52 / 116
FOKUS
Werktuie en toerusting
Spesiale
Produk-inligting
ANNEMARIE BREMMER,
Pro Agri
Kubota
maak appelboerdery maklik
R
egoor die wêreld maak Kubota sake
makliker vir produsente sodat hulle
meer doeltreffend, makliker en
winsgewender kan werk. Die Wes-
Kaapse appelplaasbestuurder, mnr Neil Reid
van Elgin Orchards, is een van die produsen-
te wat op Kubota-oplossings reken.
“Ons gebruik die voorgemonteerde opsie
grootskaals om ons appelkratte te vervoer,”
sê Reid, “en Kubota het ‘n tasbare verskil
aan my bedrywighede gemaak ten opsigte
van doeltreffendheid en wesenlike be-
sparing. Hierdie trekkers is hoofsaaklik
aangekoop vir hulle nat koppelaars en
vorentoe-truskakelingstegnologie, want an-
der soorte trekkers het nie hierdie unieke
tegnologie nie, wat onnodige staantyd
tydens die oesseisoen meebring.”
Kubota se tegniese spesialis, mnr Mike
Heath, verduidelik hoekom Kubota – en
meer spesifiek die M7040N en M8540N
– so uitnemend geskik is vir voormonte-
ringstoepassings. “Dit is basies toe te skryf
aan die uniekheid van Kubota se vooras-
en kragoordragstelsel,” sê hy. Die unieke
Kubota-kenmerke in hierdie twee opsigte
sluit in:
Vooras
Keëldryfrataandrywing – geen kruis-
skakels.
Verseëlde oliesmering vir alle ratte.
Baie sterk gietysterhulse.
Gebuste skarnierpunte met maklike ver-
stellings.
Tweespoedstelsel vir knap draaiwerk,
selfs in vierwieltrek.
Veelplaat-natskyfaandryfkoppeling.
Voorasmonteerraam aan die unieke
Kubota-silinderblokgietstuk geheg.
Baie robuuste en goed-ontwerpte voor-
stegewigrak vir montering van die ver-
voerhaak.
Drie voorbandspesifikasies om van
te kies.
Presisie en vinnige maneuvrering word
moontlik gemaak deur die heen-en-
weer-stelsel met nat veelplaatkoppe-
laars, wat ook ‘n veel langer lewe as ge-
wone, droë koppelaarplate het.
Kragoordrag
Kubota se unieke nat veelplaatkoppelaar
bied:
Vorentoe- en truskakelingskoppeling
sonder om die koppelaarpedaal te trap.
Die aandryfstelsel werk met afsonder-
like nat veelplaatkoppelaarstelsels vir
vorentoe- en trubeweging, wat beter
werksverrigting en ‘n langer koppe-
laarlewe meebring as met die konven-
sionele droë koppelaars.
Sentrale rathefboom kies alle ratte met
sinchro-skakelingstelsels.
Agt versnellings – identies vir vorentoe
of tru.
‘n Aparte, nat veelplaatkoppelaarstel-
sel koppel en ontkoppel vierwieltrek in
die ry.
Kubota word in Suid-Afrika versprei deur
Smith Power Equipment.