46 / 92
FOKUS
Bemesting
Spesiale
Julie 2015
44
saadhanteringsalternatiewe
spaar jou geld
A
griVaria is ‘n onderneming wat
graag waarde in die landboube-
dryf wil ontsluit en sodoende
sorg dat sy produkgebruikers se
winsgewendheid verhoog word. Die onder-
neming verskaf ‘n reeks implemente wat
ingevoer of plaaslik vervaardig word om
hierdie doel te bereik. Dit word hoofsaak-
lik gedoen deur die effektiwiteit van
planters te verhoog deur planterstaantyd te
verminder.
Die kunsmiswa word plaaslik gebou met
die doel om aan jou spesifieke behoeftes
te kan voldoen. Hierdie toerusting is só
ontwerp dat dit meer as een funksie kan
vervul. AgriVaria se kunsmiswa-reeks be-
staan uit twee- en vierwielmodelle met
bakmates van 7 500 liter tot 24 000 liter.
Hierdie kunsmiswaens kan met verskillen-
de bykomstighede toegerus word. Daar
is ‘n keuse tussen verskillende awegare,
bakkieshysers, bande en sluise. Daar is
ook ‘n spesiale awegaar beskikbaar wat
uitsluitlik vir saadhantering ontwerp is. Die
kunsmisawegaar lewer ongeveer 800 kg
per minuut afhangend van die trekker se
olielewering.
Ontwerp is só gedoen dat die kunsmiswa-
reeks aan die verskillende planters wat
beskikbaar is, se vereistes kan voldoen. Die
tweewielwaens is spesifiek ontwerp om
die saaikasplanters maklik en vinnig te kan
volmaak. Daarenteen is die vierwielwaens
meer ontwerp om die tradisionele tipe
planter met saad- en kunsmisbakke vol te
maak. Met ‘n langer awegaar kan hierdie
waens ook die saaikasplanters bedien.
Die nuwe toevoeging tot die reeks, is
die awegaar-aapstert-kombinasie waarmee
tonsakke vanaf ‘n bestaande platbaksleep-
wa maklik in ‘n tradisionele planter oorge-
laai kan word. Hierdie awegaar-aapstert-
kombinasie kan ook baie effektief gebruik
word om losmaatsaad te hanteer.
Om twee soorte produkte afsonderlik te
kan hanteer, word die vierwielkunsmis-
waens standaard op ‘n veerbladsuspensie
met twee kompartemente gebou. Die
tweewielwaens word standaard met drie
kompartemente vervaardig, maar kan na
gelang van behoefte aangepas word. ‘n
Watertenk-opsie kan ook bygesit word.
Om korrosie tot die minimum te beperk,
ondergaan die binnekant van die waens
spesiale behandeling. Verder word alle
lasse toegesweis sodat daar so min as
moontlik plekke is waar produk kan aanpak
en korrosie kan begin.
Vlekvryestaal word gebruik om die sluise
mee te vervaardig en die sluise kan hidrou-
lies of meganies, afsonderlik beheer word.
Die awegaar of bakkieshyser is ontwerp om
by die sluis aan te pas. Indien jy dit verkies,
kan meer as een awegaar langs mekaar ge-
monteer word. Hierdie stap dra daartoe by
dat die kunsmiswa gelyk twee soorte pro-
dukte in verskillende planterbakke kan oor-
laai of dat die aflaaitempo verhoog word.
Die awegaar en bakkieshysers word hi-
droulies aangedryf en die operateur kan
die tempo van lewering beheer en stop
soos nodig. Vlekvryestaal word gebruik om
die awegaar en bakkieshysers volgens die
kliënt se vereistes te vervaardig, maar dit
word standaard in 6 m lengtes vervaardig.
Verder is die awegaar só ontwerp dat die
kunsmis of graan so min as moontlik be-
skadig word. Daar is ‘n nuwe aanhegstuk
wat dit moontlik maak dat net een persoon
die awegaar van die een kant na die ander
kan verskuif en sodoende kan die awegaar
aan albei kante van die wa gebruik word.
Die awegaar en bakkieshyser vou maklik
oop en toe as die wa vir lang afstande
verskuif moet word. Die teleskopiese ver-
lengstuk van die awegaar of bakkieshyser
na die kunsmisbak is lig sodat die opera-
teur dit maklik kan hanteer. Hierdie verleng-
stuk kan ook afgehaal word.
Die bande wat opgesit word, beïnvloed
die hoogte van die kunsmiswa, maar die
standaardwa is laag genoeg dat ‘n vurk-
hyser wat tonsakke kan hanteer, gebruik
kan word om die wa vol te maak. Die
awegaar kan ook gebruik word om self die
wa vol te maak. Indien jy dit verlang, is ‘n
hidrouliese arm wat tonsakke kan hanteer,
ook beskikbaar om op die wa te monteer.
Hierdie hidrouliese arm kan só vervaardig
word dat dit ook aan die trekker gehaak
kan word.
‘n Goeie seil word ook as standaard ver-
skaf en kan vanaf die grond oop en toe
gemaak word. Hierdie seil word oor ‘n raam
gerol wat die vorm van plasse bo-op die
seil beperk. Die awegaar of bakkieshyser
se bak word ook van ‘n seil voorsien wat
help voorkom dat vog nie maklik in die awe-
gaar of bakkieshyser kom nie.
Alle dele waar roes ‘n groot probleem kan
wees en waarby baie slytasie verwag word,
is van vlekvryestaal vervaardig.
Hierdie produkte het die vermoë om die
staantyd van planters te verminder en so-
doende kan daar meer hektare per dag per
planter geplant word.
Produk-inligting
PIETMAN BOTHA,
namens AgriVaria
Die Skippy 1000-4. Hier-
die awegaar-aapstert-
kombinasie is gebou
om 1 ton kunsmis-
sakke gemaklik 4 m
ver op te tel en dan die
planterkunsmisbakke
met ‘n awegaar vol
te maak.