14 / 64
TERUGBLIK
NAMPO 2016
Spesiale
Junie 2016
12
Monosem se spogproduk by die Oesdag was die Quad-max-geenbewer-
kingsplanter vir rywydtes tot en met 52,5 cm. Volgens Arend Langer
(besturende direkteur en eienaar: Carrotech SA) is die egalige gewigs-
verspreiding oor die volle wydte van die planter een van sy groot
voordele. Regs staan Harold Groenewald (handelaar: Monosem,
Middelburg, Mpumalanga).
Die Ford Ranger Super Cab 3.2 XLT is ‘n 4x4-outomatiese dieselvoertuig
wat baie belangstelling by Ford se uitstalruimte gewek het. Stefan van
Jaarsveld (Coligny) en sy vriendin, Elri van den Berg (Ottosdal), het
hierdie “groen” bakkie met ‘n gemiddelde brandstofverbruik van
8,6 liter/100 km van naderby beskou.
Kobus Mostert het al die pad van Hochfeldt in Namibië gekom om
die NAMPO Oesdag by te woon. Bertus Weber (verkoopskonsultant:
Kubota, Vereeniging) het hom meer vertel van die 96 kW Kubota
M130X-trekker wat ‘n laaigraaf het wat tot 1 000 kg kan optel. Dit
is die grootste trekker in Kubota se reeks.
Hein Kruger (verkoopsverteenwoordiger: Electrolee) het aan
Hendri van Dyk (Brandfort) verduidelik hoe die nuwe laserwyser
afstandbeheerde skakelaar van Electrolee energiebesparing tot gevolg
kan hê omdat dit op individuele items kan funksioneer. Dit gebruik ‘n
240 V wisselstroom-kragbron. ‘n Reënbestande eenheid is ook beskik-
baar.
In hierdie tegnologiese eeu is die ATN X-Sight II Intelligence nagsig- en
dagteleskoop met vyf tot 20 keer vergroting ‘n moet vir elke geesdrif-
tige jagter. Herman de Wet (Rouxville) het dit by NWK se uitstalruimte
uitgetoets. Volgens Francois Coetzee (verkoopskonsultant: ECM
Technologies) bring hierdie teleskoop voorheen onsigbare teikens
nou binne sig.
Pieter van Loggerenberg (verkoopsbestuurder: Sparex) en sy span is al
‘n bekende gesig by NAMPO. Pieter, Hein van der Merwe (Bela-Bela),
Johan du Plessis (verkoopsverteenwoordiger: KwaZulu-Natal en
Swaziland) en Garth Els (Bela-Bela) het gesels oor Sparex se “alle
seisoene”-reeks wat die aarde kan laat bewe met alles van skoffel-
ploegonderdele tot grassnyerlemme.
NAMPO Oesdag 2016 troef verskeie rekords