78 / 84
Mei 2018
76
Saadmaatskappy vier
sy
GOUE
jubileum
M
onsanto SA vier vanjaar sy goue bestaansjaar in
Suid-Afrika. Hierdie merkwaardige reis het 50 jaar
gelede op 14 Februarie 1968 begin, toe Monsanto as ‘n
verskaffer van landbouprodukte geregistreer is. Dié vyf
dekades is gekenmerk deur die positiewe bydrae wat Monsanto tot
Suid-Afrikaanse landbou gelewer het.
“Gedurende die 50 jaar is die produsent se voordeel as einddoel
gestel en het Monsanto deur navorsing ‘n wye reeks geïntegreerde
oplossings om produktiwiteit te verbeter, gebied. Dit sluit onder
andere moderne planttelingstegnieke, gewasbeskermingsmiddels,
datawetenskap, bewaringslandboupraktyke en ander gevorder-
de produksiemetodes, biologiese middels, innoverende saadver-
werkingsmetodes, tegniese ondersteuning en biotegnologie in,”
het mnr Kobus Steenekamp (besturende direkteur, Monsanto SA)
tydens die verjaardagvieringe in Centurion gesê.
“Monsanto wil graag almal, insluitende besigheidsvennote, kliënte,
verspreiders, die bedryf asook die media, wat die 50-jaarpad
saamgestap het, bedank vir die samewerking en vriendskap.”
Volgens mnr Jannie de Villiers (uitvoerende hoofbestuurder,
Graan SA) het die deregulering van die markte aan die einde van
1996 genoodsaak dat die boerderygemeenskap groot aanpassings
aan hul bedrywighede moes maak. Die Suid-Afrikaanse graanpro-
dusente is egter bekend vir hulle ontvanklikheid vir nuwe tegnologie.
“Die ontwikkeling van saadtegnologie en die aanwending daarvan
deur landbouers het gevolglik ‘n belangrike hoeksteen in die
Suid-Afrikaanse voedselveiligheidstelsel geword. Suid-Afrika is
dan ook die enigste land op die Afrika-vasteland wat aanspraak kan
maak op ‘n voedselveilige status. Monsanto is ‘n sleutelrolspeler in
dié verband en hul verbintenis tot die boerderygemeenskap om die
sektor te ontwikkel, is welbekend.
“Graan SA en Monsanto se vennootskap is van groot waarde
vir beide organisasies en ons vertrou dat dit nog vir baie jare sal
voortduur. Ons wil Monsanto ook hartlik gelukwens met hul 50ste
verjaarsdag,” het De Villiers gesê.
In sy reaksie op Monsanto se halfeeu-mylpaal het dr John Purchase
(hoof uitvoerende beampte, Agbiz) verwys na Monsanto se
belegging in uitstaande genetika en biotegnologie.
“Dit het produktiwiteitswins bevorder en verseker dat ons
mieliewaardeketting wêreldwyd mededingend is teen uitvoerpari-
teitsprys. Dit dra by tot die globale mededingendheid van land-
bouvoedselkettings, waarvan mielies ‘n belangrike hulpbron is
– insluitende die rooivleis-, die braaikuiken- en die suiwelbedryf, ”
aldus dr Purchase.
“Ons wens Monsanto voorspoed toe met hul volgende 50 jaar van
betrokkenheid in Suid-Afrikaanse landbou.”
AKTUEEL
MARIËTTA CRONJÉ,
SA Graan/Grain
medewerker
3
1
2
Produk-inligting
1: Kobus Steenekamp, regs, en dr Jim Findlay, voormalige besturende
direkteur, sny ‘n verjaarsdagkoek ter viering van Monsanto se
50ste verjaarsdag.
2: Gedurende die verjaarsdagvieringe is erkenning vir bydraes tot
Monsanto se suksesverhaal aan voormalige personeellede gegee:
Kobus Steenekamp, Wally Green, Theunis Uys en dr Jim Findlay.
3: ‘n Hoogtepunt gedurende die afgelope 50 jaar was die internasionale
herdenking van Dekalb se honderdste verjaarsdag in 2012, waartydens
Monsanto SA ‘n veldtog geloods het om komberse vir minderbevoor-
regtes bymekaar te maak.