16 / 64
TERUGBLIK
NAMPO 2016
Spesiale
Junie 2016
14
Harry Conradie (streeksbestuurder: Afgri, Centurion – links) en
Janus Viljoen (verhoudingsbestuurder: Afgri, Kroonstad – regs) het vir
Johan Grobbelaar (Wesselsbron) meer oor die nuwe eAccounts vertel.
Dié e-rekeningdiens bied aanlyn, intydse transaksieverwerkingsvermoë
en toegang tot relevante rekeninginligting.
McBeans se hidroulies-aangedrewe brandbestrydingseenheid met ‘n
Normac-pomp maak dit vir produsente moontlik om ‘n brand vinniger
onder beheer te kry danksy die hoër druk en watervolume. Nick Kelbrick
(verkoopsbestuurder: Pompe) het dié handige hulpmiddel aan
Deon Hoon en Bennie Oosthuizen (albei van Kuruman) vertoon.
Marius Hartman (bestuurder: Winkels) het die demonstrasie
waargeneem.
Hierdie drie besoekers van Dwaalboom, Hannes Terblanche,
George van der Merwe en Danie Terblanche, het by Mark Taylor (Afrika-
areabestuurder: Teejet) kom uitvind hoe die UniPilot
®
funksioneer. Met
hierdie stuurwielgemonteerde loshandstel-stuurstelsel is dit nie nodig
om die stuurwiel te verwyder nie. Die ratring word op jou stuurwiel
gemonteer en ‘n eenvoudige teenrotasiehaak aan die stuurkolom. Enige
aanraking van jou hande sal die stelsel onmiddellik tot stilstand bring.
Die Visagie-gesin van Rustenburg (Corné, André, pa Eugene en ma
Marlene) het by hierdie produkte van Stihl stilgestaan. Kevin Richards
(areabestuurder: Noord- en Wes-Kaap) het verduidelik dat die masji-
nerie verminderde geraas en vrylating van gasse bied. Die hoofvoor-
deel is dat die batterye met ander koordlose Stihl-produkte gebruik
kan word.
Vic Botha (Unitrans, Mosambiek) en Jackie Jacobs (Lonagro,
Mosambiek) het met GSI se areabestuurder in Zambië gesels oor die
nuwe boogstrukture van GSI wat veral in Afrika baie gewild is. Hierdie
strukture is baie veelsydig en kan vir enige iets van gewasbeskerming
tot laekostebehuising gebruik word.
Oesdagbesoekers kon meer leer oor Intelex, ‘n Kixor-gedrewe
oplossing, wat die nuutste toevoeging tot BASF se voor-opkoms-
plaasbestuuroplossings is. Dit bied buitengewone lang voor-
opkomsonkruidbeheer en laat die produsent toe om later te besluit
of ‘n na-opkomstoediening nodig is. Hier is Barend Moolman (Reitz),
Willie Wessels (tegniese bestuurder: BASF), Louw Kleynsmith (Reitz)
en Gerhard Heyns (kommersiële bestuurder: BASF).
NAMPO Oesdag 2016 troef verskeie rekords