SA Graan Februarie 2016

27 / 68

FOKUS
Grondbone
Spesiale
Nuwe benaderings en kultivars in
grondboonproduksie bekyk
Golden Peanut & Tree Nut SA is een van die min grond-
boonverwerkers wat tyd en geld spandeer aan navorsing
en ontwikkeling van nuwe kultivars en idees rondom
grondboonverbouing in Suid-Afrika om die produsent
se boerdery meer winsgewend te maak. Die bekende grondboon-
kultivars Akwa, Anel, Kwarts
en Tufa kom almal uit die Natal
Common-agtergrond. Daar is
in daardie tyd besluit om na
‘n heel nuwe agtergrond te
kyk vir kultivarlyne. Daar is op
die nageslagte wat uit Mani
Pintada (uit Bolivia) ontwikkel
is, gekonsentreer om sulke lyne
verder te ontwikkel. Drie lyne
is ontwikkel en geregistreer,
naamlik GP 023, GP 033 en
GP 035. In ons afgelope kul-
tivarproewe het die drie
nuwelinge goed vertoon met
GP 035 so ‘n kort koppie voor
met opbrengs. Dié kultivar het
‘n effens langer pit as die res,
maar onder droëlandtoestande
pas die kultivar baie goed aan.
Baie aandag word gegee aan
hersiene verbouingspraktyke.
Tussenryspasiëring is ‘n be-
langrike aspek. Met ‘n groter
tussenryspasiëring is die wor-
telontwikkeling meer – wat
lei tot beter vogopname.
Plantmassa is ook meer met
‘n gevolglike verkorting in
groeiseisoenlengte. Vervolgens
word ook gekyk na verdwerging
van die bogrondse dele van die
plant. Volgens ons resultate
het hierdie aksie ‘n verhoging
in peuldrag tot gevolg. Dit is
voor die hand liggend dat ‘n
verhoogde tussenryspasiëring
lei tot min plante per hektaar.
Daar word dus gekyk na meer
rye per hektaar en word vier
rye op beddings geplant. Daar
is ook indringend gekyk na
bemesting. Dié aspek, asook
die nodigheid, formulering en
metode van entstoftoediening,
word tans ondersoek. Die nuwe
praktyke is op drie verskillende
spilpunte geëvalueer. Op die
verskillende spilpunte is daar in
die 2014/2015-seisoen 8,2 ton,
8,2 ton en 8,5 ton peule per
hektaar respektiewelik geoes.
Die volledige program sal na
die afhandeling van vanjaar
se proewe bekend gemaak
word. Vir enige of meer inligting oor die spesifieke praktyke kontak
gerus vir Golden Peanut & Tree Nut SA. Die maatskappy is een van
die min grondboonverwerkers wat tyd en geld spandeer aan
ontwikkeling van nuwe kultivars en idees rakende grondboonver-
bouing in Suid-Afrika.
25
SCHALK VAN WYK, Golden Peanut & Tree Nut SA
Produk-inligting