44 / 84
Produk-inligting
Junie 2017
42
Jou vennoot in landbousukses
S
enwes is ‘n toonaangewende landboumaatskappy wat
reeds vir sy 108ste jaar graan hanteer en opberg – ‘n ware
vennoot van die produsente in sy bedieningsgebied. Die
hart van die maatskappy is landbou en Grainlink Silobe-
dryf is een van die hoofare van hierdie hart, wat oplossings daarstel
om waarde toe te voeg en kliënte te ondersteun.
Grainlink Silobedryf ondersoek deurlopend nuwe tegnologie en
optimaliseer huidige bates en prosesse om deur doeltreffende
bestuur vir Senwes se kliënte ‘n vinniger en doeltreffender diens te
lewer. Die afgelope vyf jaar het die maatskappy navorsing gedoen
en met verskeie kliënte gesels om hul behoeftes beter te verstaan.
Die boodskap vanaf die kliënte was duidelik: “Ons wil graan vinniger
aflaai en ook graan teen ‘n hoër vogpersentasie lewer.” Hoe vinniger
produsente graan kan lewer, hoe vinniger hul omdraaityd, hoe
vinniger kan hulle aan die mark deelneem en hoe vinniger verloop
hul strooptyd.
Beter effektiwiteit
Die prosesse van die ontvangs, hantering en uitlaai van graan is
opnuut beoordeel. Daar is bevind dat die leweringsvragte se lang-
ste staantyd gedurende die wagtyd voor die opvangbak (voordat die
aflaaiproses begin) voorkom. Kritieke silo’s is geïdentifiseer en reeds
twaalf van hierdie silo’s se innamekapasiteit is vanaf 1 500 tot tussen
3 000 en 4000 ton per tien uur-werkdag verhoog.
Dit sal die vloei van vragmotors bespoedig en, indien nodig, sal
‘n bykomende padweegbrug geïnstalleer word. Die silo se in- en
uitweegtempo word dus met dié proses verhoog. Die verkorte om-
draaityd en egalige vloei ondersteun die produsent om die stroop-
proses te bespoedig. Aflaai-opvangbakke word onder meer weens
veiligheidsredes versterk.
Waarde vir geld
‘n Bykomende waardetoevoegingsfunksie is die diens waar skade-
like sade uitgesif word. Die doeltreffende hantering en opberging
van graan verg ‘n wisselwerking tussen kennis, dissipline en die
regte aanwending van betroubare toerusting.
Graandroërs en deurlugting word gebruik om graan te droog, te
temper en af te koel. Dit stel die maatskappy in staat om die volgende
aan sy kliënte te bied, wat graan teen ‘n hoër vogpersentasie wil
lewer, teen geen koste nie (afhangende van beskikbaarheid):
Sonneblom met tot 11% vog.
Sojabone met tot 14% vog.
Mielies met tot 18% vog.
Die maatskappy belê kapitaal in die instandhouding en tegnologie-
se ontwikkeling van sy bates en verseker dat hantering en opberging
‘n diens is wat vir die kliënt waarde toevoeg. Senwes is ook verbind
tot die bewaring van die omgewing. Hennenman Silo is die eerste
silo wat van sonkrag gebruik maak as aanvulling tot sy normale
elektrisiteitsbehoefte. Navorsing gaan voort in hierdie verband
– met die strewe na ‘n groen toekoms. Alternatiewe energiebronne
verseker ook volhoubare operasionele dienslewering aan kliënte
– selfs gedurende onvoorsiene kragonderbrekings vanaf die tradi-
sionele elektrisiteitsverskaffer.
Senwes Graanmakelaars Beperk
Senwes Graanmakelaars Beperk (SGB) spesialiseer in die verhande-
ling van afgeleide instrumente op die landbouprodukte-afdeling
van die JSE. SGB is toegewyd daaraan om die winsgewendheid van
die produsent en eindverbruiker te verhoog deur kundigheid aan
die dag te lê en toepaslike strategieë vir alle markomstandighede
te identifiseer. Kliënte kan persoonlike en doelgerigte diens verwag
ten einde markgeleenthede oor te dra. Dienste sluit daaglikse
gesprekke met kliënte, gereelde plaasbesoeke, daaglikse markver-
slae, sms’e en
-boodskappe in. Strategieë word volgens
die kliënt se risikoprofiel en behoeftes beplan.
Basislink
Basislink is ‘n aanlyn-platform wat geskep is vir kopers van graan
om hul die geleentheid te bied om op ‘n deursigtige en gelyke basis
mee te ding vir graan by ‘n spesifieke silo, teen ‘n spesifieke premie,
op ‘n bepaalde tyd. Dit gee op sy beurt ook vir die produsent die
geleentheid om sy graan by ‘n spesifieke silo teen ‘n spesifieke
premie, op ‘n bepaalde tyd, te verkoop.
Die platform het ontstaan om deursigtigheid in basisverhandeling
van graan te bewerkstellig. Alle gebruikers hiervan het die vermoë
om te sien waarteen is ander kopers in die mark bereid om te
koop sonder om te weet wie die koper is. Dit stel kopers in staat
om premies te verhoog of te verlaag na gelang van die vraag na
graan by die betrokke silo. Tot aan die einde van April 2017 is
6 076 059 ton verhandel, met ‘n premiewaarde van net oor die
R108 973 285 wat aan produsente betaal is.
Marktoegang (graanverkryging)
Opsies en diens gee die deurslag
Graanverkryging, as integrale deel van marktoegang, lewer uit-
muntende diens aan produsente vanuit verkeie strategies-geves-
tigde kantore regoor die totale Senwes-produksiegebied. Die
personeel in elke kantoor is opgelei om die produsent gedurende
die graanbemarkingseisoen met akkurate markinligting, asook die
verskaffing van gepaste graankontrak-alternatiewe, te ondersteun.
Elke kantoor is toegerus met lewendige Safex- en Basislink-skerms.
Die Basislink-platform stel ons kliënte in staat om die beste premie
vir hul graan by ‘n bepaalde leweringspunt met verskeie kopers
te beding. Op hierdie manier is besigheid deursigtig en ons kliënt
kan deur die hele bemarkingsproses teenwoordig wees. ‘n Ver-
skeidenheid graankontrakte is beskikbaar om elke finansiële en
kontantvloeibehoefte van ons kliënte aan te spreek. Die doel is
om deurlopend goeie graanpryse te realiseer en ook terselfdertyd
risiko te minimaliseer.
Gereelde behoeftebepalings word ook onder produsente gedoen.
Die doel is om nuwe kontrakmoontlikhede wat waarde vir die
produsent sal toevoeg, te ondersoek. Die nuutste van hierdie
kontrakte is die KPK-kontrak. Hierdie statisties-beproefde kontrak
het reeds by toepassing in die huidige seisoen groot sukses, tot
voordeel van produsente, behaal.
Markanalitiese dienste
Die afdeling poog om alle relevante fundamentele en tegniese
inligting, wat ‘n effek op die prysbeweging van grane en oliesade kan
hê te versamel, te evalueer, na te vors en te interpreteer. Die inligting
word op versoek en deur middel van artikels, inligtingsgeleent-
hede en via die verskeie Senwes Graan-telekommunikasie-appli-
kasies aan produsente beskikbaar gestel.
FOKUS
Graanhanteringsketting
Spesiale
GRAHAM LOTTERING,
operasionele bestuurder,
HANSIE SWANEPOEL,
tegniese markanalis: Marktoegang,
NICO VAN DER MERWE,
besigheidsanalis: Marktoegang en
THYS GROBBELAAR,
markanalis: Marktoegang, almal van Senwes Grainlink