72 / 84
Junie 2015
70
AKTUEEL
SA vanjaar ‘n invoerder van graan,
hoor GOSA-simposium
D
ie landbousektor is verplig om voedselveiligheid en
-sekerheid te bevorder en ons moet standpunt inneem
teen gebeure wat dit nadelig kan beïnvloed, soos
onoordeelkundige grondhervorming en die gebruik van
bewerkbare landbougrond vir mynbou-aktiwiteite.
Intussen kan die uiterste droogtetoestande wat die afgelope tyd
algemeen in somergraangebiede voorgekom het, veroorsaak dat
die huidige mielie-oes selfs kleiner as die geskatte 9,6 miljoen ton
kan wees.
“Oor die afgelope 20 jaar sedert 1994 was daar nog nie ‘n droog-
te soos hierdie jaar s‘n nie. Ons in landbou moet seker maak dat
die regering die regte leiding hieromtrent ontvang deur die
voorbeeld wat ons as landbou-organisasie stel,” het me Annatjie
Loio, president van die Graanhanteringsorganisasie (GOSA), tydens
die opening van hul 2015-simposium op 18 en 19 Maart in Boks-
burg gesê.
“Gemeet aan ‘n binnelandse verbruik van ongeveer 9 miljoen ton,
‘n oordragvoorraad van 1,5 miljoen ton en ‘n krimpende mielie-
oes weens die droogte, sal Suid-Afrika ongetwyfeld vanjaar ‘n
invoerder van graan wees,” het Loio gesê. Die eerste skeepsvrag
geelmielies word eersdaags in Kaapstad se hawe verwag, terwyl
geelmielie-invoere deur Port Elizabeth en Durban hawens ook reeds
geskeduleer is.
“Die mark sal eers na afloop van strooptyd finaal weet wat die
werklike impak van die droogte is,” het sy gesê en bygevoeg dat
mense betrokke in en by die graanbedryf, benewens die droogte,
ook senuweeagtig is oor die politiek en die ekonomie. Teen dié
agtergrond is die simposium se sprekers noukeurig uitgesoek om
te verseker dat die inhoud van die program relevant is.
‘n Volledige politieke, ekonomiese en media-perspektief oor globale
en veral plaaslike omstandighede is deur die onderskeie sprekers
gebied. Hulle meen dat die gebrek aan sterk politieke leierskap, die
ANC se ideologiese verwardheid, wankelrige beleid en die chaos
wat heers in staatsbeheerde organisasies, soos Eskom, nie daarop
dui dat Suid-Afrika ‘n mislukte staat is nie, maar wel ‘n struktuur
wat besig is om aan die brand te slaan. Te midde van ‘n politieke
klimaat wat as wisselvallig, onseker, weersprekend en twyfelagtig
beskryf is, het die sprekers sonder uitsondering hul positiwiteit
oor die land en die landbousektor se potensiaal uitgespreek. On-
danks die onsekerheid oor grondhervorming en die huidige droog-
te, het hulle voortgesette gesprekvoering en interaksie met die
regering bepleit.
Die sprekers was mnre Dawie Roodt (Efficient Groep), Theo Vorster
(Galileo Capital), Tim du Plessis (oud-koerantredakteur en
kykNET
se hoof van nuus) en Theo Venter (NWU Sakeskool).
Op ‘n tegniese noot het mnr Palle Dybdal, van Cimbria Unigrain
in Denemarke, inligting verskaf oor nuwe-generasie, omgewings-
vriendelike graandroërs, terwyl me Alta Swanepoel, ‘n regskenner,
lig gewerp het op die nuwe Padverkeerswetgewing rakende die
oorlading van voertuie.
Mnr Jaco Minnaar, ‘n produsent en hoofbestuurslid van Graan SA,
het dié organisasie se bydrae tot die volhoubare sosio-ekonomie-
se produksie van grane in perspektief gestel. Een van Suid-Afrika
se top avonturiers en inspirerende sprekers, mnr Peter van Kets,
het simposiumgangers uitgedaag om persoonlike doelwitte te stel,
vas te byt en ‘n nalatenskap agter te laat.
Die simposium is deur bykans 200 afgevaardigdes bygewoon,
wat bestaan het uit graanhanteerders soos Afgri, BKB, Kaap Agri,
NTK, NWK, Overberg Agri, OVK, Senwes en Suidwes asook die
verwerkings- en distribusiebedrywe, finansierders, insetverskaffers
en statutêre rolspelers. Loio sê die goeie jaarlikse bywoningsyfer
en stygende ledetal van die organisasie is tekenend van die
graanbedryf se behoefte aan ‘n onafhanklike organisasie soos
GOSA wat die oordra van bedryfspesifieke inligting fasiliteer.
Tydens ‘n algemene jaarvergadering is GOSA se raad eenparig her-
kies en mnr Gideon Ralepeli van Senwes Grainlink is as ‘n addisio-
nele lid verkies. Hy sluit hom op die raad aan by me Annatjie Loio
van Unitrade (president), mnre Esli Rall van RMB (visepresident),
Awie Kriel van Kaap Agri, Pieter Malan van Senwes Grainlink,
Ferdinand Meyer van Ronin GMS, Marco Pretorius van Afgri,
Hein Rehr van National Fumigants en Lukas Swarts van Ensign
Shipping.
JOHAN SMIT,
namens die Graanhanteringsorganisasie
1: Volgens Annatjie Loio, president van GOSA (tweede van links), het die sprekers tydens die 2015-
simposium daarin geslaag om presies die regte punte aan te spreek. By haar is van die sprekers (van
links): Dawie Roodt (Efficient Groep), Theo Vorster (Galileo Capital) en Theo Venter (NWU Sakeskool).
2: Die jongste toevoeging tot die raad van
GOSA is Gideon Ralepeli van Senwes
Grainlink.
1
2