61 / 124
59
March 2015
Spesiale
FOKUS
Saad
Hierna kan kanolaprodusente uitsien
DIRK HANEKOM,
Agricol,
GERT ELS,
Klein Karoo Saad Bemarking en
JIM MCDERMOTT,
Pioneer
Waarna kan kanolaprodusente in 2015 uitsien?
S
A Graan/Grain
het by ‘n paar saadmaatskappye gaan aan-
klop om uit te vind wat is tans nuut en wat is in die pyplyn
vir kanolaprodusente.
Nuwe Agricol-kultivars
Agricol beskik oor ‘n reeks van beide konvensionele en triasienver-
draagsame (TT) kultivars. In albei hierdie groepe is daar oopbe-
stuifde sowel as basterkultivars beskikbaar.
Agricol se vlagskipkultivar bly steeds
Agamax
, wat jaar na jaar,
ongeag die seisoen, uitstekende opbrengste lewer. Dit is ‘n baster
konvensionele kultivar met ‘n besonderse vermoë om uitstekend aan
te pas by wisselende groeitoestande soos in die verskillende streke
van die kanolaproduksiegebied aangetref word.
Uit dieselfde stal as Agamax, is daar vanjaar ook
CB Tango
beskik-
baar. Tango is ‘n baster konvensionele kultivar met die besonderse
eienskap van ‘n verkorte dae-tot-blom-periode. Tango se toepas-
sing sal hoofsaaklik in gebiede wees waar die reënval dikwels neig
om vroeg af te sny. In hierdie geval is Tango ‘n uitstekende keuse
aangesien die blomtydperk en die daaropvolgende vulling van
peule ‘n beter kans het om reeds voltooi te wees, sou die seisoen
vinnig afsny.
Die gebruik van Tango waar groot hektare aangeplant word, kan ook
‘n voordeel inhou om die druk tydens oestyd effens te versprei. In
gebiede waar sterk winde tydens oestyd voorkom, is Tango ook ‘n
goeie opsie om vroeër te begin stroop en oesverliese as gevolg van
sterk winde te beperk.
Wat die TT-kultivars betref, is daar vanjaar genoegsame
Atomic HT
beskikbaar. Hierdie kultivar het die uiters gewilde Jardee HT vervang
wat twee jaar in ‘n ry die Swartland Kanola-kompetisie gewen het.
Atomic HT het in die 2014-seisoen getoon dat die opbrengspoten-
siaal van hierdie TT-kultivar gewis in ‘n klas van sy eie is. Ook is daar
ATR Gem
beskikbaar wat ‘n nuwe TT-kultivar is en verlede seisoen
met groot sukses deur ‘n groot aantal produsente in die Swartland
aangeplant is. Terugvoer uit die veld toon dat opbrengste uiters be-
vredigend was, afgesien van die feit dat die reënval effens vroeër
afgesny het.
Heelwat nuwe teellyne is ook verlede jaar geïdentifiseer wat hopelik
binnekort beskikbaar gaan wees.
Klein Karoo Saad Bemarking se
kanolakultivars
Klein Karoo Saad Bemarking, oftewel K2 Saad soos wat dit meer
algemeen onder produsente bekendstaan, bemark alreeds kwali-
teit kanolasaad vanaf die babaskoentydperk van kanola in
Suid-Afrika. K2 Saad is in noue kontak met kanolatelers om te
verseker dat ons altyd bewus is van die nuutste genetika. Daarom
was ons verskaffer die eerste maatskappy in die wêreld wat baster-
kanola vrygestel het.
Die maatskappy spits hul toe op die hele reeks, wat insluit konven-
sionele, Clearfield (CL) en triasienbestande (TT) variëteite. Al hier-
die variëteite is tans F1-basters wat vervang is met die oopbestuifde
variëteite van die verlede.
Hierdie basters se saailinggroeikragtigheid, beter opbrengs en
van die beste swartstamweerstand, maak hulle baie gewild onder
produsente. ‘n Verdere belangrike aspek vir K2 Saad, is om varië-
teite te bekom wat wyd aangepas is onder gunstige sowel as on-
gunstige omstandighede.
Die afgelope drie tot vier jaar, het die huidige variëteite hulself in
die Swartland sowel as die Suid-Kaap bewys as konstante goeie
presteerders.
Nuwe variëteite word gereeld getoets teenoor bestaande variëteite
om te verseker dat die heel bestes vir Suid-Afrika geselekteer word.
In die afgelope seisoen is daar konvensionele,
triasienbestande en Clearfield-variëteite getoets,
wat goed gekompeteer het.
In die volgende seisoen sal die uitskieters weer
geplant en getoets word, om vas te stel of hulle
aanpasbaar is en of hulle konstant goeie pre-
steerders is. Ons kan nie nuwe variëteite op
een jaar se resultate selekteer en vrystel in die
mark nie. Variëteite wat vrygestel word, moet ten
minste oor twee seisoene bewys dat hulle goeie
presteerders is.
Elke produsent moet beplan watter tipe kanola
(konvensioneel, TT of CL) hy wil plant en daar-
volgens besluit watter variëteit om te plant. Dit
is ook raadsaam om nie net een variëteit te plant
nie, maar ‘n pakket van verskillende groeilengtes.
Die risiko moet versprei word om by verande-
rende weersomstandighede te kan aanpas.
Die volgende variëteite is met sukses in die laaste
paar jaar aangeplant en is hierdie jaar beskikbaar:
Hyola 50
– konvensioneel (beste presteerder
oor drie seisoene).
SA Graan/
Sasol Chemicals (Kunsmis) fotokompetisie