76 / 84
Mei 2018
74
‘n Voorloper in produktegnologie
M
BFi is ‘n Suid-Afrikaanse multinasionale landbouteg-
nologiemaatskappy, wat sedert sy stigting in 2003
bekendheid verwerf het vir die ontwikkeling en ver-
vaardiging van unieke en topgehalte landbouprodukte.
Dié familiebesigheid se sukses kan daaraan toegeskryf word dat
hul deeglik tred hou met landbou se behoeftes ten einde toepaslike
vaardighede, tegnologie en produkte beskikbaar te stel.
“Ons het ‘n groot hoeveelheid tyd en hulpbronne in infrastrukture
belê wat ‘n nuwe wêreldklas-eenheid vir die formulering van
swamme vir biobeheer, ‘n nuwe fabriek vir spesialiteitsvloeibare
kunsmis en moderne laboratoriums in vennootskap met die
Landbou-uitnemendheidsentrum (AEC) en die Suid-Afrikaanse Saad
Instituut (SASI) insluit,” het mnr Jonathan Etherington, eienaar en
hoof uitvoerende beampte van MBFi, tydens ‘n boeredag op Delmas
gesê.
“Die standaard en beheer van MBFi se produkte is vir ons uiters
belangrik en daarom is ‘n Landbou-uitnemendheidsentrum by die
hoofkantoor op Delmas geskep. Dit is ‘n fundamentele hulpmiddel
in die Suid-Afrikaanse landboubedryf, wat navorsers in staat stel
om kragte saam te snoer vir kort- en langtermynprojekte met die oog
op die plaaslike en internasionale biotegnologiese markte.”
Tydens die boeredag is aandag geskenk aan revolusionêre teg-
nologie wat oor die afgelope paar jaar ontstaan het, naamlik
korrelkunsmisbekleding. Die hoofdoel daarvan is die verhoging van
die beskikbaarheid van fosfor om die benutting van voedingstowwe
deur gewasse te verbeter. Hierdie tegniek waarborg dat ‘n gewas se
wortels ‘n produk ten volle benut.
‘n Ander belangrike onderwerp wat aandag geniet het, is die mees
wydverspreide mikrovoedingstoftekort in die wêreld, naamlik
boor. Dié tekort, wat byvoorbeeld onvolledige bestuiwing van
mielies tot gevolg kan hê, veroorsaak groot verliese in die produksie
en kwaliteit van gewasse. Produsente is egter gemaan om versig-
tig met die toediening van boor om te gaan, aangesien oortollige
boor plante kan vergiftig.
Weens die belangrikheid van waterkwaliteit in bespuiting is pro-
dusente ook ten sterkste aangeraai om die maatskappy vir ‘n
water-analise te nader. Probleme met waterkwaliteit moet volledig
aangespreek word ten einde doeltreffendheid en opbrengs te
verhoog.
Tydens die boeredag het MBFi hom weer eens verbind tot die
verskaffing van uitmuntende diens en produkte aan die Suid-
Afrikaanse produsent en nasionale handelaars.
AKTUEEL
MARIËTTA CRONJÉ,
SA Graan/Grain
medewerker
1: Gedurende 2016 en 2017 is nie minder nie as 4 000 stroke geplant
ten einde 200 produkte oor verskeie bio-klimaatstreke heen te toets.
2: MBFi se Landbou-uitnemendheidsentrum, wat soortgelyk is aan
die uitnemendheidsentrum in Rizobacter in Argentinië, toets die
nuutste tegnologie beide in hul laboratoriums sowel as in die veld.
3: ‘n Volledige saadbehandeling wat vir koring, mielies, sonneblom,
graansorghum en rog ontwikkel is, het oor die afgelope seisoene
van 16 proewe gelei tot ‘n gemiddelde verhoging van 280 kg/ha in
opbrengs.
4: MBFi word as familiebesigheid deur Jonathan Etherington en sy
twee seuns, Martin en Steven, bestuur.
2
3
1
4
Produk-inligting