie interaksie tussen die
inligtingsbronne voor.