3 / 16
MADE POSSIBLE BY
THE MAIZE TRUST
3
jesa diruiwa tsa rona e e lekaneng go fokotsa kgatelelo le tshenyegelo ya
madi fa re tlhoka go jesa diruiwa tsa rona ka dikgwedi fa go omile thata
mme jalo re tshwanetse go lebelela go oketsa bokana ba majwang le
mafulo a re a jwalang.
Go uma ka kgono mo kgwebong e nngwe le e nngwe go ka
sekasekwa ka go botsa dipotso jaaka:
• Kgono ya go uma ka tshwanno – ke kgona jang go bona dikeletso
tsa kgwebo ya ka?
• Kgono ya go dira ka tshwanno – tlhotlhwa ya go bona dikeletso tsa
ka e kana kang?
Molaodi ke motho yo o logang maano, yo o rulaganyang, yo o supang tsela
mme le yo o laolang tiriso ya batho, kitso ya ditšhelete le metswedi fa go
salwa morago dikeletso tsa kgwebo mme fa wena o le molemirui, go teiwa
WENA! Awena o kgona go sekaseka le go tlhokomela ditiragalo tsa gago fa
o loga maano go tsweleletsa tsa bolemirui tsa gago? A o kgobokanya kitso,
o tlhola o sekaseka tikologo ya bolemirui, o lekalekantsha kgono ya badiredi
ba gago, dikoloi le didiriswa tsa gago, ditshimo tsa gago? O tlisa dikakanyo
tse di tseneletseng tse kana kang go ditiragalo tsa bolemirui tsa gago?
Go tsuolola dikaelo tse di tlwaetsweng mo kgaolong ya bolemirui
Fa gongwe phethogo ga e a tsenelela e le tlhopho ya gago, e le sekao,
fa gongwe re tlhoka go tsentsha dijwalwa tsa mofuta o mongwe mo
maemong a boraro mo lenaneong la rona la thefosano ya dijwalwa
kgotsa re tlhoka go hira tshimo e nngwe gape go kgona go simolola
go tsweleletsa lenaneo la thefosano ya dijwalwa la rona; mme gantsi
botlhokwa ba go fetola bo ‘mo sefatlhegong sa gago’ mme go a go tena
ebile ke tlhaselo tota. Ga go na ope mo go rona yo o laletsang komelelo
kgotsa phethogo ya tlelaemete mo bophelong ba rona mme ka nnete re
tshwanetse go lebagana le dintlha tse ra tlwaetsa dithulaganyo tsa rona
tsa bolemirui go kgona ditlhaselo tse.
Go botoka go re go se fetole mme ga se go re go tlhalefile
Netefatsa gore dintlha tsa go se batle go fetola ga se diipato tsa gago
fela mme e le go leka go sala mo maemong a o a tlwaetseng: Ga ke
na nako; ga go na madi a a lekaneng; ke tsofetse, ga go na nako ya
go fetola; ga ke itse go fetola jang; ke itse jang gore go tlaa siama
… phethogo e tlhoka sebete.
Ke gakae re tshwanetse go lebelela dikakanyo tse dintshwa mo
kgaolong ya bolemirui?
Mo dingwageng tse 40 tsa go dirisa bolemirui re setse re bone
diphethogo tse dintsintsi tse re neng re tlhoka go di dirisa, jaaka tsa
thekenoloji, diphethogo mo maemong a topo ya badirisi ba kumo,
dithulaganyo tse di tokafaditsweng, kgatelelo go uma ka tshwanno
mo sefatlhegong sa phokotso ya tlhotlhwa e re e bonang, diphethogo
mabapi le tsa diinšorense le ditšhono mabapi le tiriso le kadimo ya
ditšhelete. Ra utlwa:
• ‘Botona ke botoka’ – a ke go re ditiragalo tsa ka tsa bolemirui tse
dinnye ga di a siama mme di ka se kgone go tswelela?
• ‘Go suga gannye’, ‘go se suge gope’, ‘tshugotshomarelo’ – lefoko
le lentshwa ke ‘bolemirui bo bo iphedisang’; – ke mokgwa ofe o o
tshwanetseng nna? Ke mokgwa ofe o nka kgonang go o duelang?
• ‘Bolemirui mabapi le go tlhaloganya tlelaemete’– ke molemiruinnye;
nka kgona jang go tlwaela bolemirui mabapi le go tlhaloganya tle-
laemete? Ke mang yo o itseng gore ke eng se se leng botoka mo
kgaolong ya lefatshe e ke leng mo go yona? Ke utlwelela mang?
BOKHUTLO
Nna le sebete mme o lemoge gore kgatelelo ya go fetola e ntse e sala
e le teng. Ga se go re tsotlhe di tshwanetse go fetoga. Le gale, re
tshwanetse go kopana, ra ithuta, ra reetsa fa ba ba itseng ba bua mme
ra lemoga gore go tlwaela mefuta e e farologaneng go pinagare mo
bophelong le mo ditiragalong tsa molemirui. Balemirui ba ba kgonang
ba botlhokwa go aga lefatshe la rona. Go itlhabolola o le mongwe
fela mme le fa o le molemirui ke ntlha e e botlhokwa tota. Go nna le
tumelo ya go utlwalela, ya go ithuta le ya go fetoga ke tshimologo ya
go kgona. Ntlha ya bofelo: ‘Maabane ke ne ke tlhalefile mme ka batla
go fetola lefatshe. Gompieno ke tlhalefile mme ke a iphetola!’