72 / 112
Produk-inligting
Augustus 2017
70
vir sojaboonproduksie van nader bekyk
D
ie seleksie van die regte soja-
boonkultivars is een van die
mees belangrike besluite wat ‘n
sojaboonprodusent moet neem.
ie veelsydige Pannar sojaboonpakket
beskik oor ongeëwenaarde stabiliteit by
verskillende opbrengspotensiaalvlakke en
oor verskillende produksiestreke heen.
Pannar het toegang tot die beste kom-
mersiële sojaboonkultivars – hetsy dit
plaaslik of in die buiteland ontwikkel is.
Die maatskappy se beleid is om die beste
moontlike kultivars in die Suid-Afrikaanse
mark vry te stel, ongeag vanwaar hul af-
komstig is.
Die 2015/2016 LNR Nasionale Kultivarproef-
resultate illustreer dit goed. Ons kultivars
behaal die topposisie in die koel, gematig-
de en warm produksiestreke, asook die
algehele topposisie. Die maatskappy maak
derhalwe skoonskip.
Hierdie voortreflike prestasie word ook in
ons interne proefresultate weerspieël. Ons
is gewoond aan inkrementele genetiese
verbetering in opbrengs oor ‘n lang termyn
in sojaboonproduksie. Met hierdie nuwe
reeks het ons egter sopas ‘n ongelooflike
sprong in genetiese potensiaal ervaar.
PAN 1521R en PAN 1532R het die jaar
uitstekend presteer en is ‘n moet in elke
produsent wat in die oostelike koel en
matige produksiegebiede boer, se pakket.
Sojaboonprodusente in die weste moet
ook PAN 1521R, PAN 1623R en PAN 1614R
deel maak van hul pakkette.
Produksiegebiede
Die Suid-Afrikaanse produksiegebiede word
in drie primêre produksiegebiede verdeel,
naamlik: Koel, matig en warm.
Anders as in die res van die wêreld, waar
sojaboonproduksiegebiede bepaal word
deur die relatiewe afstand vanaf die ewe-
naar, word sojaboonproduksiegebiede in
Suid-Afrika bepaal deur die gebied se hoog-
te bo seevlak. Die koel produksiegebiede is
geleë in die hoërliggende Oos-Vrystaat en
Mpumalanga, wat gekenmerk word deur
‘n korter produksieseisoen met matige so-
mersdae en relatiewe hoër reënval.
Die matige produksiegebied sluit die sen-
trale dele van die Hoëveld asook Noord-
wes- en Wes-Vrystaat in en het oor die
algemeen ‘n langer produksieseisoen met
warmer dae en gemiddelde reënval.
In die warm produksiegebiede kom ‘n lang
groeiseisoen voor, met warm dae en min
reënval. Sojabone word hier meestal onder
besproeiing verbou.
Elke produsent moet eerstens weet in wat-
ter een van die drie produksiegebiede sy
grond lê en ook wat die produksiepotensiaal
van die grond is. Die koring kan dan
sodoende vinnig van die kaf geskei word.
Kultivars tot jou beskikking
Daar is ‘n groot hoeveelheid sojaboon-
kultivars op die mark. Die verbetering
in kultivaropbrengs die afgelope 34 jaar
beloop 1,2% per jaar. Die kompetisie
tussen saadmaatskappye is intens en elk-
een wil die beste produk aan die produ-
sent verkoop.
Elke maatskappy selekteer die beste kulti-
vars tot hul beskikking uiters sorgvuldig.
Hulle gebruik die modernste produksie- en
teeltegnieke om die beste kwaliteit saad
aan die produsent te lewer.
Indien daar op ‘n kultivar besluit moet
word, is die Nasionale Kultivarproewe wat
deur die LNR gedoen word, die beste plek
om te begin. As ‘n kultivar nie in die proewe
verskyn nie, moet dit eerder vermy word.
Die Pannar sojaboonkultivarpakket presteer
goed in al die sojaboonproduksiestreke
van Suid-Afrika en lewer goeie, stabiele
prestasie en uitstekende risikobestuur.
Produsente kan met groot gemoedsrus en
vertroue ons sojaboonreeks aanplant – met
die wete dat die beste tegnologie in hierdie
kultivars opgesluit lê.
Wat die opbrengswaarskynlikheid (%) van
Pannar se kultivars wat oor die 2013/2014,
2014/2015- en 2015/2016-seisoen deur die
LNR geëvalueer is betref, dui dit op bui-
tengewoon goeie stabiliteit vir die gegewe
opbrengspotensiaalvlakke.
Groeiklasse
Die volgende stap is om tussen die verskil-
lende groeiklasse te kies. Dit is goeie
praktyk om nie al jou eiers in een mandjie
te plaas nie. Om risiko te versprei, moet
daar verkieslik ‘n pakket van verskillende
kultivars geplant word.
Deur eerste die kultivars in verskillende
groeiklasse te rangskik, kan die beste dan
uit elke groeiklas geselekteer word. So-
doende kan risiko optimaal bestuur word.
In jare waar reën aan die einde van Febru-
arie en in Maart wegbly, sal die groeiklasse
4,5 tot 5,5 baie beter presteer as die
groeiklasse 5,5 tot 7,5. Die omgekeerde is
waar as goeie neerslae in die tweede helfte
van die seisoen voorkom.
Oor die lang termyn is gevind dat groei-
klasse 5 en 6 die mees stabiele opbrengs
lewer en daarom moet die grootste deel
van die pakket uit dié groeiklasse saamge-
stel word.
Kontak jou naaste verteenwoordiger of land-
boukundige vir meer inligting rakende
kultivareienskappe en kultivaraanbevelings.
Kultivarinligting is ook op ons webtuiste
beskikbaar.
FOKUS
Sojabone
Mini
NICO BARNARD,
Pannar Saad
Die Pannar sojaboonkultivarpakket presteer
goed in al die sojaboonproduksiestreke van
Suid-Afrika en lewer goeie, stabiele prestasie
en uitstekende risikobestuur.