Bandplasing van kunsmis
Grondoppervlakte
5 cm - 7 cm langs saad
kunsmis
5 cm - 7 cm onder saad
*
Tipe kunsmis sal
plasingstrategie bepaal
Planterkalibrering
Dit is ‘n taak wat jaarliks moet geskied om te verseker dat saadspasiëring en kunsmistoediening
volgens plan verloop.
Kalibrering van saadspasie
•
Vul ‘n saadbak met saad en teken dan ‘n reguit lyn van ten minste 20 m op ‘n harde oppervlak.
Die saad op die afgemete 20 m word dan weer bymekaargemaak en getel.
• Veronderstel die beplande plantbevolking benodig ‘n saadspasiëring van 37 cm in die rye. Dit
beteken dat die hoeveelheid saad in 20 m soos volg bereken word:
20 m x 100 = 2 000 cm ÷ 37 = 54 sade.
• Omgekeer, as 54 sade op die 20 m bymekaargemaak is, word die gemiddelde spasie soos volg
bereken: 20 m x 100 m = 2 000 ÷ 54 = 37 cm.
Kalibrering van kunsmisplasing
•
‘n Kunsmisstrooier word met die nodige
kunsmis gevul, waarna ‘n plastieksak aan die onderkant
van die toevoerpyp gebind word; die planter word dan in ‘n reguit lyn op ‘n harde oppervlak vir
presies 20 m getrek, waarna die kunsmis wat in die sak opgegaar is, geweeg word.
• Mielies word in 0,91 cm-rye geplant en die area wat in 20 m deur die planter gedek word, is
dus 20 m x 0,91 m = 18,2 m². Dít, as ‘n breukdeel van 1 ha, is 10 000 ÷ 18,2 = 549ste van ‘n
hektaar.
• ‘n Bemestingsyfer van 247 kg/ha word beplan. Dit beteken dat die kunsmis wat in 20 m geplaas
word, 247 000 g ÷ 549 = 450 g moet wees.
• Omgekeer, die kunsmis wat in 20 m geplaas is, het 450 g geweeg. Dit beteken die volgende:
549 x 450 = 247 050 g/ha = 247 kg/ha.
Bron: ARC-GCI/LNR-IGG •
Korrekte planterkalibrering vir saad en kunsmis
G
RAANGIDS
2014
78
