23 / 68
21
February 2016
‘n Omnia-mengsel met stikstof (N), fosfaat (P), kalium (K), sink (Zn),
swael (S) en boor (B) is tydens plant toegedien.
Die produk is ‘n enkelkorrelkunsmis (elke korrel bevat al die
nodige voedingstowwe in die regte verhouding).
‘n Plantmengsel met boor is die voorkeurproduk as gevolg
van die grondboonplant se gevoeligheid vir boortekorte en
dit is algemeen bekend dat boorvoorsiening aan plante in die
sanderige gronde van die Wes-Vrystaat laag is. Goeie reaksie
is dus verkry deur boor addisioneel met plant toe te dien.
‘n Latere topbemesting met stikstof, fosfaat en kalium is toegedien.
Die fosfaatbron wat gebruik is, is ‘n stadigvrystellende fosfaat-
bron, wat energie vir die lang blom- en peulvormingsperiode van
die grondboonplant verskaf.
Die kunsmis bevat ook sink, swael, kalsium, magnesium en ‘n
bietjie stikstof. Swael is uiters belangrik vir enige oliesaadgewas,
weens die belangrike rol wat die element in proteïensintese
speel. Dus word nog kritiese elemente op ‘n latere stadium
bygevoeg om die plant se behoeftes verder aan te vul.
Die ekstra stikstof, wat breedwerpig toegedien word, is dan ‘n
aanvulling tydens proteïensintese tydens peulvorming.
Bykomende kalium is baie belangrik vir die beweging en regu-
lering van voedingstowwe tydens die reproduktiewe fase van
die plant.
Gips word ook in blomtyd uitgestrooi en die 60 cm lasry word met
‘n vlerkskaarbewerking na gipstoediening opgehef.
Gips bevat kalsium en swael wat baie belangrik vir die grond-
boontjie se groei en ontwikkeling is.
Kalsium is uiters belangrik vir goeie gehalte pitte, siekteweer-
stand, selstruktuur en die algemene groei van die plant.
Opsommend
Met die bogenoemde voedingspraktyke word al die noodsaaklike
elemente in tyd en teen die korrekte peil toegedien. Elkeen van die
produkte bevat swael en die meeste bevat kalsium.
Bespuitingsprogram
Die bespuitingsprogram is deur Golden Peanut & Tree Nut SA aan-
beveel.
Na plant: Metagan Gold en Strongarm.
Middel Januarie: Restore en CropCandy asook Amistar Top.
Middel Februarie: Amistar Top asook CropCandy en melasse.
Begin Maart: Amistar Top, Carbo Zink en Carbo Calmag.
Proefuitleg
2014
Plant met ‘n NPK-mengsel wat Zn, Ca, Mg, en S bevat.
Topbemes met gips.
2015 standaardbehandeling
Plant met ‘n NPK-mengsel wat Zn, S en B bevat.
Topbemes gips en bykomende kunsmis.
Grafiek 1: Aanduiding van die reaksie op pitopbrengs met die onderskeie behandelings.
GEMIDDELDE OPBRENGS
(PEULE)/(VOER)
GEMIDDELDE OPBRENGS
(PITTE)
GEMIDDELD
R/TON
TOTALE
INKOMSTE/HA
Peule
7,96 ton
5,83 ton
R8 500
R49 555
Voer
5,50 ton
5,50 ton
R1 400
R7 700
Totaal
R57 255
GEMIDDELDE
OPBRENGS (PEULE)
GEMIDDELDE
OPBRENGS (PITTE)
GEMIDDELD
R/TON
TOTALE
INKOMSTE/HA
8,5 ton
6,2 ton
R8 500
R52 700
TABEL 5: GEMIDDELDE TOTALE INKOMSTE (9,27 HA).
TABEL 6: GEMIDDELDE TOTALE INKOMSTE OP SPILPUNT 1 MET EKSTRA FOSFAAT.
Peulvorming van grondbone op die
maksimum-opbrengsproef.
Rizobium-ontwikkeling op
wortels was uitstekend al is
addisionele N met plant en
topbemesting toegedien.