114 / 124
September 2017
112
Vooruitsigte vir die somerreënvalgebiede
S
oos die winter tot ‘n einde kom, skuif die fokus in terme
van reënval en temperatuur weg vanaf die suid-westelike
winterreënvalgebiede na die lente- (meestal suidelike
en oostelike kusgebiede) en somer- (noord-oostelike
binneland) reënvalgebiede. Voorspellings strek tans tot en met
Desember hierdie jaar en daarom kan ons nog nie ‘n aanduiding
gee van wat aan die einde van die somerseisoen (Januarie/
Februarie/Maart) verwag kan word nie.
Vir die lentereënvalgebiede (meestal Oos-Kaap en KwaZulu-Natal)
word ondernormale reënval verwag met gepaardgaande warmer
temperature. Soos ons die einde van lente en die begin van somer
nader, word verwag dat gedeeltes van KwaZulu-Natal wel bo-
normale reënval kan kry, met Oos-Kaapse areas wat nog steeds
ondernormale reënval kan verwag.
Vir die suid-oostelike binneland, die tradisionele somerreënval-
gebied, is daar ‘n aanduiding dat daar gedeeltes is wat gedurende
die lente bonormale reënval kan ontvang. Ongelukkig word on-
dernormale reënval grootliks gedurende die begin van die somer
verwag. Soos reeds genoem, weet ons nog nie wat om te verwag
vir die einde van die somer nie en die lesers word aangeraai om
in die volgende paar maande die seisoenale voorspelling dop te
hou. Meestal warmer temperature word gedurende die lente en die
begin van die somer in die somerreënvalgebiede verwag.
Die El Niño Suidelike Ossilasie (ENSO) is tans in ‘n neutrale fase en
daar word verwag dat dit gedurende die lente en volle somerseisoen
in ‘n neutrale fase sal bly. Hierdie stelsel is egter in ‘n warm fase
en die verwagting van neutraliteit kan nog gedurende die komende
maande verander. Ons verwag tans nie enige impak op die somer-
reënvalgebiede as gevolg van hierdie stelsel nie.
Ongelukkig beteken ‘n normale fase van ENSO ook dat ons voor-
spellings minder betroubaar is en daar word voorgestel dat dit in
enige beplanning in ag geneem sal word.
AKTUEEL
COBUS OLIVIER,
wetenskaplike: Voorspellingsnavorsing, Suid-Afrikaanse Weerdiens
Figuur 1: Reënvalvoorspellings vir Suid-Afrika vanaf Augustus tot Desember 2017, in waarskynlikhede vir ‘n sekere
kategorie om voor te kom. Die insetsel illustreer die kanse dat die Augustus/September/Oktober 2017-seisoen ver
bo- of ondergemiddeld kan wees.