Danksy GlobalGAP het baie plase al vir ‘n
geruime tyd die nodige fasiliteite om chemikalieë
op die plaas te stoor wat ook aan die korrekte
vereistes voldoen. Akkreditasie vir GlobalGAP
het ook daartoe gelei dat veral groente- en
vrugte-uitvoerplase reeds aan al die vereistes
voldoen. Dit is egter nie net dié plase wat aan die
riglyne moet voldoen nie, maar enige plaas wat
landbouchemikalieë gebruik en stoor, wat dus ook
graanprodusente insluit. Hier is van die belangrikste
vereistes:
Die stoor
Toegang tot die stoor is belangrik vir die in- en
uitlaai van produkte. ‘n 5 m-rybare oppervlak
rondom die stoor is nodig ten einde goeie toegang
te verleen. Ongemagtigde persone moet toegang
tot die stoor verbied word.
Die gebou moet van ‘n stewige baksteen- of
betonstruktuur wees, met ‘n dak wat dig en koel is,
en moet so min as moontlik brandbaar wees. ‘n
Stewige gebou sal ook inbrake ontmoedig.
Die drumpel tot die stoor moet 200 mm bokant die
grondoppervlakte wees om die invloei van water te
verhoed en om stortings te isoleer. Die deur moet
van nie-absorberende materiaal wees asook sterk
genoeg om inbrake te ontmoedig. Verder moet die
gebou goed geventileer wees.
Wenke vir die oprigting van chemiese store op plase
Vensters aan die skadukant van die gebou wat
met diefwering toegerus is, sal help vir beligting
en lugvloei.
Die vloere moet stewig, gelyk en glad wees,
sodat chemikalieë nie in gleuwe kan ophoop nie.
Die gebou mag nie naby oop water wees nie en
kontaminasie van waterbronne moenie moontlik
wees nie.
Dit mag ook nie in laagliggende gebiede gebou
wees waar oorstroming ‘n moontlikheid is nie.
Waarskuwingsborde
Waarskuwingsborde moet aangebring word. Dié
borde word in verskillende groepe verdeel, naamlik
brandweer, algemeen en inligting, beskermende
klere sowel as verbode- en waarskuwingstekens.
Die tekens in die verskillende groepe word ook op
verskillende plekke in en om die gebou aange-
bring.
‘n Waarskuwingsbord wat duidelik aantoon dat
plaagdoders in die gebou gestoor word, moet aan
die buitekant van die gebou aangebring word.
Geen ongemagtigde toegang word toegelaat
nie. ‘n Gevaar-waarskuwingsbord (die skedel
en kruisbene of die geel driehoek met die swart
weerligteken) word aangebring asook borde wat
aantoon dat geen rook of eet- en drinkgoed toe-
gelaat word nie.
‘n Brandblusser met ‘n teken wat die posisie
daarvan aandui, word buite die gebou by die
toegangsdeur aangebring. Die kennisgewing
moet ook aantoon dat geen oop vure toegelaat
word nie.
Die dra van veiligheidstoerusting is verpligtend en
die kennisgewing moet aandui watter toerusting
gedra moet word.
Die borde moet ook noodinligting bevat, soos
byvoorbeeld die name en telefoonnommers van
die naaste gifinligtingsentrums, polisiekantore,
hospitale, brandweerstasies asook die name en
telefoonnommers van die eienaars.
