59 / 108
Definisie
Grondgesondheid is ‘n funksie van die wisselwerking tussen
klimaat, plante, diere, fisiese-, chemiese- en biologiese grond-
prosesse en tyd.
Grondgesondheid (GG) = f (k, p, d, f, c, b, t) waar:
k = klimaat
p = plante
d = diere
f = fisiese grondprosesse
c = chemiese grondprosesse
b = biologiese grondprosesse
t = tyd
57
Cornell-grondgesondheidsevaluasie
Die Cornell-evaluasie is baie intensief omdat fisiese, chemiese en
biologiese aspekte, wat oor tyd gemeet word, ingesluit word.
Die onderstaande lys van grondeienskappe word in ag geneem in
die Cornell-grondgesondheidsevaluasie:
Aggregaatstabiliteit;
plantbeskikbare water;
organiese koolstof (totaal);
aktiewe koolstof (intyds beskikbaar);
penetrometerweerstand (oppervlak-hardheid);
potensieel-mineraliseerbare N; en
grondchemiese samestelling.
Haney-grondgesondheidstoets
Die Haney-grondgesondheidstoets (wat deur Rick Haney ontwikkel
is) is ‘n berekening wat belangrike gemete faktore insluit, soos
die grond anorganiese N, P en K, die Solvita CO
2
-bepaling, die
grond C:N-verhouding, organies-beskikbare N en P, asook aktie-
we koolstof.
Twee ekstraksiemiddels word gebruik om plantbeskikbare voe-
dingselemente te bepaal, naamlik water en H3A.
H3A is ‘n mengsel van swak organiese sure wat die plant se
worteluitskeidings naboots vir die bepaling van plantbeskikbare
voedingselemente. Die Haney-grondgesondheidstoets is relatief
vinnig om te bepaal en neem biologiese en chemiese aspekte in
ag, soos:
Solvita mikrobe-aktiwiteit;
organiese swak suur-ekstraheerbare voedingselemente soos N,
P en K;
wateroplosbare P, N en C vir die bepaling van C:N-verhoudings;
bepaling van anorganiese beskikbare P en N;
bepaling van organiese P en N (voorheen afgeskeep); en
berekening van die Haney-grondgesondheidsindeks.
Opsomming
Grondgesondheid in terme van biologiese prosesse is ‘n bena-
dering wat gedurende die afgelope eeu min aandag geniet het.
Groot ontwikkelings het egter gedurende die laaste twee dekades
plaasgevind, hoofsaaklik in Amerika, maar ook elders in die wêreld.
Hierdie ontwikkelings het plaasgevind in terme van metodiek-
ontwikkeling en navorsing om grondgesondheid te kwantifiseer.
Grondgesondheid in Suid-Afrika is in sy kinderskoene, maar grond-
gesondheidsbewustheid bestaan wel. Amerikaanse lang-termyn-
moniteringsinligting oor die effek van bewaringslandbou en die
gebruik van dekgewasse in kommersiële landbou, het genoeg
bewyse opgelewer dat die inligting wat grondgesondheidsme-
tings verskaf, noodsaaklik is vir volhoubare landgebruik.
Die definisie in die
kassie
is ‘n opsomming van my opinie en erva-
rings tot dusver in Suid-Afrika en het ten doel om die kompleksiteit
van die interaksies van klimaat, plante, diere, fisiese-, chemiese- en
biologiese grondprosesse en tyd op grondgesondheid te benadruk.
Die akkuraatheid van die kwantifisering van grondgesondheid
hang van die aantal faktore wat gemeet word, asook die moni-
teringsiklustyd, af. Grondgesondheidsmetings moet daarom altyd
‘n kontrolegeval insluit waarteen gepaste metings oor tyd vergelyk
kan word.
Graan SA/Sasol fotokompetisie
DISTRIBUTED RHINO AGRIVANTAGE
a healthy and
sustainable change
Amino acids
and biostimulators
Foliar fertilizers
Preventives
Deficiencies
correctors chelates
Soil and water
conditioners and
correctors
Coadjuvants
CODA sustainable agro solutions
are beneficial to all needs of your crop.
+27 21 975 4633 |
www.rhinoagrivantage.co.za