54 / 92
Mei 2015
52
Wêreldbekende Versatile-trekkers
nou in Suid-Afrika beskikbaar
V
ersatile-trekkers, ‘n wêreldbekende trekkervervaardiger, se
reeks trekkers is op pad Suid-Afrika toe en sal eersdaags op die
plaaslike mark beskikbaar wees. Die vervaardiger word reeds ver-
teenwoordig in Kanada, Noord-Amerika, Europa asook in Rusland
en die voormalige Oosblok-lande.
Die stap om hierdie trekkers in Suid-Afrika bekend te stel, is in lyn
met Versatile se strategie om die handelsmerk verder uit te brei en
wêreldwyd te vestig.
Versatile-trekkers word vervaardig deur Buhler Industries Inc in
Winnipeg, Manitoba, Kanada – wat in 1932 eers as ‘n implement-
vervaardiger begin het. Deur volgehoue groei en uitbreiding,
nuwe produktoevoegings en die uitkoop van ander vervaardigers,
het Buhler gegroei tot ‘n volwaardige rolspeler in die landbou-
meganisasiebedryf.
Die trekkerfabriek beslaan 65 000 m
2
en Versatile beskik ook oor
‘n trekkertoetsfasiliteit van 16 ha. Buhler-fasiliteite in ander wêreld-
dele vervaardig onder meer selfaangedrewe spuite, stropers en ‘n
reeks implemente.
Die maatskappy was die eerste vervaardiger wat reeds in 1966 ge-
artikuleerde vierwielaangedrewe trekkers kommersieel begin ver-
vaardig het. Versatile het verder ook die eerste trekker wat beide
vorentoe en agtertoe kon werk in 1977 bekend gestel. Die maatskap-
py word gekenmerk deur die gemak waarmee die trekkers versien
en gediens kan word, maar beskik tog oor die nuutste tegnologie
soos onder meer GPS-stuurstelsels, vingerpunt hidrouliese beheer
en geoutomatiseerde beheer van trekkerfunksies en ratskakeling.
Die Versatile-trekkerreeks bestaan uit drie modelreekse:
Vierwielaangedrewe geartikuleerde
trekkers
Die reeks trekkers wat plaaslik beskikbaar sal wees, bestaan uit
drie modelle met ‘n kraglewering van 336 kW - 410 kW (maksimum
lewering van tussen 373 kW en 441 kW). Die trekkers is toegerus
met die reeds beproefde turboaangedrewe, lug-tot-lug naverkoelde
Cummins QSX15-enjins wat reeds jare lank diens doen in trekkers in
Suid-Afrika.
Die kragbron is gekoppel aan die legendariese Caterpillar TA22
16 x 4-kragskuiftransmissie. Hierdie transmissie kan geprogrammeer
word vir vol outomatiese skakeling asook outomatiese ratseleksie na
gelang van die spoed waarteen die trekker beweeg.
Die trekkers is almal toegerus met driepuntstelsels en swaardiens
implementhake. Hidrouliese beheer geskied deur programmeer-
bare vingerpuntbeheer-skakeling deur vier standaard koppelings,
met ses koppelpunte as opsie, indien dit verlang word. Standaard-
vloei op die trekkers is 200 l/min, met die opsie om lewering op te
stoot na 400 l/min.
PROMOSIE-ARTIKEL
JAKES JACOBS,
Pacific Storm
1: Die kajuite van die trekkers is
ruim en kontroles is op die arm-
leuning geplaas.
2: Die Versatile 320-trekker toe-
gerus met nou bande vir plantwerk.
3: Versatile se DeltaTrac 520 gearti-
kuleerde rusperbandtrekker.
1
3
2