32 / 76
30
impak op die VSA mieliemark hê?
D
ie laer ruoliepryse is vir VSA produsente ‘n bron van
kommer ten spyte daarvan dat dit blyk dat die bio-etanol
inmeng mandaat in die VSA nie verlaag sal word nie. Die
belegging in infrastruktuur in die klein- en groothandel om
bio-etanol te hanteer, is groot.
Hierdie mandaat verseker ‘n mark vir bio-etanol. Die voorraadvlak-
ke vir bio-etanol is egter hoog en die groot aanbod kan bio-etanol se
pryse beïnvloed.
Aanduidings is dat die brandstofpryse in die VSA tot vlakke laer as
bio-etanolpryse gedaal het. Al is die bio-etanolprys tydelik hoër
as brandstofpryse, moet raffinaderye aanhou om bio-etanol in te
meng om bemarkbare brandstof in die mark te plaas.
Onlangse negatiewe mediaverslaggewing oor die verlaagde ver-
bruik of aankope van bio-etanol in die VSA hou veral verband
met handelaars wat voor Kerstyd en Nuwejaar hul bio-etanolvoor-
rade aangevul het.
Dit het verbruiksyfers voor die feestyd skerp laat toeneem. Aan-
koop- en verbruiksyfers deur klein- en groothandelaars het gevolg-
lik oor die wintervakansie in die VSA skerp gedaal. Die aangevulde
voorraad is gebruik in stede daarvan om nuwe aankope te maak.
Dit is egter so dat die laer ruoliepryse tot laer bio-etanolpryse
in die VSA kan lei. Die winsmarges van biobrandstofprodusente
kom toenemend onder druk. Indien ruoliepryse verder sou daal en
tot laer bio-etanolpryse gaan lei, kan dit ook tot ‘n laer vraag na bio-
etanol lei.
Die kleinhandelinfrastruktuur in die VSA is goedkoper vir standaard
inmengkoerse van 10% bio-etanol. Vir E11- tot E25-brandstof is die
koste hoër, maar vir die hantering van E26- tot E85-brandstof is die
koste aan toerusting aansienlik hoër.
In die VSA word die vraag na E15-brandstof geraak wanneer die
bio-etanolprys hoër is as die petroleumprys. Voordat die pe-
troleumpryse so skerp gedaal het, was E15-brandstof 5 tot 10
VSA-sent per gallon goedkoper. Met ander woorde,
solank as wat die petroleumprys in die VSA goedkoper
is, kan E15-brandstofverbruik in die VSA daal omdat die
biobrandstofproduk duurder is.
Petrolpompe wat ‘n hoër hoeveelheid bio-etanol inmeng
(E26 tot E85), het duurder toerusting nodig. Dit is egter
ook waar dat laer ruolie- en brandstofpryse in die VSA
daartoe lei dat die vraag na groter voertuie met ‘n hoër
brandstofverbruik toeneem en dit stimuleer weer die vraag
na brandstof.
Dieselfde is waar vir die E85-biobrandstofproduk. Daar
word voorsien dat die Amerikaanse verbruiker groter voer-
tuie met ‘n hoër brandstofverbruik sal koop. Hierdie voer-
tuie kan E85-brandstof hanteer. Sodra die prysverhouding
tussen petroleum en bio-etanol dus na vlakke herstel waar-
tydens bio-etanol weer goedkoper as petroleum is, kan dit
gebeur dat die vraag na bio-etanol sal styg. Die rede is dat
daar meer voertuie op VSA paaie sal wees, wat dan die
goedkoper bio-etanolvermengde brandstof soos E15 en
E85 sal gebruik.
Die Brent ruolieprys het aan die begin van die mieliebemar-
kingsjaar op 1 Mei 2014 op 108 per vat teen die dollar ver-
handel. Die VSA Golf mielieprys het 238/ton teen die dollar
verhandel en CME-etanolpryse het teen $2,17/eenheid
verhandel.
Ruolie
Die prys van ruolie het vanaf 1 Augustus verlede jaar skerp
begin daal. Op 12 Januarie vanjaar het die prys van ruolie ‘n
daling van 57% sedert 1 Augustus aangeteken.
Etanolpryse
Etanolpryse het skerp met 31% begin daal vanaf die begin
van September verlede jaar tot die einde van dieselfde
maand. Etanolpryse het daarna gestyg en volledig herstel
teen 1 Desember om net daarna weer skerp met 40% te
daal tot middel-Januarie vanjaar.
OP PLAASVLAK
WESSEL LEMMER,
senior ekonoom: Bedryfsdienste, Graan SA
23 Januarie 2015