51 / 124
FOKUS
Saad
Spesiale
Link Seed:
Mielie- en sojaboon-
kultivars vir die 2015/2016-seisoen
S
ojaboonaanplantings het gedurende die afgelope plant-
seisoen drasties toegeneem. Verskeie produsente plant
reeds mielies tot sojabone in ‘n verhouding van 50:50 en in
sekere areas is die soja-gedeelte selfs groter.
Mielies en sojabone is natuurlik ideale pasmaats in ‘n wisselboustel-
sel en die agronomiese en ekonomiese voordele is welbekend.
Link Seed het die afgelope 22 jaar uitstekende mieliebasters en
sojaboonkultivars ontwikkel en is tans ‘n gerekende rolspeler in die
saadbedryf. Met die toevoeging van ultrakortgroeiseisoenbasters
kan ons nou ‘n volledige pakket aanbied.
Witmieliebasters
In ons witmieliereeks is daar die mediumvinnige LS 8533R wat as
glifosaatweerstandbiedende baster uitstekende voordele bied
en uitmuntend vertoon in die LNR-Nasionale proewe. Uitstaande
kenmerke sluit in hoë-opbrengspotensiaal, baie goeie staanvermoë,
wye aanpasbaarheid en goeie algemene siekteweerstand.
Nou reeds vir die tweede jaar op die mark, is daar LS 8539B, in die
medium tot vinnige klas en LS 8537, ‘n mediumgroeiseisoenbaster.
LS 8539B is ‘n hoë-opbrengspotensiaal, meerkoppige baster met
wye aanpasbaarheid, vinnige graanafdroging en baie goeie weer-
stand teen roes.
LS 8537 daarenteen is meerdoelig, met uitstekende graanopbrengs
en uitstaande kuilvoereienskappe. Verskeie kuilvoerprodusente
is reeds gaande oor hierdie baster. Baie goeie algemene
siekteweerstand en wye aanpasbaarheid dra by tot ‘n baster wat nog
baie van gehoor sal word.
Nuut op die mark is LS 8541BR, ‘n mediumgroeiseisoenbaster.
Kenmerkend van hierdie stapelgeenbaster is sy sterk meer-
koppigheid, stabiliteit en vinnige afdroging.
Aanvullend tot die witbasterreeks is daar ‘n ou staatmaker soos
LS 8519: Die vinnigste uit die grond uit, meerkoppig, met baie goeie
graankwaliteit en die ideale baster vir gebruik in ‘n toevlugsarea.
Geelmieliebasters
Toppresterende geelmieliebasters en die naam Link Seed is reeds
lankal sinoniem:
LS 8518 is bekend vir sy uitstekende opbrengsvermoë en wye
aanpasbaarheid en jaar na jaar se uitstekende resultate in die LNR-
proewe. Voeg hierby uitstekende staanvermoë en graankwaliteit en
hierdie mediumgroeier is gebrandmerk as ‘n wenner.
Vir produsente met onkruidprobleme is die nuwe LS 8538R ‘n
seker keuse. Hierdie medium tot vinnige baster bied uitstekende
opbrengste, het baie goeie staanvermoë, is wyd aanpasbaar en met
vinnige graanafdroging.
LS 8526 en LS 8536B is beide mediumvinnige basters, wyd
aanpasbaar en met uitstekende meerkoppigheid – ideaal waar ‘n
laer plantestand verkies word. Vinnige afdroging maak hierdie
49
March 2015
Produk-inligting
twee basters ook ‘n goeie keuse in die koeler, korter groeisei-
soenareas.
LG 3607Y is ‘n nuwe, ultravinnige geelmieliebaster met uitstekende
opbrengs. Baie goeie staanvermoë, stabiliteit en vinnige afdroging
maak dit ‘n uitstekende keuse vir hierdie marksegment.
Sojaboonkultivars
Link Seed se wye sojaboonreeks is peul-vir-peul van die beste in die
mark.
LS 6444R is welbekend as een van die kortste groeiklas sojabone in
die land en is reeds verskeie jare ‘n toppresteerder in die LNR-proewe
vir die koeler gebiede, maar vaar ook uitstekend in die warmer en
gematigde gebiede. Hierdie kultivar het baie goeie staanvermoë en
is uiters geskik vir nouer rye.
Nuut in hierdie groeiklas is LS 6240R met dieselfde uitstekende
eienskappe, maar met ‘n effens beter peulhoogte.
LS 6146R het ‘n onbepaalde groeiwyse, is effens stadiger as
LS 6444R, maar met wyer aanpasbaarheid, goeie peulhoogte en is
ons toppresteerder in die warm gebiede.
LS 6248R is semi-bepaald met wye aanpasbaarheid en ‘n uitste-
kende stalmaat vir LS 6146R. Hierdie kultivar presteer baie goed in
die gematigde en koeler areas
LS 6164R in die medium groeiklas, is ons toppresteerder in die
koel en warm gebiede die afgelope drie jaar en lewer uitstekende
opbrengste. Baie goeie peulhoogte en weerstand teen oopspring is
verdere uitstaande kenmerke.
LS 6453R is ‘n nuwe kultivar in die medium groeiklas en ‘n uitste-
kende stalmaat vir LS 6164R asook aangepas vir droëland en
besproeiing.
LS 6161R – ‘n smalblaar, donkergroen sojaboon wat aangepas is in
al die klimaatstreke, met uitstekende staanvermoë en opbrengs en
geskik is vir droëland sowel as besproeiing.
LS 6261R is ‘n nuwe smalblaarkultivar met soortgelyke eienskappe
as LS 6161R, maar met ‘n effens korter, regop groeiwyse.
LS 6466R val in die groep 6-groeiklas. Hierdie kultivar het uitstekende
peulhoogte en is baie goed aanpasbaar in die warm en gematigde
produksieareas, met uitstekende opbrengspotensiaal.
DANIEL HERBST,
Link Seed
Link Seed spog met ‘n volledige pakket sojaboon- en mieliebasters.