7 / 16
MADE POSSIBLE BY
THE MAIZE TRUST
7
B
ALEMIRUI BA MO MAEMONG A KGATELELO YA
TLHOTLHWA E E TLISWANG KE KOKETSO YA
TLHOTLHWA YA DITOKELELO TOTA LE KOKE-
TSO YA TUELOTLASE YA BADIREDI. MOKGWA O
MONGWE WA GO KGONA GO FENYA KGATELE-
LO YA MOFUTA O KE GO OKETSA BOKANA BA KUMO E E
UNGWANG. MO ATHIKELENG YA PELE RE TLOTLILE KA ME-
KGWA E E FAROLOGANENG E MENGWE GO OKETSA LE-
TSENO LE/KGOTSA GO FOKOTSA TSHENYEGO GO KGONA
GO TSWELELA GO BONA POELO E E LEKANENG.
Ka theo, balemirui ba tshwanetse go leka go oketsa bokana ba kgwebo
ya bolemirui ya bona go kgona go bona ya poelo e e lekaneng ka go
tswelela. Jalo go botlhokwa go atamela kgono e ya go bona poelo ka
mekgwa e e farologaneng.
Mo athikeleng e re tlaa lebelela badiredi ba kgwebo mme le botsalano
gare ga bona le molemirui mo re itseng e le dikutlwanotiro. Kgatelelo ka
ntlha ya ditšhelete e pateletsa beng/balaodi ba kgwebo go lebelela badiredi
ba bona ka mokgwa o mongwe. Tuelo ya badiredi e oketsegile gagolo mme
mo matsatsing a segompieno ke tlhotlhwa ya kgwebo e e kwa godimo.
Go uma mo polaseng go tsamaelana le palo ya badiredi ba ba dirang
tiro, nako e e tseiwang go e dira mme le ditswamorago tsa tiro e ba e
dirang. Fa badiredi ba kgona tiro ka tshwanno, ba boloka nako mme/kgotsa
ba dirisa didiriswa le metswedi ka kgono ka ditswamorago tse di kgotso-
fatsang. Jalo tlhotlhwa ya go uma e a fokotsega mme poelo e a oketsega.
NKA TOKAFATSA GO UMA JANG?
Go kgona go fetsa tiro re dirisa batho mme ba dirisa metswedi (didiriswa
le ditiragalo), jalo
tiro = batho x metswed
i. Batho jalo ke kgaolo e e
botlhokwa go kgona go fetsa tiro mme jaaka mowa wa bona o ntseng
go botlhokwa. Ditshupetso tse re yang go di lebelela di ka dirisiwa kwa
ntle ga palo ya badiredi ba o ba dirisang.
Pele badirisi ba ne ba sa lemoge botlhokwa ba maemo a mowa wa
badiredi mabapi le go uma. Go ne go tseiwa ka bophara gore batho ba ne
ba sa rate go dira, ba ne ba tshwanetse go gatelelwa go dira mme ba ne ba
kgalwa go ba dirisa tiro. Ditswamorago di ne di le dikutlwanotiro tse di sa
siameng. Dilo tsa senyega go fitlha mmuso o simolola go laola dikutlwano-
tiro ka go dirisa molao. Mo Aforikaborwa re na le melawana ya ditiro e e
farologaneng e e kopaneng mo Molao wa Kutlwanotirong. Ka go utlwana
le molao o, badirisi ba setse ba tokafatsa dikutlwanotiro. Le gale, go na le
dintlha tse dintsi kwa ntle ga tse di leng mo molaong tse di ka dirisiwang go
tokafatsa dikutlwanotiro.
Go setse go supilwe gape le gape gore maemo a mowa wa badiredi
a tsamaelana le koketso ya maemo a go uma. Kutlwanotirong ya badiredi
ke ntlha e e botlhokwa mo tikolong ya ditiro go itumela go dira tiro le
go ultwana. Ka bolaodi bo bo sa siameng, setswamorago ke mowa wa
badiredi o o sa siameng mme tota go boela morago go molaodi. Badiredi
ba ba se nang mowa o o sa siameng ba tlaa dira ba iketlile, ba fetsa tiro
fela go e fetsa, ba senya didiriswa le metswedi, ba dira ka mokgwa o o sa
tshwannang, ba goroga morago ga nako mo tirong, ba tsaya matsatsi a
go lwala gape le gape, jalo le jalo. Tsotlhe tse di busetsa tiro morago mme
go fokotsa kgono ya go uma.
Fa badiredi ba tlhotlheletswa ka tshwanno mme ba laolwa sentle, ba
tlaa nna le maikutlo a a siameng mme ba tlaa batla go dira ka boikarabelo
ebile ba tlaa ikgolaganya le modirisi wa bona. Ditswamorago – koketso ya
go uma. Bothata go badirisi ke go tshola badiredi jang go ba tlhotlheletsa
go dira ka tshwanno. Go dirisa batho go ka nna thata tota ka gore batho ga
ba tshwane, ba farolagana ka dintlha tse dintsi jaaka maikaelelo, maikutlo,
dikgono, maemo le ditiragalo.
Ka bokhutswane, o tshwanetse go tshepha badiredi ba gago e le batho
jaaka wena o batla molaodi wa gago a go tshepha. Tshola badiredi ba gago ka
go ba tshepha, ka go ba tlhompha mme o sale o ntse o ba siametse ka dinako
tsotlhe ka go lekana, supa gore o lemoga gore ba batla go dira ka tshwanno,
ba nee boikarabelo, ba rute ka tshwanno go kgona go dira ditiro mme ba nee
tuelo ka go lekana. Buisana le bone gape le gape mabapi le ditebelelopele tsa
gago mabapi le kgwebo ya gago mme ba tlhalosetse gore ba botlhokwa go
kgona tse o di batlang. Se lebale go buisana le badiredi ba gago mabapi le
kgono ya bona ya go uma mme ba supe gore o itumelela tse ba di dirang fa
go tlhokegwa. Se sotlhe badiredi ba gago. Mme gape, gagamatsa dikgole fa
o batla go ba bontsha gore o tlhoka gore ba dire jang. Fa modiredi a le phoso,
tsaya dikgato tse di leng botlhokwa mabapi le mokgwa wa go mo tshwara
jaaka go supiwa mo molaong. Ba tshware ka go tshwana ke kelotlhoko.
Fa re re o tshole badiredi ba gago e le batho ga re re o ba tshole
jaaka dithaka tsa gago, nnyaa kgakala le moo.
Go kgona go uma ka tshwanno le go netefatsa kgono e e siameng mo
kgwebong ya gago, o tshwanetse go utlwana le badiredi ba gago. O tlhoka
badiredi ba ba batlang go dira. Go kgona ntlha e, o tshwanetse go lebelela
gape mokgwa o o tlhomang batho. Netefatsa gore o itse gore o tlhoka gore
motho a nne le dikgono tse dife tse o di tlhokang. A o na le tshekatsheko ya
gore tiro e o batlang gore a e dire e ntse jang? A o ka mo ruta mo tirong? A
o itse dikgono le diphoso tsa modiredi yo mongwe le yo mongwe mme o
mo dirisa ka go di nagana? Ke go re, o ka laola badiredi ba gago jang fa o
sa itse modiredi wa gago yo mongwe le mo mongwe? Go kgona go uma
ka tshwanno motho o tshwanetse go tlhotlheletswa mme a nne le mowa o
o siameng le dikgono tse di tlhokiwang.
Laola badiredi ba gago ka tlhalefo go oketsa kgono ya go uma mme
jalo go oketsa poelo. Koketso ya kgono ya go uma e tlisa phokotso ya
ditshenyegelo mme le/kgotsa e oketsa letsenyo, mo go tlisang tokafatso
ya poelo, mo go tlaa nnang mosola go botlhe ba ba leng mo kgwebong
– modirisi le badiredi.
Go dira gore o
bona badiredi
ba ba
ikanneng
ba ba mafolofolo
Marius Greyling, Mokwadi wa
Pula Imvula. Romela emeile go
mariusg@mcgacc.co.za
Go nna le kutlwano e e siameng le badiredi ba gago go tlaa
oketsa bokana ba go uma mme jalo le poelo e e bonwang.