13 / 16
MADE POSSIBLE BY
THE MAIZE TRUST
13
Dimela di ka dirisa kotlo e fa di e tlhoka ka dikgato tse di faologaneng tsa
go mela le go thuntsha dithunya.
Dikatione ke dikgaolonnye tse di tlhatlhetsweng ka kgaolo ya motlakase
ya koketso tsa khemikale tse di fitlhelwang go bapa le dikgaolonnye tse
dingwe tsa khemikale kgotsa mo dikgaolonnye tsa mmu. Dikgaolonnye tse,
di tlhola di sutasuta go tswa mo kopanong e nngwe go ya mo go e nngwe
mo popegong ya motheo ya dikgaolonnye ya mmu le thulaganyo ya mmu
ya sedikobophelo sa ditshedinnye tse di leng mo mmung.
Mebu e tseiwa diteko go bona kalsiamo (Ca), magenesiamo (Mg),
potasiamo (K), sodiamo (Na), amoniamo niterojene, dikgaolonnye tse
dingwe le dikgaolonnye tsa diminerale tse di leng botlhokwa. Dikgao-
lonnye tse di tlhatlhetsweng ka kgaolo ya motlakase ya koketso (+) tsa
kotlo di itsewe di le metheo. Di ka nna le tlhatlhetso ya koketso e le
nngwe kgotsa tse pedi. Dikgaolonnye tse di tlhatlhetsweng ka kgaolo
ya motlakase ya phokotso (-) di itsewe e le dianione.
Fa o akanya dimakenete tse pedi, e nngwe le e nngwe ka kgogedi ya
borwa le bokone – fa o kopantsha dikgogedi tsa bokone kgotsa tsa borwa
dikgogedi tse di tshwanang di tlaa tlhalwana ke maatla a bomakenete.
Kgogedi ya bokone le kgogedi ya borwa fa di kopantshwa di tlaa kgatlhana
mme di tlaa gogana go kopana. Fela jalo, ka mafoko a mangwe, dikgao-
lonnye tsa kotlo tse di tlhatlhetsweng ka kgaolo ya motlakase ya koketso
kgotsa katione di tlaa batla go kopana le sefatla se se tlhatlhetsweng ka
kgaolo ya motlakase ya phokotso.
Difatla tse di tlhatlhetsweng ka kgaolo ya motlakase ya phokotso di
fitlhelwa mo dikgaolonnye tsa mmung tota mo popegong ya dikgaolonnye
tsa humase. Dikgaolonnye tsa katione di farologana ka bokana ba pope-
go le bokana ba motlakase. Tlhakatlhakanyo ya dikgaolopalolekgolo ya e
nngwe le e nngwe mo thulaganyong ya dikatione tsotlhe mo mmung e
itsewe e le petiso ya motheo. Kgotsa, ka mafoko a mangwe, ke bokana bo
bo kana kang ba kotlo ya mofuta mongwe le mongwe bo bo tlhokiwang ke
dimela bo bo tshwerweng mo mmung o o rileng.
Tekatekano e e siameng jaaka e supilwe ke Dr Albrecht le babatli-
sise ba bangwe ke:
Kalsiamo 60% go 70%, magenesiamo 10% go 20%, potasiamo 2% go
5%, sodiamo 0,5% go 3%, dikatione tse dingwe kgotsa tsa motheo 5%.
Botšarara kgotsa maemo a pH a mebu mo lenaneong la go lokela
kalaka gagolo bo tlaa supa gore tekatekano e e filweng fa godimo ya
kotlo e kgonwe. Ditekatekano tsa fa godimo di supiwa ke dilaboratori
tse dintsi kgotsa di ka balabalwa ka go dirisa dipalo tse di kgaoga-
ngweng tse di supiwang mo pegong ya teko ya mmu. Tshwantsha
maemo a teko ya mmu wa gago le tse di tshwaneseng tse di filweng
fa godimo. Dipalo ka tlwaelo di supiwa ka dimiligeramo tsa kotlo e
nngwe le e nngwe e e leng teng mo kilogeramong ya mmu.
Jalo, CEC ke selekanyo sa gore mmu wa gago o siame ka bokana
bofe go tshwara kotlo e e tlhokiwang ke dimela. Dilaboratori tse dingwe
di supa ntlha e e le ‘
Total Exchange Capacity’ (TEC)
, ke gore kgono ya
kananyo. Mmu o o motlhaba thata ka dikgaolonnye tsa humase tse di
seng tse dintsi kgotsa tse di seng teng gagotlhe o tlaa supa palo ya
CEC
e e kwa tlase thata mme mmu o o noneng thata ka dikgaolonnye tse
dintsi o tlaa supa palo ya
CEC
kgotsa
TEC
e e kwa godimodimo.
BOKHUTLO
Lebelela dipego tsa diteko tsa mebu tsa gago mme o bone gore di lekale-
kana jang le tse di supiwang gore di siame tota. Mme tlisetsa diphethogo
tse di tlhokiwang mo mokgweng wa gago wa go suga mmu le lenaneo la
tiriso ya monontsha la gago go tokafatsa mmu wa gago go bona bokamoso
bo mo wena o ka tswelelang pele.