SA Graan Junie 2016

Rovic Leers staan gereed

met groot verskeidenheid werktuie tydens NAMPO

ovic Leers het hierdie jaar weer gereed gestaan om produsente

te herinner waarom hulle aan die voorpunt is met van die mees

gevorderde landbou-implemente. Hul volledige reeks werktuie was

by Graan SA se NAMPO Oesdag te sien.

Dié verskaffer spog juis met letterlik iets van alles, van saaiboer-

derywerktuie tot wingerd- en boordtoerusting. Die Flory-toerus-

tingreeks wat die leier in neutoesmasjiene is, het baie aandag getrek

en word deesdae ook deur Rovic Leers in Suid-Afrika versprei.

Ander bekende handelsmerke wat versprei word, sluit in Remlinger,

Kuhn, Cicoria, Krone, Quicke en Seko.

1: Matheus Rekkers (Krone) en Albert Coetzee (Rovic Leers) by die

Krone Big Pack 870-baler. Die Big Pack 870 is ‘n kleiner weergawe van

die Big Pack 1270 en lewer ‘n baal van 800 mm by 700 mm, wat dit mak-

liker maak om te hanteer.

2: Willie Serfontein (Rovic Leers), Bill Smith en Ken Cronje (albei van

Hartswater) by die Flory 8600-oesmasjien. Die masjien kan ‘n verskei-

denheid van neute (hasel-, makadamia-, amandel-, okker- en pekan-

neute) oes.

3: Erick Oosthuizen, Sakkie van Zyl en Johann de Wet (almal van

Swellendam) by die Flory 78-reeks veër (

sweeper

). Hierdie selfaange-

drewe veër is spesifiek ontwerp om in boorde, met laag-hangende

takke, te werk met uitstekende sigbaarheid en maksimum operateurs-

gerief. Flory het verskeie werktuie vir die pekanneutbedryf.

4: Albertus de Wet (Jacobsdal) en Japie Nortjé (Hopetown) by die

Super 32. Die Super 32 is ‘n 15-tand met kouters en rollers. Die werk-

diepte van die Super 32 is 800 mm en dit is spesifiek ontwerp vir

aanwending in sanderige grond met diep ploegbanke.

5: Thorsten Kapp (Namibië) en John Rich (Upington) by van die Rovic

Redline-toerusting. Hierdie reeks word gesien as die meer bekostigbare

reeks en is ontwikkel vir die nuwe era-boer. Op die foto links voor is ‘n

skotteleg met ‘n aartappeloesmasjien links agter. Die implement regs is

‘n aartappelplanter.

6: PD Botha (Bultfontein) en Mannie Louw (Hartenbos) by die plaaslik-

vervaardigde waaierspuit – vir gebruik in wingerde en boorde. Die tenk-

grootte is 1 000 liter en gemaak van poliëtileen vir maklike skoonmaak.

Die spuit het ook ‘n skoonwatertenk om byvoorbeeld die filter skoon te

maak tydens gebruik.

7: Danie en Jaco Pienaar (albei van Edenburg) by die Excelerator 8000.

Hierdie alles-in-eenbewerkingsimplement sny, vermeng, berei die saad-

bed voor en plant – alles in een aksie. Die Excelerator 8000 spog met ‘n

maksimum werkdiepte van 8,9 cm.

PROMOSIE-ARTIKEL

JURGEN VAN ONSELEN,

Kolbe Media

June 2016