47 / 116
FOKUS
Werktuie en toerusting
Spesiale
Produk-inligting
Plant
akkuraat vir wins
O
f jy nou konvensionele of bewaringsbewerking doen,
sukses met planttyd hang af van jou planter se akkuraat-
heid en betroubaarheid. Presiese plantspasiëring en
korrekte plantdiepte kan jou opbrengs – en jou wins
– dramaties verhoog, soos produsente wat met Massey Ferguson-
planters plant lankal reeds weet.
Barloworld Agriculture, wat Massey Ferguson versprei, bied koste-
doeltreffende plantoplossings vir ‘n verskeidenheid toestande en
behoeftes. Al die MF-planters word gekenmerk deur eenvoud, kon-
stante akkuraatheid, ‘n stewige konstruksie en lae onderhoud.
Die Massey Ferguson (MF)-planterreeks bestaan uit:
MF 9100-vasteraamplanters (voorheen die MF 555-reeks) met
positiewe lugdruk, beskikbaar met 3 tot 12 rye en ‘n ryspasiëring
van 0,76 m tot 1,5 m.
MF 9100-, 9700- en 9800-wyespanplanters met positiewe lug-
druk, beskikbaar met 12, 16, 24 en 36 rye en ryspasiërings van
76 cm (of 91 cm by die 12-ry-model wat vertikaal stapel).
MF 100-, MF 500- en MF 700-bewaringsbewerkingsplanters met
vakuumsaaduitmeting, beskikbaar met 2, 4, 6 en 8 rye.
Die nuwe MF 300-fynsaadplanter, met saaduitmeting via ge-
groefde spiraalrollers en beskikbaar met 20 en 26 rye, en met ‘n
rywydte van 17 cm.
‘n Verskeidenheid kouters, tande en skoonmakers verseker
plantproduktiwiteit ongeag jou bewerkingsmetode.
Werk wyd
Konvensionele Massey Ferguson-planters is twee dekades al in die
mark gevestig en die wydwerkplanters bou voort op hul reputasie vir
akkuraatheid en betroubaarheid. Hierdie planters bied die beste van
alle wêrelde – maksimum produktiwiteit in planttyd en tegnologie
wat jou opbrengs en winsgewendheid verhoog.
Mnr Rudolph Schoeman van Christo Schoeman Edms Bpk, wat tus-
sen Middelburg en Hendrina boer, het die afgelope seisoen 1 500 ha
mielies en soja met ‘n 24-ry MF 9824-planter met rywydtes van
76 cm geplant. “Plantspasiëring en ontkieming is baie goed en ek
het ook goeie beheer oor diepteplasing met die MF 9824,” sê hy.
Die planter skarnier op twee plekke, met nege rye wat aan elke kant
vorentoe toevou. Dit word hidroulies beheer en ry-eenhede kan
uit die kajuit aan- of afgeskakel word. Twee 2 500 liter-tenks waar-
mee gif en entstof of vloeibare kunsmis toegedien kan word, ver-
minder staantyd.
“Hierdie planter is ‘n toonbeeld van swaardiens,” sê Schoeman. “Dit
kan baie gewig op die disselboom dra. En leeg of vol, maak dit in
minder as ‘n minuut oop en toe. Ek het teen gemiddeld 110 ha per
dag geplant, sonder probleme.”
Die planters se verskillende seksies kan 15% op en af krink sodat al
die ry-eenhede heeltyd in kontak met die grond is vir ‘n konstante
diepte. Omdat elke seksie sy eie ratkas het, bly saadspasiëring kon-
stant wanneer daar teen kontoere geplant word.
Plant vir bewaring
Mnre Egon Schulenburg en sy seun, André, van Cyferfontein by
Coligny, pas bewaringsbewerking toe om vogverlies, spoelskade en
winderosie te bekamp en produksie te verbeter.
Hulle drie MF 715-planters, waarmee hulle vanjaar 1 500 ha mielies,
sonneblom en soja geplant het, is toegerus met penne wat 150 mm
- 200 mm diep werk om die sanderige leemgrond in die saadvoor
los te maak.
“Bewaringsbewerking begin by die regte planter en die MF 700 is
ontwerp deur iemand wat weet presies wat hy doen,” sê Schulen-
burg sr. “Dit is ‘n swaardiensplanter wat die penne wat ons gebruik
kan hanteer. Die voorsnykouters van 22 duim sny maklik deur oes-
reste. Danksy die ontwerp en lengte van die plantereenheid pak
materiaal ook nie saam nie, wat oponthoude weens blokkasies ver-
der uitskakel.”
Daarby is die saaduitmeetstelsel absoluut akkuraat. “As ons 28 000
pitte per hektaar wil neersit, doen die planter dit, en teen die regte
spasiëring.”
Die voordele van bewaringsbewerking is vanjaar weer bewys toe die
Schulenburgs ‘n mielieopbrengs van tot 3,5 ton/ha behaal het teen-
oor opbrengste van gemiddeld sowat 2 ton in die omgewing.
Vir meer inligting, kontak jou naaste Massey Ferguson-handelaar.
ANITA VAN ZYL,
namens Barloworld Agriculture
Massey Ferguson-wydwerkplanters is beskikbaar met tot 36 rye en verskillende opvou-opsies.
45
August 2015