69 / 112
Nuwe tegnologie vir sojabone op pad
D
ie uitstekende waarde wat biotegnologie na soja- en
mielieprodusente in Suid-Afrika gebring het, het gelei
tot verdere behoeftes in die sojaboonbedryf. Met die
huidige uitbreiding van sojaboonaanplantings in die land,
het dit tot gevolg dat die gebruik van nuwe biotegnologie in soja-
bone groot waarde na die mark toe kan bring.
Roundup Ready-sojabone word reeds vir meer as tien jaar in
Suid-Afrika gebruik en daar is min hektare wat sonder dié tegno-
logie verbou word. Die beheer van breëblaaronkruide in sojabone
was ‘n groot probleem voordat Roundup Ready-sojabone op die
toneel verskyn het.
Na deeglike oorweging het Monsanto Suid-Afrika goedkeuring ver-
kry om die volgende generasie biotegnologieprodukte in Suid-Afrika
te toets. Die daarstelling van die teling-en-tegnologieheffing wat op
die been gebring is, het ook ‘n groot bydrae tot hierdie goedkeuring
gelewer.
Die nuwe geen-pakket bestaan uit twee gedeeltes. Dit bestaan
uit ‘n onkruiddodergedeelte wat die tweede generasie Roundup
Ready-geen insluit. Hierdie geen is meer effektief as die vorige een
en verskaf uitstekende verdraagsaamheid van die gewas gemeet
teen Roundup-onkruiddoder.
Die tweede gedeelte van die geenpakket bestaan uit ‘n geen wat
die Afrika bolwurm beheer. Op hierdie stadium word ‘n groot aantal
insekdoders toegedien om die Afrika bolwurm te beheer. Hierdie
geen staan bekend as “Intacta” en sal baie waarde toevoeg indien
dit effektief aangewend kan word.
Hierdie nuwe gene word onder streng gereguleerde toestande
getoets – dit is ‘n voorvereiste vir deregulering vir kommersiële
verbouing. Die regulatoriese proewe sal in die 2017-seisoen herhaal
word. Voorlopige resultate van die huidige seisoen lyk beson-
der positief.
Produsente en die bedryf is baie opgewonde oor die nuwe tegnolo-
gie wat op pad is. Registrasiedokumente vir die geen-pakket sal
hopelik teen einde 2018 ingedien word. Kommersiële beskikbaarheid
sal afhang van hoe vinnig die regulatoriese goedkeuringsproses
verloop en hoe vinnig die tegnologie deur saadverskaffers beskikbaar
gestel kan word.
67
August 2017
FOKUS
Sojabone
Mini
LEONARD OBERHOLZER,
tegnologie-ontwikkelingsbestuurder: Suid-Afrika, Monsanto
Voor-opkomsonkruide word voor-plant bespuit en indien die
Roundup Ready sojabone met glifosaat bespuit moet word, is
dit praktyk om die Roundup met ander middels te meng om die
effek van die Roundup op die sojabone te verminder.
Swamme is ‘n uitdaging by sojaboonverbouing. Van Coller bestuur
swamdodertoediening daarom ook eerder voorkomend as om
reaktief op te tree. Die bespuiting van die sojabone net voor blom
en tydens blom word sover as moontlik beperk om te verseker dat
die meeste blommetjies wel bestuif raak.
Van Coller wil sy grond so vinnig moontlik met gewasse bedek
hê en plant daarom nouer rye. Hierdie rywydtes maak dit vir die
sojabone moontlik om vinnig die rye toe te maak en sodoende
word die grondtemperatuur verlaag en die vogverlies as gevolg van
verdamping verminder.
Gepraat van grondtemperatuur: Dit is ook krities om te besluit
wanneer met die sojaboonaanplantings begin kan word. As die
grondtemperatuur nog te laag is, sal die ontkieming van die saad
benadeel word. Die plantdiepte van die saad is meer krities as dié
van mielies. Pasop om te diep te plant, maar wees ook versigtig om
te vlak te plant. Praat gerus met die saadverteenwoordigers om die
kultivars teen die regte plantdiepte te plant.
Sojabone vereis ook heelwat meer bestuur as mielies, noem hy.
Binne ‘n week kan bolwurm geweldige skade aanrig en daarom is
gereelde, volledige landinspeksies essensieel. Sodra die wisselbou
van sojabone binne die boerderypraktyke ingesluit word, is dit
belangrik dat die onkruiddoderprogram hiervoor voorsiening maak.
Bespreek dit met jou chemiese verteenwoordiger en bestuur dit.
Vir Van Coller is die aanplant van sojabone in die Viljoenskroon-
omgewing ‘n betreklik goeie toevoeging wat nie net sy wins-
gewendheid nie, maar ook sy kapitale aanwending verbreed. Hy sê
hy sal verseker steeds hierdie gewas in die toekoms verbou.
Vir navrae oor die artikel, kontak Pietman Botha by 082 759 2991 of
Cobus van Coller by 082 561 6375.
Beplanning en bestuur
Maak seker dat jy oor genoeg stroopkapasiteit beskik om die stroop van sojabone betyds af te handel..