55 / 92
-$.(6 -$&2%6
ZZZ YHUVDWLOH DJ FRP
1$032
6WDQGSODDV
‘n Uitstaande kenmerk van die trekkers is dat hulle van ‘n swaar-
diens
outboard planetary
finale aandryfstelsel gebruik maak.
Versatile-ingenieurs het die aste in die 1970’s ontwerp en dit is
bekend vir robuustheid en eenvoud asook die gemak waarmee dit
versien kan word.
DeltaTrac geartikuleerde
rusperbandtrekkers
Hierdie reeks trekkers is ontwikkel in samewerking met Camoplast,
die voorste vervaardiger wat rusperbandtegnologie betref. Die
trekkers het kraglewering wat ooreenstem met dié van hulle wiel-
gedrewe stalmaats.
Die rusperbandontwerp word gekenmerk deurdat daar geen
bogy
wiel direk onder die aandryf-as geplaas is nie. Sodoende word beter
rygerief verseker. Aandrywing word oorgedra deur
lugs
op die
rusperband in teenstelling met die kontakaandrywing van sommige
ander vervaardigers. Daar is deurentyd sewe
lugs
wat aandrywing
oordra op enige gegewe tyd.
Die DeltaTrac se aste is aan die raam gemonteer en versterk om
skokke van elke rusperband te absorbeer en sodoende langer band-
leeftyd en laer onderhoud te verseker. Dít, tesame met die feit
dat die trekker ook van die
outboard planetary
aandryfstelsel ge-
bruik maak, verseker dat die aandrywing na die rusperbande teen
‘n konstante wringkrag plaasvind, wat op sy beurt verseker dat
krag na die rusperbande nie onderbreek word nie.
Met dieseltenks wat in die middel van die trekker gemonteer is,
is die belading van die trekker vereenvoudig. Die tenk se kapasiteit
is 1 800 liter. Die DeltaTrac is beskikbaar met ‘n kruipratkas wat veral
handig te pas kom by spesiale applikasies, soos onder meer die
installering van dreineringspype in lande.
Rygewastrekker
Die vasteraamtrekkers se kraglewering is tussen 194 kW en 231 kW
(maksimum lewering tussen 221 kW en 254 kW). Die kragbron
is weer eens van Cummins, maar in hierdie geval ‘n QSC8.3. ‘n
Uitstaande kenmerk van die trekkers, is dat dit toegerus kan word
met ‘n hoëvloei hidrouliese pomp met ‘n lewering van tot 284 l/min
om veral aan die vereistes vir die aandrywing van wyespanplanters
te kan voldoen.
Hierdie trekkers is beskikbaar met ‘n verskeidenheid bandop-
sies om vir elke moontlike taak voorsiening te maak. Dit word
standaard toegerus met vingerpunt hidrouliese beheer asook ‘n
goukoppelstuk vir die driepunt. Die trekkers beskik oor ‘n hysver-
moë van 8 550 kg.
Handelaarsnetwerk en rugsteuning
Pacific Storm Properties rugsteun hierdie trekkers en voer dit
in; hulle is onder meer ook verantwoordelik vir die vestiging van
Orthman-strookbewerking in Suid-Afrika asook die invoer van die
AWS-lugstelsel wat op stropertafels gemonteer word vir die stroop
van onder meer sojabone.
Die invoer van die trekkers word ten volle gerugsteun deur die
fabriek in Kanada en die trekkers geniet ‘n waarborg van
twee jaar/2 000 uur. Kom besigtig hierdie trekkerreeks op stand-
plaas 204 by vanjaar se Graan SA NAMPO Oesdag, waar die verteen-
woordigers van Versatile in Kanada ook teenwoordig sal wees.
Die handelaarsnetwerk bestaan uit handelaars in die Noordwes
Provinsie (Lichtenburg), Wes-Vrystaat (Bultfontein/Bothaville/
Hoopstad), Oos-Vrystaat (Bethlehem) en Mpumalanga (Balfour).
Vir enige verdere navrae, kan Jakes Jacobs geskakel word by
076 400 7801.