![Show Menu](styles/mobile-menu.png)
![Page Background](./../common/page-substrates/page0071.jpg)
ႉႃ
HOOFSTUK 1
wat gedurende Januarie 2013 gevul is, is in Graan SA se strukture gevestig, maar
deur die Mielietrust befonds, met ’n kleiner bydrae deur die Wintergraantrust.
Die program is in Graan SA as die Produsente-innoveringsprogram vir Bewarings-
landbou gevestig met die volgende hoof strategiese doelwitte:
• Om groter bewusmaking vir bewaringslandbou te skep;
• om toegang tot inligting vir alle betrokkenes te verbeter;
• om beter opleiding van sleutelrolspelers in bewaringslandbou te bereik;
• om meer navorsing op die plaas te doen met produsente as deelnemers.
Dit word as belangrik vir die sukses van die program geag om produsente te erken
en as primêre, unieke innoveerders te gebruik, omdat die sukses daarvan in die
eerste plek afhang van aanvaarding en innovering deur die produsente. Navorsing
word op die plaas gedoen in samewerking met verskillende rolspelers met die pro-
dusent in die sentrale rol, waardeur verseker word dat behoorlike klem gelê word
op die ervaring en bewusmaking wat daarmee saamgaan, wat sleutelelemente van
die program is. Wanneer dít bereik is, kan tegniese en wetenskaplike ondersteu-
ning die bestuur van die proses suksesvol maak.
Die doel van die program is om produsente te bemagtig sodat hulle innoverend
kan raak en volhoubare landboupraktyke implementeer en toepas.
Die proses wat gevolg word, is om eerstens goed georganiseerde en toegewyde
produsentestrukture, soos studiegroepe, stokvels by kleinboere en No Till-klubs
wat bereid is om die program te ondersteun, ook bekend as produsente-innove-
ringsplatforms, te identifiseer. In samewerking met daardie groepe produsente
word projekte ontwerp waar prioriteite, aktiwiteite en gapings geïdentifiseer word.
Ten einde die gapings aan te spreek, word ander rolspelers, soos navorsers, voor-
ligters, insetverskaffers en vervaardigers betrek om volledige werkspakkette te
ontwerp en te implementeer. Die projek bestaan dus hoofsaaklik uit produsente,
maar sluit ook tegniese en ander kundiges en ondersteuning in.
Graan SA het in 2013 met doelgerigte bewaringslandbouprojekte onder kommer-
siële produsente begin, waarvan die eerste saam met die Ottosdal No Till-klub
in die Noordwes Provinsie was. Die oogmerk in 2014 was om addisionele fondse
vanaf die Mielietrust te verkry en na nog produsente-innoveringsplatforms van
hierdie aard te kanaliseer, veral in gebiede waar bewaringslandbou nog nie werklik
aanvaar is of posgevat het nie. Die Oos-Vrystaat is een so ’n gebied, waar alreeds
spesifieke studiegroepe geïdentifiseer is wat Graan SA wil gebruik om projekte oor
bewaringslandbou te skep en te loods.