41 / 108
D
ie stewige markaandeel van Massey Ferguson se hoë
spesifikasietrekkers bo 120 kW doen hul reputasie vir
produktiwiteit en brandstofdoeltreffendheid gestand. Die
aanbod is nou verder versterk om nog beter aan plaaslike
behoeftes te voldoen.
BHBW Suid-Afrika (voorheen Barloworld Agriculture) en Massey
Ferguson maak goeie vordering om waarde toe te voeg in die
hoëspesifikasie-trekkersegment bo 120 kW, ten opsigte van beide
die produk en die integrering van presisieboerderytegnologie.
BHBW bedien produsente tans met twee trekkerreekse in dié
segment: Die nuwe MF 7700-reeks met drie modelle van 136 kW,
162 kW en 177 kW, en die MF 8700-reeks met drie modelle van
188 kW, 224 kW en 262 kW (aangeslane krag aangedui). Die trek-
kers word in Beauvais, Frankryk, vervaardig.
‘n Onlangse toevoeging is die MF 8727 van 188 kW, wat aan
produsente ‘n veeldoelige swaarraam-rygewastrekker onder 200
kW bied. Soos die groter modelle in die MF 8700-reeks, beskik
dit oor ‘n AGCO Power 8.4 CTA-enjin, hoë CYCLAIR-verkoelingska
pasiteit en Dyna-VT-transmissie, wat doeltreffende werkverrig-
ting bevorder.
Die transmissie bied deurlopende spoedvariasie, terwyl die trek
kerbestuurstelsel, Dynamic Tractor Management (DTM), outomaties
die enjinspoed en transmissie aanpas vir maksimum kraglewering
en brandstofekonomie in strawwe toepassings.
Met ‘n hysvermoë van 12 ton op die driepunt en ‘n hidrouliese
kapasiteit van 205 liter/min word stabiele vloei vir die beheer van
implemente gelewer.
Dit is ‘n meerdoelige trekker wat regdeur die jaar winsgewend
aangewend kan word – vir onder meer grondvoorbereiding, die
sleep van breedwerkplanters, skoffelwerk in die ry, topbemesting
en vervoer.
Wat tegnologie vir presisieboerdery betref, word die MF 8700-reeks
nou standaard toegerus met Massey Ferguson se nuwe AgControl-
stelsel, wat optimale integrasie met Isobus-versoenbare werktuie
verseker. Die AgControl-stelsel is ten volle geïntegreer met die
trekker se presisiestuurstelsel en word vanuit die kajuit met ‘n
operateur-vingerpunt beheer.
Dit maak onder meer die varieerbare toediening van tot vyf pro
dukte en beheer van tot 250 afdelings moontlik. Saad, kunsmis en
plaagdoders word presies en sonder oorvleueling toegedien, wat
die insetkoste verlaag en oesopbrengste verhoog.
Plaaslike produsente wat Massey Ferguson se hoëtegnologietrek
kers gebruik, sonder die trekkers se produktiwiteit en brandstofver
bruik uit, asook die gerieflike hantering van gevorderde funksies.
Dit is duursame, betroubare trekkers wat maksimum werktyd in
belangrike tye verseker.
BHBW streef daarna om die koste van eienaarskap so laag as
moontlik te hou. Die MF 8700-reeks is mededingend geprys, veral
as ‘n mens in ag neem wat jy vir die prys kry. Tesame met optimale
werktyd en loopkoste, sorg dit vir ‘n uitstekende opbrengs op jou
belegging.
Die nuwe MF 7700-reeks van 136 kW tot 177 kW is ‘n opgradering
van die hoërkilowatt-modelle in die beproefde MF 7600-reeks. Die
drie modelle in die reeks is toegerus met AGCO Power-enjins en
Dyna 6-transmissies, met 24 vorentoe- en truratte wat sonder ‘n
koppelaar gewissel kan word. Die trekkers het ‘n hysvermoë van
9,3 ton tot 9,95 ton. Soos die MF 8700-reeks, is dit ontwerp vir
maksimum kraglewering en wringkrag en ook brandstofekonomie.
Die BHBW-span leef na aan die grond en sy klante, wat hom in
staat stel om sy reeks voortdurend aan te pas en uit te brei om
op meer behoeftes te fokus. Daarby gee produsente uitstekende
terugvoer oor die gehalte van rugsteuning deur BHBW en sy
handelaarsnetwerk.
Groot fokus word deurentyd geplaas op tegniese ondersteuning
en onderdeleversiening. Ons doelwit is om omvattende oplossings
en die nuutste tegnologie beskikbaar te stel sodat produsente meer
produktief, winsgewend en volhoubaar kan boer.
39
August 2018
Groter verskeidenheid
trekkers bo 120 kW
Produkinligting
Johan Joubert,
BHBW Suid-Afrika
Massey Ferguson se hoëspesifikasie-trekkerreeks is aangevul met die
MF 8727 van 188 kW, wat aan produsente ‘n veeldoelige swaarraam-
rygewastrekker onder 200 kW bied.
Fokus
Werktuie & toerusting