30 / 52
Januarie 2015
28
Nuwe strooptegnologie
bied voordele
D
ie Challenger-naam is lank reeds sinoniem met die ongeëwe-
naarde tegnologie en werkverrigting van dié handelsmerk
se ikoniese geel rusperbandtrekkers. Aan die stroperkant het
die Challenger-ingenieurs in Amerika tegnologie ingespan en ‘n
stroper ontwerp wat sorg vir nuwe vlakke van produktiwiteit en
ekonomie.
Challenger-stropers is ingrypend opgegradeer. Die resultaat is
die 500C-reeks, wat nuwe standaarde stel vir kapasiteit en brand-
stofdoeltreffendheid. Die hoofredes hiervoor is die herontwerpte
materiaalinlaat en dorsstelsel asook die nuwe inlynposisionering
van die AGCO Power-enjin.
Sowel die Challenger 540C (Klas 7) as die 560C (Klas 8) se graantenk
hou 12 300 liter en graan word teen ‘n blitsige 159 liter per sekonde
afgelaai – die vinnigste in die bedryf.
Een van die sleutels tot hoë werkverrigting is ‘n gladde vloei van
materiaal na die rotor. Danksy die nuwe, gesegmenteerde in-
voerdrom en herontwerpte multisone-inlaat ontvang die rotor mate-
riaal oor bykans 360 grade om opeenhopings en verstoppings te
voorkom. Dit verbeter kapasiteit asook die beheer van materiaal in
die rotor en konkaafgedeeltes.
Die nuwe enkelrotor is 3,558 m lank en het ‘n elektries-hidrouliese
losdraai- en trufunksie (
rocker and reverser
) wat uit die kajuit
beheer word. Dit het ‘n 180 grade dors- en skeidingsarea en ‘n
tweespoedratkas met rotorsnelhede van 264 rpm tot 1 235 rpm om
vir alle toestande en gewasse voorsiening te maak.
Die 500C-reeks het twaalf modulêre konkaafseksies, wat beteken
dat een persoon maklik en vinnig die individuele konkawe kan ruil.
Twee opsies – groot en klein draadkonkawe – is beskikbaar om
optimale graanskeiding te verseker.
Meer krag, minder brandstof
Die 9,8 liter, sewe-silinder AGCO Power-enjin sorg vir uitsonderlike
brandstofekonomie in vergelyking met ander Klas 7- en Klas 8-
stropers. Teen 2 100 rpm skop die enjin van die 540C en 560C ‘n
indrukwekkende 276 kW en 343 kW onderskeidelik uit. Wanneer
graan in die ry afgelaai word, kan jy staatmaak op ‘n kraghupstoot
van tot 343 kW en 374 kW onderskeidelik.
Brandstofekonomie word verder verhoog omdat die enjin met
90 grade gekantel is om dit in lyn met die rotor te plaas. As gevolg
hiervan is slegs twee aandryfbelde nodig en word die maksimum
krag aan die rotor gelewer. Die kragverlies tussen die enjin en rotor
is minder as 10%. Die enjin se inlynposisionering beteken ook dat
daar nou minder bewegende dele is wat kan slyt en mettertyd ver-
vang moet word. Dit verminder instandhouding asook staantyd.
Ook sorg dit vir ‘n goed gebalanseerde stroper wat buitenge-
woon stil loop en nie skud of vibreer soos dikwels by ander verge-
lykbare modelle die geval is nie.
Slim verkoeling
Die nuwe posisionering van die enjin maak plek vir Challenger se
V-Cool-verkoelingstelsel wat lug intrek vanaf die skoonste deel van
die stroper – sy bokant. Die V-Cool-stelsel het ‘n truwaaier waarvan
die spoed outomaties aanpas om kaf en vuilgoed weg te hou van die
inlaatskerm af.
Die “slim” V-Cool-stelsel meet die omgewingstemperatuur sowel
as die temperatuur van stroperfunksies en werk dan teen die opti-
male snelheid om die enjin behoorlik koel te hou. Dit verminder die
kragvereiste en brandstofverbruik. Omdat die verkoelingselemente
nie gestapel is soos by konvensionele verkoelers nie, word daar
ook geen kaf tussen die elemente vasgevang nie. Dit maak dit feit-
lik oorbodig om verkoelingselemente tydens die oesseisoen skoon
te maak.
Met die toenemende gewildheid van navigasiestelsels, word alle
Challenger 500C-stropers as Autoguide Ready ingevoer. Stropers
kan ook opsioneel toegerus word vir die pas van videokameras
(Video Ready). Tot vier AgCam-kameras kan aangebring word om
moeilik sigbare areas te monitor, wat bydra tot die gerief en veiligheid
van die operateur. Vierwielaandrywing en dubbelvoorwiele is ook
as opsie beskikbaar.
Vir meer inligting of vir ‘n demonstrasie, skakel mnr Robbie Hall by
082 6111 972.
PROMOSIE-ARTIKEL
ROBBIE HALL,
Barloworld Agriculture
‘n Challenger 540C-stroper wys sy
werkverrigting met die oes van koring
in die Overberg. Die 500C-reeks stroop
buitengewoon skoon – by Douglas is
besproeiingsgars met ’n opbrengs van
8 ton/ha teen slegs 0,3%-vermorsing
gestroop.