60 / 92
FOKUS
Bemesting
Spesiale
Julie 2015
58
Sojabone
Grafiek 1
en
Grafiek 2
toon die P- en
K-voedingstofopnametempo van sojabone
aan. Uit hierdie inligting is dit duidelik dat
die sojaboonplant die P en K die vinnigste
rondom die R4-groeifase, of as die soja-
plant begin blom, opneem. N-opname is
nie aangetoon nie omdat die plant self sy
eie stikstof met behulp van knoppiesbak-
terieë kan vervaardig.
Wat sojaboonbemesting betref, maak dit
sin om seker te maak dat die makro-ele-
mente wel tot die beskikking van die plant
tydens plant is. Dit is algemeen bekend
dat sojabone goed op residuele grond-
vrugbaarheid reageer. Maak net seker dat
die voedingstowwe beskikbaar is as die
plant dit benodig. Indien daar besluit word
om nie te bemes nie, moet die onttrekte
elemente net weer vervang word. Indien
opbrengste van meer as 3,5 ton/ha ver-
wag word, moet produsente dit oorweeg
om ekstra N toe te dien.
Sonneblomme
Sonneblom se bemestingsinligting is maar
skraps. Tog is daar konsensus dat die
voedingsbehoeftes van die sonneblom
vinnig toeneem vanaf die tienblaar-sta-
dium. Tekorte in die vroeë groeistadium
kan nie regtig opgevang word nie en
daarom is die algemene aanbeveling dat
die voedingstowwe met- of voor-plant
uitgestrooi word. Die voedingstowwe wat
verwyder word, is egter heelwat minder as
wat benodig word. Maak dus seker dat jy
weet hoeveel bemesting om te gee.
As daar enige vrae is, kan Pietman Botha
by 082 759 2991, Pieter Rademeyer by
082 776 5583 of Nico Barnard by 082 850
1503 gekontak word.
Die grootste gedeelte van hierdie artikel is
met behulp van die
Bemestingshandleiding
van die Misstofvereniging (nou Fertasa)
opgestel.
Bemesting:
Wanneer is hoeveel nodig?
Figuur 1: Opname van voedingstowwe deur mielies.
Kopiereg: Pannar
Grafiek 1: Fosfaatopname van sojabone.
Grafiek 2: Kaliumopname van sojabone.