74 / 92
Mei 2015
72
Pannar stap die pad
saam met die produsent
Ottosdal Bewaringslandboukonferensie:
Positiewe impak op produsentebewustheid
P
annar se leuse “Saam boer ons vir die toekoms” beklemtoon
dié maatskappy se toewyding om die produsent met beter
kultivars, nuwe tegnologie en verbeterde verbouingspraktyke
vir progressiewe gewasproduksie te ondersteun.
‘n Aantal nuwe kultivars is tydens die 2015 Pannar Extravaganza
vir produsente van mielies, sojabone, sonneblom en droëbone
bekend gestel. Die hoofdoel van die Pannar Extravaganza, wat
jaarliks in verskillende streke in Suid-Afrika aangebied word, is
om produsente op hoogte te bring van nuwe verwikkelinge wat
Pannar-kultivars betref. Tydens die Noordwes Extravaganza op
25 en 26 Februarie vanjaar op die proefplaas buite Klerksdorp, is
die eienskappe van nuwe kultivars en die prestasie van gevestigde
kultivars met besoekers gedeel. Ná die insiggewende lesings deur
die kundiges van Pannar, kon produsente die geleentheid benut
om hul verteenwoordigers en landboukundiges van nader te leer
ken en eerstehandse inligting by dié kundiges in te win.
Volgens mnr Peet van der Walt (advertensiebestuurder: Pannar)
is risikobestuur en volhoubare boerdery vir dié maatskappy van
uiterste belang. Dit is ook waarom al hulle produkte aan ‘n deeglike
toetsprogram onderwerp word voordat enige kultivar bemark word.
Aspekte soos goeie opbrengsprestasie, stabiliteit oor seisoene en
gebiedsaanpasbaarheid is belangrike aspekte waaraan Pannar aan-
dag gee. Die vrug van hierdie program word in die Pannar-gewas-
pakket se prestasie in die LNR se nasionale proewe weerspieël
waar hulle in al die gewaskategorieë ‘n eerste plek behaal het. Hulle
beleid is om die beste moontlike kultivars in die Suid-Afrikaanse
mark vry te stel. Van die nuwelinge wat tydens die geleentheid
bekend gestel is, is:
Nuwe witmieliebasters
PAN 4A-111, PAN 4R-511R en PAN 4B-311B:
Dié vinnige pakket is
‘n uitstekende keuse vir al die oostelike produksiegebiede. Hier-
die pakket word onder besproeiing vir al die produksiegebiede
aanbeveel. Die basters beskik oor goeie algemene siektetoleransie,
staanvermoë, graankwaliteit en skepelmassa.
PAN 6R-665R en
PAN 6R-845CBGT:
Dié glifosaat-tolerante en stapelgeenbasters
pas in die medium groeiklas en beskik oor ‘n baie goeie stabiliteit
en kompensasievermoë onder verskillende produksietoestande.
Die basters droog relatief vinnig af en beskik oor goeie staanvermoë
en is sterk meerkoppig.
Nuwe geelmieliebasters
PAN 4R-576R en PAN 4R-776BR:
Dié glifosaat-tolerante en stapel-
geenbasters pas in die vinnige groeiklas. Hulle word vir die Noord-
oos-Vrystaat en aanvullend in die oostelike produksiestreke
aanbeveel.
PAN 6R-680R:
Hierdie mediumgroeiseisoenbaster
met glifosaat-onkruiddodertoleransie lewer uitstekende, stabiele
prestasie oor al die droëlandproduksiestreke. Dit vorm ‘n gedugte
pakket saam met PAN 6Q-408CB, wat ook ‘n uitstekende rekord
van prestasie het. Dit is ‘n uitstekende keuse vir kuilvoerproduksie
en ook waar ‘n enkele oes onder besproeiing of aanvullende
besproeiing verbou word.
PAN 6R-880CBGT:
Hierdie stapel-
geenbaster in die medium groeiklas bied die voordeel van stronk-
boorderbeskerming en toleransie teen glifosaat-onkruiddoder. Dit
is soortgelyk aan die PAN 6Q-408CB en PAN 6R-680R en is goed
aangepas vir al die produksiestreke.
Nuwe sojaboonkultivars
PAN 1500R
is ‘n opwindende nuwe kultivar wat die kultivar in die
Pannar-reeks met die beste opbrengsstabiliteitsindeks is, hoewel
dit nie die toppresteerder in enige van die produksiestreke was nie.
Hierdie 5,7 groeiklas kultivar is baie geskik vir die gematigde sowel
as die koel produksiegebiede.
PAN 1614R
is ‘n baie aantreklike
kultivar, met sterk vegetatiewe groei en goeie staanvermoë asook
D
anksy die hoogs suksesvolle Ottosdal Bewaringslandbou-
konferensie wat in 2014 gehou is, is ‘n tweede konferensie
vanjaar op 11 en 12 Maart gehou. Die oorweldigend
positiewe terugvoer van konferensiegangers was ‘n aan-
duiding dat daar ‘n soortgelyke positiewe impak op produsente se
bewustheid van hierdie tema was.
Die Ottosdal No-Till Club (Geenbewerkingsklub) het, in samewer-
king met Graan SA, daarin geslaag om verlede jaar se hoë standaarde
te handhaaf deur weer eens 'n baie suksesvolle bewaringslandbou-
konferensie op Ottosdal aan te bied.
Meer as 300 produsente en ander belangstellendes het die konfe-
rensie bygewoon. Die bywoning van ‘n Argentynse afvaardiging,
wat deur middel van die Graan SA/Argentynse-samewerkingsoor-
eenkoms aan die projek meewerk, het verder ‘n internasionale geur
aan die geleentheid verleen.
Konferensiegangers is deur mnr Dirk Laas (voorsitter van die Ottos-
dal Geenbewerkingsklub) verwelkom, waarna mnr Ernst Janovsky
(Absa AgriBesigheid) die konferensie geopen het.
Dr Hendrik Smith van Graan SA en die Mielietrust het ‘n oorsig oor
bewaringslandbou gegee en mnr Kallie van der Merwe (‘n produ-
sent in die omgewing) het ‘n voorlegging oor chemiese onkruidbeheer
in bewaringslandbou gedoen.
Ná ‘n aanbieding deur mnr Tony da Costa (produsent van Nigel,
Gauteng), het mnr Frikkie Kirsten (van die LNR-Instituut vir Plant-
beskermingsnavorsing) en me Lushka Labuschagne (Universiteit
van Pretoria) terugvoer gegee oor navorsing wat op die gedrag en
beheer van knaagdiere in graan gedoen word, terwyl dr André Nel
(LNR-Instituut vir Graangewasse) die jongste resultate van proewe
wat op Ottosdal onderneem is, bespreek het en deelnemers op die
namiddag se veldbesoeke aan die proewe voorberei het.
AKTUEEL
LOUISE KUNZ,
SA Graan/Grain
medewerker
HENDRIK SMITH,
bewaringslandboufasiliteerder, Graan SA