31 / 68
FOKUS
Grondbone
Spesiale
Grondboonproduksie
– die nuwe era
B
ruikbare grond in Suid-Afrika vir grondboonproduksie is beperk en word soms
onderdruk deur kompeterende gewasse soos mielies. Die 2013/2014- 2014/2015-
en 2015/2016-seisoen is gekenmerk deur erge droogtes wat tot baie groot plaaslike
tekorte gelei het.
Prysverhogings is kenmerkend aan 2016 en word grootliks toegeskryf aan ‘n tekort binne-
lands terwyl die wisselkoers ook die vuur aanblaas. Verder het die Suid-Afrikaanse Inkom-
stediens (SAID) ook ‘n 10%-invoerheffing op geblansjeerde grondbone ingestel. Dit beteken
‘n verdere prysstyging in produsente- en verkooppryse.
Suid-Afrikaanse grondbone baie gewild
Suid-Afrikaanse grondbone is gewild as gevolg van ons grondbone se pitgrootte, pit-
vorm en algemene goeie kwaliteit. Hierdeur verdien Suid-Afrikaanse grondbone ‘n premie
op die internasionale mark teenoor die Runner-tipe grondbone.
GWK se grondbone is veral gesog in die buiteland en geniet voorkeur by kopers in Japan
en Europa. Verbeterings, wat insluit kultivarontwikkeling en verbeterde oesprosesse, sal
die produksie kan verhoog tot op vlakke waar min ander gewasse kan kompeteer.
Prysverhogings in 2016 plaas druk op die binnelandse mark. Dit kan die verkoopbare volume
onder druk plaas. Veral die informele mark kan hierdeur geraak word.
Navorsing essensieel
Navorsing in die grondboonbedryf is van groot belang vir die nuwe era in boerdery. Dit is
veral die gebrek aan nuwe kultivars wat die bedryf onder druk plaas. Mielie-oeste het die
afgelope paar jaar verdubbel as gevolg van voortdurende navorsing en verbeterde kultivars
terwyl grondbone steeds op ou kultivars moet staatmaak. Kultivarontwikkeling is daarom
veral belangrik om opbrengs te verhoog en om kultivars te kry wat beter aangepas is vir
Suid-Afrikaanse klimaatstoestande.
Verder is verhoogde weerstand teen plantsiektes en plae soos aalwurm ook belangrik.
Kopers sal ook verkies dat die nuwe kultivars hoë oleïenkultivars is, aangesien dit ‘n ver-
beterde rakleeftyd het en boonop gesondheidsvoordele inhou. Die kopers van Suid-
Afrikaanse grondbone verkies ‘n ronde pitvorm wat ‘n 60/70- of 50/60-pitgrootte is.
‘n Studie oor die interaksie tussen plant- en grondveranderlikes moet onderneem word
om sodoende die impak van die grond se fisiese en chemiese karaktereienskappe te
kwantifiseer. Die grondboonplante se groeidinamika, naamlik plantdiepte en digtheid, moet
ook gekwantifiseer word. ‘n Gebrek aan staatsondersteuning maak die proses stadig en
befondsing van navorsing moet elders bekom word.
GWK ondersteun grondboonprodusente
Hewige droogtes in die Vrystaat en Noord-Kaap laat produsente twee keer dink voordat
kosbare water op hul grond uitgespuit word. Met besproeiingskedulering kan die regte
hoeveelheid water op die regte tyd besproei word. Skedulering maak dit moontlik om die
plant se behoeftes aan water te bevredig en dus die ideale waterbalans te skep.
Met meganiese oesprosesse, effektiewe waterbestuur en ondersteuning van GWK kan die
produsent vandag die vrymoedigheid hê om suksesvol met grondbone te boer. Ons glo in
ons produsente en die toekoms van Suid-Afrika.
29
We bring the
international
export
market right
to your
doorstep.
GWK
Oilseeds
Cloete Nortje | 082 803 0687
CloeteN@gwk.co.zaTjaart Myburgh | 082 801 7414
TjaartMY@gwk.co.zaGWK Oilseeds achieves suc-
cess when our producers are
successful. Therefore we feed
them with the latest tools and
technology - with newer and
smarter ways to do business -
so that they can keep feeding
the people who drive the world
forward.
TJAART MYBURGH,
GWK
Produk-inligting