111 / 124
109
September 2017
AKTUEEL
Plaaslike wêreldklas tegnologiesentrum
verbeter kultivarteling in Afrika
D
ie R100 miljoen Afrika-streektegnologiesentrum naby Del-
mas waarin DuPont Pioneer in 2013 begin investeer het,
kan vergelyk word met ander wêreldklas DuPont teg-
nologiesentrums in die VSA, Brasilië, Indië en China.
Dié sentrum, wat amptelik in Mei vanjaar geopen is, is een van die
grootste investerings ten opsigte van navorsing en ontwikkeling
wat DuPont die afgelope vier jaar onderneem het.
Gevorderde tegnologieë soos dubbel haploïede, fotometrie en die
gepatenteerde Pioneer Versnelde Gewastegnologiestelsel (Pioneer
Accelerated Yield Technology [AYT] System) word in hierdie sentrum
gebruik. Hierdie tegnologieë verleen ondersteuning om teelsiklusse
te verkort en verbeter dit akkuraatheid ten opsigte van telingsdoel-
witte (onder andere verbeterde droogteverdraagsaamheid, plae
en siekteverdraagsaamheid, asook verbeterde opbrengs met be-
perkende insette).
Buiten ‘n tegnologiesentrum op die perseel, is daar ook ‘n insektaria
– die grootste privaat insektaria in Afrika – waar eienskappe ontwik-
kel word om plaaslike vernietigende plae te bestuur.
“Die mikro-omgewing bly onder druk, maar ons sien die investering
as ‘n onmisbare geleentheid vir ons besigheid om innoverende
produkte vir die landelike gemeenskap te lewer, om só te help met
volhoubare voedselsekerheid, het mnr Alejandro Munoz (vise-
president: Wêreld Kommersiële Besigheid, DuPont Pioneer) gesê
tydens die amptelike opening van die sentrum.
Volgens Munoz skep die ontwikkelende behoeftes van hul kliënte,
tesame met die toenemende bevolkingsgroei, ‘n groter behoefte om
produktiwiteit in die landbou te verbeter. “Ons is uniek geposisioneer
om dié wêreldwye bekommernisse en uitdagings aan te spreek,” het
hy gesê.
Die ligging van die tegnologiesentrum beklemtoon die feit dat
Suid-Afrika ‘n belangrike sentrum vir DuPont se navorsing, besig-
heid en vervaardiging is. “Die sentrum sal plaaslike oplossings bied,
deur wêreldwye wetenskap te gebruik,” het hy gesê.
DuPont is duidelik verbind tot navorsing en ontwikkeling, omdat
hulle jaarliks meer as 800 miljoen dollar daarin investeer, wat be-
teken dat hul navorsingsfasiliteite elke dag meer as 2 miljoen dollar
bestee.
“Ek het die geleentheid gehad om ‘n groot aantal van DuPont
se navorsingsentrums regoor die wêreld te besoek en nie een
is dieselfde nie, maar elkeen is ‘n voorbeeld van die kragtigheid
van ons wetenskaplike vermoëns. Plaaslike probleme dryf ons
navorsingsfokus en plaaslike produkontwikkeling. Hierdie nuwe
sentrum bou voort op dié ontwikkeling,” het Munoz gesê.
Mnr Prabdeep Bajwa (streeksdirekteur: DuPont landboubesigheid,
Afrika en Midde-ooste) het gesê Afrika sal ekonomies geweldig
vinnig oor die volgende paar jaar groei. “35 miljoen hektaar in Afrika
produseer tans minder as 2 t/ha graan. Daar is uitdagings, maar
die groot geleentheid wat Afrika kan bied, is die ‘per hektaar’ en dit
is waar DuPont inkom.
“Indien jy die produktiwiteit van die land verbeter, verbeter jy nie
net die volhoubaarheid van landbou nie, maar ook die lewensbe-
staan van landelike gemeenskappe. Dít is wat DuPont opgewonde
maak en daarom verbind ons onsself elke keer opnuut om in
Afrika te investeer,” het Bajwa verduidelik.
RUTH SCHULTZ,
SA Graan/Grain
medewerker
Hierin het hulle belê
Ander navorsings- en ontwikkelingsprojekte waarin
DuPont die afgelope paar jaar belê het, sluit die
volgende in:
‘n Navorsingsentrum op Hoogekraal wat navor-
sing op verskeie gewasse vir DuPont en Pannar
sal uitvoer, waar daar veral gefokus gaan word
op droogteverdraagsaamheid in die westelike
gebiede.
Opleiding- en onderriggeleenthede vir personeel
en akademiese instellings deur hulle die geleent-
heid te bied om ‘n plantteteeltsimposium aan te
bied en navorsingsvaardigheidsontwikkeling te
kweek.
Samewerking en ondersteuning aan ontwikke-
lende en kleinboere om die lewensbestaan van
families in landelike gebiede te verbeter.
1a en 1b: Die splinternuwe DuPont tegnologiesentrum naby Delmas van
voor en agter gesien. DuPont het meer as 4 000 navorsers in meer as
110 lokaliteite, in ses kontinente wêreldwyd. DuPont se voetspoor strek
oor 34 van die 54 Afrika-lande.
1a
1b