SA Grain July 2017

55 / 108

53
July 2017
FOKUS
Bemesting
Spesiale
In die afgelope seisoen se najaar het gewasse merendeels in die
bogrond gevoed en die volgende waarnemings is gemaak:
Produsente wat die afgelope paar jaar daarin geïnvesteer het
om variasie in grondvrugbaarheid te balanseer met presisie-
boerdery, is van die toppresteerders.
Oordragstikstof vanaf die vorige twee produksieseisoene het
die meeste gewasse, selfs sojabone, bevoordeel weens swak
verwydering en minimale loging.
Die klimaat was ideaal vir die uitbreek van swamsiektes en dit
was duidelik wel die geval by van die breëblaargewasse met
‘n penwortelstelsel soos sojabone en sonneblom, maar op ‘n
gewas soos mielies was dit verbasend laag:
Die meer aktiewe bywortelstelsel in die bogrond kon meer
van die belangrike elemente in die hande kry om die plante se
natuurlike verdedigingstelsel te ondersteun; en
dit beklemtoon die waarde daarvan om in die toekoms meer
blaarontledings op die regte groeistadium te neem en volgens
die “swak skakels” net die nodige elemente toe te dien deur
middel van blaarvoeding.
Variërende plantestand en -kunsmistoediening het hoëpoten-
siaalgronde bevoordeel teenoor tradisioneel dieselfde plante-
stand en kunsmis op variërende grondpotensiaal.
Plante wat in die ry goed gespasieer is en gelyktydig opgekom
het teenoor dié wat swakker gespasieer was en onegalig
opgekom het, het ook opbrengste bevoordeel weens plante
wat meer aggressief na opkoms ontwikkel het weens goeie
grondtoestande.
Wat moet ek in gedagte hou gedurende
my beplanning vir die nuwe groeiseisoen?
Kyk na verwyderingssyfers/ton van die gestroopte gewas en
hou in gedagte dat heelwat van die nutriënte vanjaar uit die
bogrond verwyder is, wat bogrondchemie baie meer as normaal
gaan beïnvloed:
Baie goeie rede om vanjaar grondontledings te laat doen; en
mielies: 5 t/ha verwyder 17,5 kg tot 20 kg P/ha en 10 t/ha ver-
wyder 35 kg tot 40 kg P/ha.
Heelwat stikstof is verwyder en heelwat stikstof het waarskyn-
lik ook geloog. Daar moet dus voluit vir die beplande opbrengs
bemes word.
Wees versigtig om oordadig te bemes na aanleiding van wat
vanjaar gestroop is, omrede die klimaatsomstandighede ‘n uit-
sondering was en ons langtermynrisiko’s op ons grondtipes in
ag moet neem.
Vlakker- en/of nat gronde se ondergrondkeerlae is gevul met
grondwater en verhoog die risiko van versuiptoestande vroeg
in die komende seisoen indien te laat geplant word en reënval
is normaal. Tref daarom onderskeid tussen goed gedreineerde
gronde en vlakker-/natter gronde wanneer aanplantings be-
plan word.
Hidrouliese verdigting gaan moontlik op ons diep sande plaas-
vind en moet opgehef word.
Grondvrugbaarheid
Pseudowetenskap bestaan uit bewerings, gelowe en prak-
tyke wat as wetenskaplik en geloofwaardig voorgestel
word, maar nie deur wetenskaplike metodes geregverdig kan
word nie.
In die praktyk is “pseudowetenskap” die verkondiging van uiterse
onsin op só ‘n manier dat die slagoffer glo dat dit ‘n wetenskaplik-
bewese feit is.
Hierdie soort ding gebeur dikwels – sedert die vroegste tye in
besigheid, vandaar die gesegde “Caveat emptor” oftewel koper
wees versigtig!
Die geval van die bokse
Een van die mees bisarre gevalle van die afgelope tyd is dié van
die “Bokse”. Die uitvoerders van hierdie verneukspul het produsen-
te wat die afgelope tyd slegte seisoene beleef het, met oeste wat
erg benadeel is deur droogtes, uitgebuit. Die bewerings oor die
bokse was so oortuigend dat meer as 50 000 ha “behandel” is.
Volgens lede van Fertasa is dit tragies om die lande van die
slagoffers te aanskou na die wonderlike reëns waarmee die
boerderygemeenskap geseën is.
Die uitvoerders van hierdie verneukspul sal hopelik aan die pen
ry, maar geweldig baie skade is aangerig. Dit is ook moeilik om te
bepaal onder watter dissipline die oortreding ressorteer aange-
sien “energievelde” genoem is en niks eintlik aan die grond toe-
gedien is nie.
Vermyding van herhaling van
soortgelyke voorvalle
Produsente moet nie “nuwe en wonderlike” toestelle of middels
gebruik voordat daar eers bewyse van werking en evaluasie van
wetenskaplike bewerings gesien is nie. Een van die eerste mense
om te kontak, moet betrokke wees by/of werk vir ‘n maatskappy
wat ‘n lid van Fertasa is.
Verantwoordbaarheid word hoog aangeskryf by maatskappye wat
lede van Fertasa is. Hulle streef na verskeie beginsels, insluitende:
Beskerming van gewasprodusente teen twyfelagtige verskaf-
fers; en
onderwerping aan ‘n gedragskode wat die integriteit van die
kunsmisbedryf bevorder.
Om meer inligting oor Fertasa te verkry, gaan na die webwerf
DR PIETER HAUMANN, hoof uitvoerende beampte, Fertasa
– moet nie ‘n slagoffer van “pseudowetenskap” word nie
Die mening van die skrywers is hul eie en SA Graan/Grain is gevrywaar van enige aanspreeklikheid.