50 / 116
FOKUS
Werktuie en toerusting
Spesiale
Produk-inligting
Die opwindendste handelsmerk
in landboumeganisasie?
D
ie hoëtegnologiemark in landboumeganisasie is ‘n taai
omgewing, met uitstekende handelsmerke wat mekaar die
stryd aansê. Min van hierdie handelsmerke is egter só op-
windend soos Challenger, waarvan die eenheidsverkope in
Suid-Afrika in minder as twee jaar meer as verdubbel het.
Wat maak Challenger so ‘n uitsonderlike handelsmerk? Wat het die
gesamentlike verkope van die rusperband- en geartikuleerde trek-
kers, stropers en selfaangedrewe spuite so skerp laat groei?
Die antwoord lê by ‘n kombinasie van uithalerprodukte, ‘n uithaler-
span mense daaragter en ‘n strategie wat gedryf word deur die be-
hoeftes van die eindgebruiker.
Sedert Barloworld Agriculture in Oktober 2014 ‘n eie Challenger-
afdeling staangemaak het, gaan dié handelsmerk van krag tot krag.
Gesamentlike verkope het in die eerste twaalf maande met 103%
gestyg en die afgelope nege maande steeds toegeneem – in teen-
stelling met die daling in verkope in die mark as geheel weens
droogte en ander faktore.
Mnr Willie Stander, hoofbestuurder van Challenger by Barloworld
Agriculture, sê Challenger se rusperbandtrekkers van 280 kW tot
383 kW is ná tien jaar sinoniem met ongeëwenaarde, winsgewende
werkverrigting en is ook bekend as ‘n produk wat met markleierteg-
nologie help om oesopbrengste te verbeter. Sedert die eerste rus-
perbandreuse in die Wes-Vrystaat verkoop is, is hulle nou landswyd
in aanvraag.
“Dieselfde vlak van tegnologie is teenwoordig in ons ander Challen-
ger-produkte en ons sien dit as ons taak om die voordele vir pro-
dusente landswyd te ontsluit.”
Die Challenger-span by Barloworld Agriculture doen deurentyd
toetse saam met AGCO, die vervaardiger van Challenger, en werk
saam met eindgebruikers om te verseker dat die produkte aan hul
behoeftes voldoen.
Só het Barloworld Agriculture byvoorbeeld die afgelope 18 maande
’n reuse-strooptoetsprogram in samewerking met Challenger-
ingenieurs uit Amerika onderneem om seker te maak Challenger-
rotorstropers voldoen aan hul potensiaal en word optimaal ingestel
vir plaaslike behoeftes.
“Gewasse – van mielies, sonneblom en soja tot koring – is landswyd
gestroop en daar is deurentyd gesien dat brandstofverbruik ver-
laag, stroopspoed verhoog en ‘n uitsonderlike graanmonster ge-
lewer word. Dié toetsprogram is vanjaar in oestyd voortgesit en toet-
se word ook deurentyd met ons ander Challenger-produkte gedoen.
“Terselfdertyd belê ons in opleiding, van sowel ons eie personeel as
ons handelaars, om te verseker dat ons produk tot sy reg kom, en om
ons strewe na uitnemende naverkope-steun na te kom.”
Geen produk kan optimaal benut word indien dit nie absoluut reg in-
gestel is vir ‘n spesifieke toepassing en toestande nie. Teoretiese en
veldopleiding van Barloworld Agriculture-personeel en Challenger-
handelaars word gedoen om te sorg dat eienaars die nodige kundig-
heid en ondersteuning tot hul beskikking het om sukses te verseker.
Die hooffaktor in hierdie groei is waarskynlik die Challenger-span by
Barloworld Agriculture. Dié dinamiese span is jonk, maar ervare (’n
skaars kombinasie in landbou) en hul werksetiek en ongelooflike pas-
sie vir hul produk is deurslaggewend tot die maatskappy se sukses.
“Hulle loop die ekstra myl om handelaars te ondersteun en raak
persoonlik betrokke by eindgebruikers om te verseker die produk
voldoen aan behoeftes, en dat probleme wat dalk ontstaan, vinnig
opgelos word,” sê Stander.
Sowel Stander as mnr Gary Halvorsen, nasionale verkoopsbe-
stuurder vir Challenger, was al finaliste vir Barloworld Beperk se
prestigeryke CEO-toekenning. Dié toekenning word gemaak aan dié
Barloworld-werknemer wêreldwyd wat die meeste waarde toevoeg
vir belanghebbendes – klante, verskaffers, personeel en aandeel-
houers. ‘n Goeie aanduiding van wat potensiële Challenger-kopers
kan verwag!
“Die bied van tegnologie-gedrewe oplossings, gerugsteun deur die
nodige kundigheid, is sentraal tot die maatskappy se groeistrategie,”
sê Stander. “Met sowel ons produkte as die regte ondersteuning,
streef ons daarna om by te dra tot die sukses van produsente se
boerdery-ondernemings.”
ANITA VAN ZYL,
namens Barloworld Agriculture
1: Willie Stander en Gary Halvorsen – Challenger-hoofbestuurder en
-verkoopsbestuurder onderskeidelik by Barloworld Agriculture.
2: Challenger se nuwe MT 700E-rusperbandtrekkers (280 kW en 298 kW)
versit weer eens die doelpale vir werkverrigting en brandstofverbruik.
1
2
Augustus 2015
48