39 / 108
Revolusionêre plantvoeding
vir gesaaides
M
oderne landbougewasse kan deesdae dubbel die oes van ‘n
paar dekades gelede produseer. Vir hoër opbrengste en
‘n gehalte-oes is die regte beskikbare elemente, wat ook met
onkruiddoders versoenbaar is, nodig.
Produsente wie se bemestingkoste aanhou styg sonder dat resul-
tate verbeter, staar ‘n ongenaakbare kosteknyptang in die gesig.
“Plantvoeding en bemesting in reaksie op simptome bied nie ‘n
oplossing nie. Jy moet die oorsaak van probleme regstreeks en
betyds aanpak,” sê mnr Izak le Roux, besturende direkteur van
Elim Kunsmis, ‘n spesialis-plantvoedingsmaatskappy.
Le Roux sê Elim verkoop nie net die produkte wat die simptome
behandel nie, maar hulle bied ook praktiese en nommerpas-
oplossings. “Deur die beperkende faktore met behulp van betroubare
grond- en blaarontledings te ontleed, kan ons landboukundiges
aanbevelings vir elke plaas en verskillende gewasse maak.”
Een van Elim se unieke produkreekse lê klem op die beskikbaarheid
van mikro-elemente, terwyl dit versoenbaar is met glifosaat, asook
swam- en onkruiddoders.
“Die mark het ‘n behoefte gehad aan ‘n blaarvoedingsproduk wat
met glifosaatbevattende onkruiddoder gemeng kan word. ‘n Meng-
aksie tussen dié onkruiddoder en mikro-elemente skep normaal-
weg net ‘n ondoeltreffende mengsel.
“Ek het proefnemings gedoen en gesien plaaslike mikro-
elementreekse is nie met glifosaat versoenbaar nie.” Gelukkig kon
Brandt Consolidated, ‘n vervaardiger van plantvoedings- en plant
beskermingsmiddels in Amerika, ‘n antwoord bied.
Die Brandt Smart-produkreeks kan met glifosaat gemeng en ge
spuit word en bestaan uit Smart Trio, Smart B, Smart Cu, Smart Zn
en Smart Quatro. Dit is alles met glifosaat versoenbaar. Selfs
Monsanto het goedkeuring gegee dat dit saam met Roundup®-
onkruiddoders gebruik kan word.
Brandt se produkte word gerugsteun deur slim chemie. Die nood
saaklike mikro-elemente sink en mangaan (albei met positiewe
ladings), wat in Smart Trio voorkom, is danksy die Smart-tegnologie
versoenbaar met glifosaat (met ‘n negatiewe lading). Daarom kan dit
gelyktydig toegedien word. In die verlede kon sink en mangaan nie
met glifosaat gemeng word sonder ‘n chemiese reaksie waardeur
dié elemente gebind en daarom onbeskikbaar geraak het nie. Dit
het ook glifosaat se doeltreffendheid benadeel. Smart-tegnologie
vergemaklik derhalwe enige bespuitingsprogram.
“Elim het ‘n eksklusiewe verspreidingsooreenkoms met Brandt.
Ons het die afgelope seisoen meer as 600 000 liter van die produkte
in Suid-Afrika verkoop,” sê Le Roux.
Boor onderskat
Nog ‘n voordeel van die Brandt-tegnologie is die opneembaarheid
en versoenbaarheid van boor in spuitmengsels. “Boor is ‘n onder-
skatte mikro-element in gewasproduksie, wat veral in blomtyd en
voor bestuiwing ‘n groot rol in die plant speel,” sê Le Roux.
“Met die water van spuitmengsels wat teen ‘n pH van 5 versuur
word, haal dit boor – wat alkalies is – uit suspensie,” verduidelik
hy. “Brandt se Smart B en Manniplex B-Moly se pH’s is albei 5,5
en daarom sak die boor nie uit nie, al word die spuitmengsel in die
tenk by ‘n pH van 5 versuur.”
Microlife
Elim se eie Microlife-reeks lê klem op grondgesondheid en wor-
telontwikkeling. “Ons maak ‘n aanbeveling op grond van die
grondstatus,” sê Le Roux. “Suur grond kan met Lime Granule, ‘n
kalkkorrelproduk, behandel word. Vir grond met ‘n hoë pH beveel
ons Gypsum Granule, ‘n gipsproduk, aan. Na gelang van die
grondtipe en die gewas se behoefte, kan die produsent Bio Green
Granule alleen gebruik of saam met die gips en kalkkorrels.”
Mycorrhizae en Trichoderma vorm deel van die Bio Green biolo-
giese korrel en is daarop gemik om wortelgroei te stimuleer.
Wortels
Elim is ook die verspreider van AfriKelp® LG-1, ‘n natuurlike wor
telgroeistimulant wat uit bruin seewier (
Ecklonia maxima
) vervaardig
word. Dit word plaaslik geoes en volgens volhoubare praktyke
verwerk. Afrikelp het ‘n hoë ouksien- en lae sitokinien-verhouding,
wat daarop gemik is om wortelontwikkeling te stimuleer.
Vir navrae skakel Elim Hoofkantoor (012 252 4455) of een van
Elim se landboukundiges: Jaco Voges (060 624 4049) of Godfrey
Hartman (062 803 1429).
Registrasienommers
Produkregistrasienommers volgens Wet 36 van 1947: Misstowwe in Groep 2: Bio
Green Granule (B5468); Gypsum Granule (B5473); Lime Granule (B5474); Roundup
Ready (L7769); Afri-Kelp (L8274); Smart B (B5320); Smart Trio (B4289); Smart Cu
(B5319); Smart Quatro (B5317); Smart Zn (B4291).
Die promosie-artikel is verskaf deur
Landbouweekblad.
37
July 2018
Promosie-artikel
Elim se Microlife-reeks bied ondersteuning vir
wortelontwikkeling (Bio Green Granule), plantgroei
(Gypsum Granule) en grondgesondheid (Lime Granule).
Elim Kunsmis